გაზაფხულის ბაშოს მეექვსე დღეს თეიმურაზ ჯუღელმა (გაგამარუ) იმარჯვა, ხოლო ლევან გორგაძემ (ტოჩინოშინი) მარცხი განიცადა.დასავლეთის პირველი მაეგაშირა ტოჩინოშინი ოძეკის ტიტულის მფლობელ კოტოშოგიკუს ხვდებოდა. უფრო ტიტულოვანმა იაპონელმა მაშინვე ხელთ იგდო ინიციატივა და ჩვენებური იორიკირის ილეთით გაიყვანა დოჰიოს რკალიდან. ლევანს 2-4 ბალანსი აქვს და ბაშოზე პირველად ხვდება თავისზე ნაკლები რანგის რიკიშის: მე-2 მაეგაშირა მიოგირიუს.
გაგამარუმ რამდენიმეწამიანი ჯაჯგურის შემდეგ გადაწყვიტა ბრაზილიელ კაისეიზე ჯიქური შეტევა და გამოუვიდა კიდევაც. ჩვენებურს 2-4 ბალანსი აქვს და ახლა მე-12 მაეგაშირა მასუნოიამას ხვდება.
ტურნირიდან ტრავმის გამო მოიხსნა ბულგარელი ოძეკი კოტოოშუ.
VI დღე (მნიშვნელოვანი ბრძოლები): ჰაკუჰო-ჩიოტაირიუ (ცუკიოტოში), ჰარუმაფუჯი-ტოკიტენკუ (ოშიდაში), მიოგირიუ-კოტოოშუ (უბრძოლველად), გოეიდო-კაკურიუ (იორიკირი), კოტოშოგიკუ-ტოჩინოშინი (იორიკირი), ბარუტო-კისენოსატო (ჰატაკიკომი), ამინიშიკი-ტოჩიოძანი (ცუკიოტოში), ტაკაიასუ-იკიოი (შიტატენაგე), გაგამარუ-კაისეი (ოშიდაში).
სატურნირო მდგომარეობა
6-0: ჰაკუჰო (იოკოძუნა)
5-1: ბარუტო (სეკივაკე), შოჰოზანი (მაეგაშირა 4), ჯოკორიუ (მ 11), შოტენრო (მ 12)... 2-4: ტოჩინოშინი (მ 1), გაგამარუ (მ 6).
VII დღე (მნიშვნელოვანი წყვილები): ჰარუმაფუჯი-იკიოი, ჰაკუჰო-ტოკიტენკუ, კაკურიუ-ტოიონოშიმა, კოტოშოგიკუ-ამინიშიკი, კისენოსატო-შოჰოზანი, გოეიდო-ტოჩიოძანი, ბარუტო-ტაკაიასუ, ტოჩინოშინი-მიოგირიუ, გაგამარუ-მასუნოიამა.
ასევე იხილეთ:
ლევან გორგაძემ კომუსუბი ამინიშიკი დაამარცხა
