ისტორიაში მეორედ მოხდა, რომ სუმოს უპირველესი ტიტული ევროპელმა მოიგო - კვირას იმპერატორის თასს ოძეკი ბარუტოს გადასცემენ, 27 წლის ესტონელ კაიდო ჰიოველსონს. მისთვის ყველაზე წარმატებული გამოდგა კარიერაში 46-ე ბაშო - 13 დღეა ბარუტო ვერავინ წააქცია ტოკიოს დოჰიოზე, დარჩენილ ორ ორთაბრძოლაში კი ამას აზრიც აღარა აქვს, ბალტიელს ვერავინ დაეწევა. სხვათა შორის, დღეს ბარუტო ბულგარელ ოძეკი კოტოოშუს ხვდება, სწორედ იმას, ვინც ევროპელთაგან პირველმა მოიგო იმპერატორის თასი.
მეორე ადგილზე 10-3 ბალანსით ერთბაშად 6 რიკიშია. სასიხარულოა, რომ დიდ ჩემპიონსა და სამ ოძეკისთან ერთად სიაში გაგამარუა
თუკი დარჩენილ ორ ორთაბრძოლასაც მოიგებს, ჩვენებურ რეიტინგში საგრძნობლად დაწინაურდება. შეგახსენებთ, რომ ახლა გაგამარუ მე-10 მაეგაშირაა.
გუშინ დადებითი ბალანსი დაიბევა ტოჩინოშინმა (ლევან გორგაძე). ჩვენებურმა გადამწყვეტი, მე-8 მოგება ჩიონოკუნისთან ორთაბრძოლაში მოიპოვა.
სამწუხაროდ, ძურიოს დივიზიონში დამარცხდა კოკაი (ლევან ცაგურია) და კვლავ უარყოფითი ბალანსი გაუხდა - 6-7. "შავ ზღვას" ორივე დარჩენილი მატჩის მოგება სჭირდება.
XIII დღე (მნიშვნელოვანი ბრძოლები): კოტოოშუ-ჰაკუჰო (იორიკირი), ჰარუმაფუჯი-მიაბიამა (იორიკირი), კისენოსატო-ტოჩინოვაკა (იორიკირი), ბარუტო-კოტოშოგიკუ (შიტატენაგე), კაკურიუ-ამინიშიკი (ჰატაკიკომი), ტოიონოშიმა-გოეიდო (უვატედაშინაგე), ვაკაკოიუ-ტაკაიასუ (ოშიდაში), ოკინოუმი-ტაკეკაძე (ოშიდაში), ტოიოჰიბიკი-კიტატაიკი (იორიკირი), ჰომაშო-ტოსაიუტაკა (იორიკირი), ტოჩინოშინი-ჩიონოკუნი (იორიკირი), გაგამარუ-ფუჯიაზუმა (ჰატაკიკომი). ძურიო: ბუშუიამა-კოკაი (იორიკირი).
სატურნირო მდგომარეობა
13-0: ბარუტო (ოძეკი).
10-3: ჰაკუჰო (იოკოძუნა), კოტოოშუ (ოძეკი), ჰარუმაფუჯი (ოძეკი), კისენოსატო (ოძეკი), ტოჩიოძანი (მაეგაშირა 8), გაგამარუ (მ 10)... 8-5: ტოჩინოშინი (მ 9).
XIV დღე (მნიშვნელოვანი წყვილები): ჰაკუჰო-კოტოშოგიკუ, ჰარუმაფუჯი-კისენოსატო, ბარუტო-კოტოოშუ, ტოიონოშიმა-ამინიშიკი, კაკურიუ-ტაკაიასუ, კიტატაიკი-ვაკაკოიუ, მიაბიამა-ოკინოუმი, ტაკეკაძე-გოეიდო, ტოჩინოვაკა-ტაკანოიამა, ჰომაშო-აოიამა, გაგამარუ-ტოიოჰიბიკი, ტოჩინოშინი-ნიონოუმი. ძურიო: კოკაი-მასურაუმი.
ფოტოზე: ესტონელის საჩემპიონო გდება
ყოველდღიური სპორტული გაზეთი "ლელო"
