13 ნოემბერს კიუშუს ბაშოზე პირველი გამარჯვება იზეიმა მე-7 მაეგაშირა გაგამარუმ (თეიმურაზ ჯუღელი). მან ოშიდაშით აჯობა მე-4 მაეგაშირა ტაკაიასუს. ელიტის ყველაზე მძიმე სუმოისტს 1-2 ბალანსი აქვს. 14 ნოემბერს მისი მეტოქე მე-9 მაეგაშირა შოტენროა. ზედიზედ მეორედ დამარცხდა ტოჩინოშინი (ლევან გორგაძე). ქართველს ბულგარელმა ოძეკი კოტოოშუმ აჯობა. ტოჩინოშინსაც 1-2 ბალანსი აქვს და დღეს იგი მე-4 მაეგაშირა მასუნოიამას დაეჭიდება.
კიუშუს ბაშოდან ორი სუმოისტი მოიხსნა ტრავმების გამო - ესტონელი ოძეკი ბარუტო და მონღოლი ასასეკირიუ. შოჰოზანთან პაექრობისას ბარუტომ კუნთი გაიწყვიტა, ამიტომ მისი დაბრუნება ამ ბაშოზე თითქმის გამორიცხულია.
III დღე (მნიშვნელოვანი ბრძოლები): ჰაკუჰო-ოკინოუმი (იორიკირი), ჰარუმაფუჯი-ტოჩიოძანი (იორიკირი), კოტოშოგიკუ-კაისეი (უვატენაგე), კოტოოშუ-ტოჩინოშინი (იორიკირი), გოეიდო-ბარუტო (უბრძოლველად), კაკურიუ-შოჰოზანი (ოკურიდაში), კისენოსატო-ჰომაშო (იორიკირი), ამინიშიკი-მიოგირიუ (ოშიტაოში), კიოკუტენჰო-ტაკეკაძე (უვატენაგე), გაგამარუ-ტაკაიასუ (ოშიდაში).
IV დღე (მნიშვნელოვანი წყვილები): ჰაკუჰო-კაისეი, ჰარუმაფუჯი-შოჰოზანი, კოტოოშუ-ტაკეკაძე, კაკურიუ-ჰომაშო, კისენოსატო-ტოჩიოძანი, კოტოშოგიკუ-ოკინოუმი, გოეიდო-ამინიშიკი, მიოგირიუ-ტაკაიასუ, ტოჩინოშინი-მასუნოიამა, გაგამარუ-შოტენრო.
ყოველდღიური სპორტული გაზეთი "ლელო"
