დაიწყო წლის მე-4 დიდი ტურნირი, ნაგოიას ბაშო, რომელსაც ლევან გორგაძე (ტოჩინოშინი) კარიერაში პირველად ხვდება სუმოს იერარქიაში მე-3 საფეხურზე - ის დასავლეთის სეკივაკეა. სეკივაკეს რანგში პირველი ჭიდაობა წარუმატებელი გამოდგა - ლევანი დიდ ჩემპიონ (იოკოძუნა) ჰარუმაფუჯისთან დამარცხდა. ახლა ტოჩინოშინის მეტოქე მეორე მაეგაშირა ტაკარაფუჯია (5:5 ურთიერთშეხვედრებში).
ძურიოს დივიზიონში გავარდნილი თეიმურაზ ჯუღელი (გაგამარუ) იქ პირველი ნომერია და თუ ბაშოს დადებითი ბალანსით დაასრულებს, ისევ ელიტაში დაბრუნდება. გაგამარუმ ოშიდაშის ილეთით დაამარცხა აზუმარიუ.
I დღე (მნიშვნელოვანი ბრძოლები): ჰაკუჰო-ტაკაიასუ (იორიკირი), კაკურიუ-კოტოიუკი
II დღე (მნიშვნელოვანი წყვილები): კაკურიუ-მიტაკეუმი, ჰარუმაფუჯი-ტოჩიოძანი, ჰაკუჰო-ოკინოუმი, კოტოშოგიკუ-ტაკაიასუ, გოეიდო-კოტოიუკი, ტოჩინოშინი-ტაკარაფუჯი.
