მაროკოს უდიდესი ქალაქი და ნავსადგური, ტურისტულ ცენტრად აღიარებული კასაბლანკა (ესპანურად თეთრი სახლი) ამ დღეებში სამბოში ვეტერანთა მსოფლიოს ჩემპიონატს მასპინძლობდა. საქართველოდან ამჯერად და უკვე მეექვსედ მსოფლიოს ჩემპიონის ტიტული მოიპოვა 40-45-წლიანებს შორის (62 კგ) თბილისის საგანგებო და გადაუდებელი სიტუაციების მართვის სააგენტოს უფროსმა თემურ გიორგაძემ (ერთხელ, ადრე, ევროპის ჩემპიონიც გახდა).
მსოფლიოს ახლანდელი ჩემპიონატი ყველაზე წარმომადგენლობითი იყო - მონაწილეობდა 35 ქვეყნის 500-მდე ვეტერანი ათლეტი.
იმავე ჩემპიონატზე მესამე პრიზიორი გახდა ასევე ცნობილი ვეტერანი ზაურ სახვაძე, ხოლო უმაღლესი - ექსტრაკლასის მსაჯის წოდება მიენიჭა ოთარ ყურაშვილს.
თენგიზ
ყოველდღიური სპორტული გაზეთი "ლელო"
