12 აგვისტოს, ლონდონის 2012 წლის ოლიმპიადაზე, თავისუფალი სტილით მოჭიდავე გიორგი გოგშელიძე (96) ბრინჯაოს მედლისთვის ბრძოლაში უზბეკ კურბან კურბანოვს დაუპირისპირდა და სამ პერიოდში გამარჯვება იზეიმა.ეს გიორგისთვის მეორე ოლიმპიური ბრინჯაოს მედალია. ქართველი ფალავანი მესამე პრიზიორი 2008 წლის პეკინის ოლიმპიადაზეც გახდა.
რაც შეეხება ბოლო ლონდონურ შეხვედრას, პირველი პერიოდის დიდი ნაწილი მეტოქეებმა ერთმანეთის დაზვერვაში გალიეს, თუმცა ბოლო 10 წამში უზბეკმა ჩვენებური ხალიჩიდან გადაიყვანა და სეტი თავის სასარგებლოდ დაასრულა (1:0).
ამის შემდეგ ინიციატივა მთლიანად გოგშელიძემ იგდო ხელთ. ქართველმა ფალავანმა ჯერ მეორე პერიოდში
ამრიგად, საქართველოს გუნდმა გოგშელიძის მოპოვებული ბრინჯაოს მედლით ლონდონის ოლიმპიადაზე გამოსვლა დაასრულა. სულ კი ჩვენი გუნდის მონაგარი 7 მედალია.
შეგახსენებთ, რომ ქართველთაგან ლონდონში ოლიმპიური ოქრო ძიუდოისტმა ლაშა შავდათუაშვილმა მოიპოვა, ვერცხლის მედლები რევაზ ლაშხმა, ვლადიმერ ხინჩეგაშვილმა და დავით მოძმანაშვილმა დაისაკუთრეს, ბრინჯაო კი გიორგი გოგშელიძემდე მანუჩარ ცხადაიამ და დავით მარსაგიშვილმა მოიპოვეს.
ასევე იხილეთ:
გიორგი გოგშელიძე ამერიკელთან დამარცხდა და ბრინჯაოსთვის იბრძოლებს [+VIDEO]
გიორგი გოგშელიძემ მოლდოველს სძლია და ოლიმპიადის ნახევარფინალშია [+VIDEO]
