12 აგვისტოს, ლონდონის 2012 წლის ოლიმპიადაზე, თავისუფალი სტილით მოჭიდავე გიორგი გოგშელიძე (96) ნახევარფინალში ამერიკელ იაკობ სტივენ ვარნერს დაუპირისპირდა და კარგად დაწყებული ორთაბრძოლის შემდეგ, სამწუხაროდ, დამარცხდა.ოლიმპიადაზე ბოლო მონაწილე ქართველმა ფალავანმა შეხვედრა კარგად დაიწყო - მკლავი დაუჭირა ამერიკელს და გდებაც გაუკეთა. ვარნერმა სცადა მდგომარეობის გამოსწორება და სეტის ბოლო წამებზე რისკზე წავიდა, მაგრამ ქულა გოგშელიძემ იქეთ აუღო - 2:0.
მეორე პერიოდში მეტოქეებმა ფრთხილი ჭი
მესამე სეტში გიორგიმ გაიბრძოლა, სცადა ილეთის გაკეთება, მაგრამ ქულა ამერიკელმა აიღო, დარჩენილ დროში კი გოგშელიძის აქტიურობას შედეგი აღარ მოჰყოლია და ქართველმა ფალავანმა თავისი ოლიმპიური შედეგის გაუმჯობესების შანსიც აქ დაკარგა (იხილეთ ვიდეო).
ოლიმპიური ბრინჯაოს მფლობელ გოგშელიძეს პეკინის თამაშების შედეგის გამეორების შანსი ექნება. წარმატების შემთხვევაში კი ის ქართველ ოლიმპიელთა ყულაბას ბოლო - მეშვიდე მედალს შემატებს.
გოგშელიძეს მეტოქე ბრინჯაოს მედლისთვის ბრძოლაში უზბეკი კურბან კურბანოვი იქნება. შეხვედრა მოჭიდავეებს შორის თბილისის დროით 17:30 დაიწყება.
შეგახსენებთ, რომ ამ დროისთვის ქართული დელეგაცია თავს ერთი ოქროს, სამი ვერცხლისა და ორი ბრინჯაოს მედლით იწონებს და გუნდურ რეიტინგში 39-ე ადგილს იკავებს.
ასევე იხილეთ:
გიორგი გოგშელიძემ მოლდოველს სძლია და ოლიმპიადის ნახევარფინალშია [+VIDEO]
