ფინეთის დედაქალაქ ჰელსინკიში "კაროლინასა" და "მინესოტას" მატჩით გაიხსნა ჰოკეის ეროვნული ლიგის 93-ე სეზონი. სტუმრის სტატუსით მოთამაშე "კაროლინამ" 4:3 მოიგო, ხოლო ახალი ჩემპიონატის პირველი გოლი მინესოტელმა გიიომ ლატენდრესმა ჩაიწერა აქტივში.
მაგრამ ოკეანისგაღმელ გულშემატკივრებს პირველ დღეს სულ სხვა მატჩი აინტერესებდათ. პიტსბურგში გამართული შეხვედრა განსაკუთრებული იყო: "პინგვინებმა" ახალი სტადიონი - Consol Arena გახსნეს, რომელმაც მოძველებული Mellon Arena შეცვალა - ეს უკანასკნელი ტევადობის მხრივ ბოლოდან მესამე იყო ლიგაში. მატჩის წინ მოედანზე გავიდა "პიტსბურგის" ლეგენდა მარიო ლემიე და Mellon Arena-ს დამდნარი ყინულისგან მიღებული წყალი მოედანის
მეკარე მაიკლ ლეიტონის ტრავმის გამო, სტუმართა მთავარი მწვრთნელი პიტერ ლავიოლეტი იძულებული გახდა კარში დაეყენებინა რუსი დებიუტანტი სერგეი ბობროვსკი, რომელიც ამ ზაფხულს გადავიდა NHL-ში. სწორედ ეს მეკარე გახდა მატჩის პირველი ვარსკვლავი. მან 29 დარტყმა მოიგერია და თავის გამოჩენის საშუალება არ მისცა "პიტსბურგის" ვარსკვლავებს - სიდნი კროსბისა და ევგენი მალკინს, რომლებმაც უქულოდ დაასრულეს პირველი შეხვედრა.
"ტორონტოსა" და "მონრეალის" კანადურ დერბიში ფავორიტად მასპინძლები მიიჩნეოდნენ, პირველ რიგში იმიტომ, რომ "კანადიენსმა" "სენტ ლუისში" გაუშვა შარშანდელი პლეი ოფის გმირი, სლოვაკი მეკარე იაროსლავ ჰალაკი. პროგნოზი გამართლდა - ტორონტოელებმა მინიმალური ანგარიშით - 3:2 მოიგეს.
პირველ სათამაშო დღეს კიდევ ერთმა რუსმა მეკარემ გამოიჩინა თავი - სეზონის პირველი "შათაუტი" დააფიქსირა ნიკოლაი ხაბიბულინმა, მისმა "ედმონტონმა" კი 4:0 დაამარცხა "კალგარი". გოლი და შედეგიანი პასი ჩაიწერა აქტივში ჯორდან ებერლემ.
წაგებით დაიწყო სეზონი სტენლის თასის მფლობელმა "ჩიკაგომ". მუდმივად მდევრის როლში მყოფმა "ბლეკჰოქსმა" "კოლორადოსთან" მატჩი ოვერტაიმში გადაიყვანა, მაგრამ შეხვედრის გმირმა პოლ შჩასტნიმ გამარჯვება მოუტანა "ზვავებს". ამერიკელი ფორვარდი სეზონში პირველი დუბლის ავტორი გახდა.
მინესოტა-კაროლინა 3:4
1:1, 1:3, 1:0
გოლები: 1:0 ლატენდრესი-1 (მ. კოივუ-1, ბროძიაკი-1), 1:1 სატერი-1 (ი. იოკინენი-1, მაკბეინი-1), 1:2 ბაბჩუკი-1 (ე. კოული-1, დელპი-1), 2:2 კულენი-1 (ჰავლატი-), 2:3 ი. იოკინენი-1 (კორვო-1, პიტკანენი-1), 2:4 სატერი-2 (დუაიერი-1, გლისონი-1), 3:4 ბერნსი-1 (მიეტინენი-1, კულენი-1).
პიტსბურგი-ფილადელფია 2:3
0:0, 0:2, 2:1
გოლები: 0:1 ბრიერი-1 (მ. რიჩარდსი-1, ლეინო-1), 0:2 ბეტსი-1 (პოუ-1, ვან რიმსდიკი-1), 1:2 ტაილერ კენედი-1 (მარტინი-1, ლეტანგი-1), 1:3 ჟირუ-1, 2:3 გოლიგოსკი-1 (ზ. მიხალეკი-1, კუნიტცი-1).
ტორონტო-მონრეალი 3:2
2:1, 0:0, 1:1
გოლები: 1:0 ბრენტი-1 (ფანოფი-1), 2:0 კესელი-1 (ბოჟაკი-1, კომისარეკი-1), 2:1 ბოიდი-1, 3:1 მაკარტური-1 (კულემინი-1, გრაბოვსკი-1), 3:2 ჰალპერნი-1 (ლაპიერი-1, პუიო-1).
კოლორადო-ჩიკაგო 4:3 (ო)
1:1, 2:1, 0:1, 1:0
გოლები: 0:1 ბიკელი-1 (მარიან ჰოსა-1, ბროუერი-1), 1:1 კ. სტიუარტი-1, 2:1 დუშენი-1 (ფუტი-1, კამისკი-1), 3:1 პ. შჩასტნი-1 (ლაილზი-1, კ. სტიუარტი-1), 3:2 მარიან ჰოსა-1 (შარპი-1, კოპეცკი-1), 3:3 შარპი-1 (კოპეცკი-2, ტეუვზი-1), 4:3 პ. შჩასტნი-2 (დუშენი-1, ლაილზი-2).
ედმონტონი-კალგარი 4:0
1:0, 0:0, 3:0
გოლები: 1:0 ბრული-1 (რაიან უიტნი-1), 2:0 ებერლე-1 (ვანდერმეერი-1), 3:0 ჰემსკი-1 (სემ განიე-1, შმიდი-1), 4:0 ჰორკოფი-1 (ებერლე-1, რაიან უიტნი-2).
ყოველდღიური სპორტული გაზეთი
"ლელო"
