ვენის ლაბორატორიიდან იმ სამი მოჭიდავის განმეორებით, B ტესტზეც დადებითი პასუხი მოვიდა, რომლებმაც თავდაპირველი, A სინჯის დასკვნა გააპროტესტეს. ანუ განმეორებითმა ანალიზმაც დაადასტურა, რომ მათ ორგანიზმში ნამდვილად აღმოაჩნდათ აკრძალული პრეპარატი მელდონიუმი. თუმცა ეს სამეული ისევ ამტკიცებს, რომ წამალი არ მიუღიათ და საქართველოს ანტიდოპინგური კომისია სწორედ ამიტომ არ ასახელებს მათ ვინაობას.
ახლა ბრალდებულ სპორტსმენებს სადისციპლინო კომიტეტთან მოუწევთ თანამშრომლობა იმის გამოსარკვევად, საიდან შეიძლებოდა მათ ორგანიზმში აკრძალული მელდონიუმი მოხვედრილიყო. სწორედ ამაზე იქნება დამოკიდებული სასჯელის ზომა, რომელსაც მათ მიუსჯიან.
შეგახსენებთ, რომ იანვარში მელდონიუმის კვალი ერთბაშად ექვს
