სამთო-სათხილამურო სპორტში მსოფლიოს თასის გათამაშება ანდორასა და რუსეთში გაგრძელდა.ქალები კურორტ სოლდეუ-გრანდვალირაში შეიკრიბნენ. აქ ქულათა მარაგის შევსების ნაკლები იმედი ჰქონდა მსოფლიოს თასის მფლობელ ლინდსი ვონს, რადგან ანდორაში არაჩქაროსნულ დისციპლინებში თამაშდებოდა პირველობა.
მართლაც, შაბათს ამერიკელმა ვერ დაასრულა სლალომის დისციპლინა, კვირას კი, გიგანტურ სლალომში მერვე ადგილი დაიკავა. ამან მის კონკურენტებს საერთო ჩათვლაში ჩამორჩენის ოდნავ შემცირების საშუალება მისცა.
გიგანტური სლალომი 22 წლის ფრანგმა ტესა ვორლიმ მოიგო. მან ზედიზედ მეორედ გაიმარჯვა ამ დისციპლინაში, სულ კი კარიერაში მსოფლიოს თასზე შვიდი მოგება დაუგროვდა.
ვორლიმ პირველი ცდის
ეს უკანასკნელი გენერალურ კლასიფიკაციაში ვონის უახლოესი მდევარია და ანდორას ეტაპის შემდეგ 400 ქულამდე დაიყვანა ამერიკელთან ჩამორჩენა. სლოვენიელი პოდიუმის მეორე საფეხურზე ბრწყინვალე მეორე ცდის წყალობით ავიდა - მაზეს მეორე დაშვებისას საუკეთესო დრო ჰქონდა.
პოდიუმის მესამე საფეხურზე მსოფლიოს თასის მოქმედი მფლობელი - გერმანელი მარია რიში ვიხილეთ. თუმცა ის ძალიან ბევრს - 500 ქულაზე მეტს აგებს საერთო ჩათვლაში ლინდსი ვონთან და სავარაუდოდ, წელს უნდა გამოეთხოვოს ტიტულს.
* * *
მამაკაცებმა ზამთრის მომავალი ოლიმპიადის მასპინძლის - სოჭის ოლიმპიური ტრასა გამოსცადეს. აქ ისტორიაში პირველად გაიმართა მსოფლიოს თასის ეტაპი.
ბევრისთვის სოჭის ეტაპი საკმაოდ რთული აღმოჩნდა და მოთხილამურეების გარკვეულმა ნაწილმა უსაფრთხოების გაზრდის მიზნით, მომავლისთვის ტრასის გადაკეთება მოითხოვა.
სოჭში პირველობა გათამაშდა სუპერკომბინაციაში. ეს იყო ამ სეზონში აღნიშნულ დისციპლინაში ბოლო სტარტი და შესაბამისად, მცირე ბროლის გლობუსის მფლობელი ირკვეოდა.
პრეტენდენტი ორი იყო - ხორვატი ივიცა კოსტელიჩი და შვეიცარიელი ბიტ ფოიზი. როგორც მოსალოდნელი იყო, ეტაპზე პირველობა სწორედ ამ მოთხილამურეებმა გაითამაშეს.
სუპერკომბინაციის პირველ სახეობაში - სწრაფდაშვებაში ფოიზმა წამნახევარზე მეტი მოუგო ხორვატს, მაგრამ წინ იყო სლალომი, სადაც ხორვატს წელს ბადალი არ ჰყავს.
კოსტელიჩმა არამარტო გააბათილა სწრაფდაშვებაში წაგებული დრო, არამედ საერთო ჯამში წამი და 16 მეასედით აჯობა შვეიცარიელს.
ივიცამ მოიგო ეტაპი და მასთან ერთად მსოფლიოს თასი სუპერკომბინაციაში. კოსტელიჩი გენერალურ კლასიფიკაციასაც ლიდერობს, სადაც 70 ქულით უგებს იმავე ფოიზს.
ყოველდღიური სპორტული გაზეთი "ლელო"
