"დათო, მამა, ოქრო ვერ არის, მაგრამ შენ გამოასწორებ" - ჩასძახა ლეიბიდან ჩამოსულმა გიორგი გოგშელიძემ კამერებს ბრინჯაოს მედლისთვის გამართული შეხვედრის დასასრულს და ისე მიაშურა გასახდელს. უხეირო რაკურსის გამო კარგად ვერ გაარჩევდი, ტიროდა თუ დაღლილობისგან მოხუჭა თვალები (იხილეთ ვიდეო). თუმცა, როგორც უნდა იყოს, შეუძლებელია უემოციოდ მიიღო ეს სიტყვები და მით უფრო, არ თანაუგრძნო დიდ ფალავანს, რომელიც ოლიმპიური ოქროს გარეშე ასრულებს კარიერას... დიახ, კარიერას, რადგან სპორტიდან წასვლის შესახებ თავად სპორტსმენმა განაცხადა...
არავინ იცის, რამხელა ტკივილია ჩადებული ამ სიტყვებში. ვერც იმას დათვლის ვინმე, რამდენი
გუშინვე გოგშელიძემ ნახევარფინალში ამერიკელ იაკობ უორნერთან მარცხი მუხლის ტრავმით ახსნა - მყესები ჰქონია დაწყვეტილი! ამ ფონზე მისი მედალი კიდევ უფრო დასაფასებელია. არადა, ოდნავ ბედსაც რომ გაემართლებინა და უორენთან მეორე პერიოდში მისი ფერის ბურთულა ამოსულიყო, ალბათ, ჩემპიონიც გახდებოდა...
ყველაფრისთვის დიდი მადლობა დიდ სპორტსმენს, თუმცა ვიტოვებთ იმედს, ერთი სეზონი მაინც გადაიფიქრებს წასვლას და გაისად თბილისში ევროპის ჩემპიონატზე იჭიდავებს.
ყოველდღიური სპორტული გაზეთი "ლელო"
ასევე იხილეთ:
საქართველომ ოლიმპიადა გიორგი გოგშელიძის ბრინჯაოთი დაასრულა [+VIDEO]
