აგრძელებს მსოფლიოს ჩემპიონატზე მედლების შეგროვებას სლოვენიელი ტინა მაზე. ბივერ კრიკში ქალებს შორის მედლების მესამე კომპლექტი გათამაშდა და მსოფლიოს თასის ლიდერს უკვე ორი ოქრო და ერთი ვერცხლი აქვს. 31 წლის მოთხილამურემ სწრაფდაშვებაში გამარჯვებას სუპერკომბინაციაში ოქროც დაუმატა.მაზემ პირველი ცდის - სწრაფდაშვების შემდეგ მოიპოვა ლიდერობა და სლალომში მეხუთე დროც ეყო იმისთვის, რომ დაემარცხებინა კონკურენტები, რომელთა შორის ავსტრიელები ჭარბობდნენ. მეორე ადგილი ამ ქვეყნის წარმომადგენელ ნიკოლ ჰოსპს ერგო, რომელსაც ახლა მსოფლიოს ჩემპიონატებსა და ოლიმპიადებზე სხვადასხვა სინჯის 9 მედალი აქვს მოპოვებული.
ბრინჯაოს მედალი კიდევ ერთმა
როგორც უკვე ვწერდით, ტინა მაზე უმიზნებს ლეგენდარული ნორვეგიელის, ლასე კიუსის ყველა დროის რეკორდს. 1999 წელს სკანდინავიელმა მსოფლიოს ჩემპიონატის ხუთივე დისციპლინაში მოიპოვა მედალი (სამი ოქრო და ორი ვერცხლი). მაზეს ამ შედეგის გასამეორებლად გიგანტურ სლალომსა და სპეციალურ სლალომში პოდიუმზე ასვლა სჭირდება.
ისე კი, სლოვენიელისთვის ეს იყო მეოთხე გამარჯვება მსოფლიოს ჩემპიონატებზე, მაგრამ პირველი სუპერკომბინაციაში. 2011 და 2013 წლებში ტინა ამ დისციპლინაში ვერცხლის მედალს სჯერდებოდა.
ზედიზედ მეორე სტარტი ჩააგდო ამერიკელმა ფავორიტმა ლინდსი ვონმა. ადგილობრივი პუბლიკის მთავარი იმედი სწრაფდაშვებაში დაკავებული მეოთხე ადგილის შემდეგ, სუპერკომბინაციაში საერთოდ ჩასათვლელი დროის გარეშე დარჩა, რადგან სლალომში კარი ვერ გაიარა და დისკვალიფიკაცია მიიღო.
სუპერკომბინაცია
ქალები
1. ტინა მაზე (სლოვენ) - 2:33.37; 2. ნიკოლ ჰოსპი (ავსტრია) - +0.22; 3. მიხაელა კირხგასერი (ავსტრია) - +0.35; 4. ანა ფენინგერი (ავსტრია) - +0.89; 5. ლარა გუტი (შვეიც) - +0.94; 6. კატრინ ცეტელი (ავსტრია) - +1.64; 7. ილკა შტუჰეკი (სლოვენ) - +2.43; 8. ფრანჩესკა მარსალია (იტა) - +2.59; 9. რანგჰილდ მოვინკელი (ნორ) - +2.61; 10. მარგო ბაილე (საფ) - +3.22...
ყოველდღიური სპორტული გაზეთი "ლელო"
