გაგამარუ ისევ იბრძვის

21 მარტს კიდევ ერთმა ქართველმა სუმოისტმა გაინაღდა ბაშოს უარყოფითი ბალანსით დასრულება - პროფესიული სუმოს პიონერმა ქართველებში, ლევან ცაგურიამ (კოკაი) მერვე ორთაბრძოლა დათმო ოსაკაში. დაველოდოთ, როგორ განვითარდება მოვლენები. არის იმის საფრთხეც, რომ "შავი ზღვა" მესამე დივიზიონში გავარდეს.

სამაგიეროდ, ბოლომდე იბრძვის აღმოსავლეთის კომუსუბი გაგამარუ (თეიმურაზ ჯუღელი). ჩვენებური, მართალია, გვიან, მაგრამ მაინც გამოფხიზლდა და ახლა დადებითი ბალანსისთვის ყველა დარჩენილი ორთაბრძოლის მოგება მართებს. 21 მარტს მან ოშიდაშით იოშიკაძე დაამარცხა და 4-7 ბალანსი გაუხდა. დღეს გაგამარუს მეტოქე პირველი მაეგაშირა ტოჩინოვაკაა. ლევან გორგაძეზე (ტოჩინოშინი) მხოლოდ იმას ვიტყვით, რომ მთელ ელიტაში ყველაზე ცუდად ოსაკაში ის ასპარეზობს (1-10).

გაზაფხულის ბაშოს ორი ლიდერი ჰყავს - 10-10 მოგება დიდ ჩემპიონ ჰაკუჰოს და მის მონღოლ თანამემამულე კაკურიუს აქვთ.

XI დღე (მნიშვნელოვანი ბრძოლები): ჰაკუჰო-კოტოშოგიკუ (იორიკირი), კოტოოშუ-ბარუტო (იორიტაოში), ჰარუმაფუჯი-კისენოსატო (იორიტაოში), კაკურიუ-მიოგირიუ (კატასუკაში), ტოჩინოვაკა-ამინიშიკი (ოშიდაში), გაგამარუ-იოშიკაძე (ოშიდაში), არანი-ტოჩიოძანი (ჰატაკიკომი), ტოკიტენკუ-ტოჩინოშინი (ჰატაკიკომი), ვაკაკოიუ-კიოკუტენჰო (ჰიკიოტოში), ტოიონოშიმა-ტაკაიასუ (სუკუინაგე). ძურიო: არავაში-კოკაი (ტოტარი).

სატურნირო მდგომარეობა
10-1: ჰაკუჰო (იოკოძუნა), კაკურიუ (სეკივაკე).
9-2: ბარუტო (ოძეკი), ჰარუმაფუჯი (ოძეკი), შოტენრო (მაეგაშირა 16)... 4-7: გაგამარუ (კომუსუბი)... 1-10: ტოჩინოშინი (მ 3).

XII დღე (მნიშვნელოვანი წყვილები): ჰაკუჰო-კოტოოშუ, ჰარუმაფუჯი-ტოჩიოძანი, ტოიონოშიმა-კისენოსატო, ბარუტო-კოტოშოგიკუ, ამინიშიკი-მიოგირიუ, კაკურიუ-შოტენრო, გაგამარუ-ტოჩინოვაკა, ტოჩინოშინი-იოშიკაძე, ტოკიტენკუ-კიოკუტენჰო, ტაკეკაძე-არანი. ძურიო: კოკაი-კიმურაიამა.

ყოველდღიური სპორტული გაზეთი "ლელო"