უკვე გაუწყეთ, რომ ქართველმა მოთხილამურეებმა ბაკურიანში შარშან 24-25 დეკემბერს გიგანტური სლალომით გახსნეს სეზონი. ტატრაპომაზე საქართველოს თასის გათამაშების პირველ ეტაპზე თავი ისახელეს ზამთრის ოლიმპიური თამაშების მონაწილე იასონ აბრამაშვილმა, ლაშა და გიორგი კურტანიძეებმა, ნუცა ხურცილავამ, სუსანა გავამ და თამარ ბარბარიანმა.
თასის გათამაშების მეორე ეტაპსაც ბაკურიანი უმასპიძლებს: 14 იანვარს სპორტსმენები კვლავ გიგანტურ სლალომში მოსინჯავენ ძალებს, 15 იანვარს კი სპეციალურ სლალომში გაეჯიბრებიან ერთმანეთს.
ყოველდღიური სპორტული გაზეთი "ლელო"
