დღეს ქართველი სამბისტები მოსკოვში, შულცის სახელობის საერთაშორისო ტურნირში ჩაებმებიან. ისინი ევროპის ჩემპიონატისთვის ემზადებიან და მოსკოვში ორ შეჯიბრებაში გამოვლენ - შულცის მემორიალი ხვალ მთავრდება, 26-27 მარტს კი სამბოს დამაარსებელ ხარლამპიევის სახელობის მსოფლიოს სუპერთასი ტარდება. ჩვენები ორივე ტურნირში ერთი და იმავე შემადგენლობით გამოვლენ: უშანგი კუზანაშვილი (57), ლევან ნახუცრიშვილი (68), ზურაბ ნოზაძე, კახა მამულაშვილი (74), ნიკოლოზ კუცია (82), მინდია ბოდაველი (90), მირიან პავლიაშვილი (100), ლევან მუქერია (+100).
ჩვენი ნაკრები მოსკოვში არასრული შემადგენლობით იასპარეზებს - 52 და 62-კილოგრამებში მონაწილე არ გვეყოლება. 52-ის ლიდერი აქამდე
საერთოდ, ევროპის ჩემპიონატზე წამსვლელი გუნდის ძირითადი ბირთვი უკვე ცნობილია, მაგრამ მწვრთნელები მათ ვინაობას ჯერ არ ასახელებენ. შესაბამისად, წარმოდგენილ შემადგენლობაში მოსკოვური პაექრობები ზოგისთვის მხოლოდ სასტარტო იქნება საევროპოდ მზადების გზაზე, ზოგიერთ წონაში კი ამას საკონკურენციო დატვირთვაც დაემატება - სოფიაში წამსვლელი გუნდი საბოლოოდ იქ გაირკვევა. თუმცა ამჯერად მოსკოვში რამდენიმე ახალგაზრდასაც ცდიან, რომლებიც თანატოლთა ევროპის ჩემპიონატისთვის ემზადებიან. სამწუხაროდ, უფულობის გამო სოფიაში წასვლამდე ჩვენი სამბისტები სხვა ტურნირებში ვეღარ გამოვლენ.
.
