დღეს ტოკიოში პროფესიული სუმოს ახალი ბანძუკე (რეიტინგ-ლისტი) გამოქვეყნდა. სასიხარულოა, რომ ლევან გორგაძემ (ტოჩინოშინი) კვლავ დაიბრუნა კომუსუბის რანგი.ნოემბრის ბაშოზე ტოჩინოშინმა მე-6 მაეგაშირას რანგში იასპარეზა, მაგრამ 10-5 ბალანსი აჩვენა და წინ ისე შესამჩნევად დაწინაურდა, რომ სუმოს იერარქიის მეოთხე ტიტული მიიღო. დღეიდან ის დასავლეთის კომუსუბია.
აღსანიშნავია, რომ 29 წლის ქართველი სუმოისტი კომუსუბი კარიერაში მეექვსედ გახდა და ამ რანგში მას 7 ბაშო უჭიდავია. თუმცა ეს არ არის ტოჩინოშინის უდიდესი მიღწევა - ივლისის ბაშოზე მან სეკივაკეს რანგით იჭიდავა.
იანვრის ბაშოზე დიდი ჩემპიონის (იოკოძუნა) რანგში
მე-16 მაეგაშირად მოასპარეზე თეიმურაზ ჯუღელმა (გაგამარუ) ბაშო 8-7 ბალანსით დაასრულა და მე-13 მაეგაშირობამდე დაწინაურდა.
წლის პირველი ბაშო 8-22 იანვარს გაიმართება ტოკიოში. როგორც სუმოს ოფიციალური ვებგვერდი იუწყება, ბაშომდე ორი კვირით ადრე ყველა ბილეთი უკვე გაყიდულია!
მომავალ წელს ოძეკობას ვუსურვებ!