მასპინძლებმა აქტიურად დაიწყეს შეხვედრა,
მეორე პერიოდი უფრო თანაბარ ბრძოლაში აღინიშნა და საკუთარი შანსი უკეთ სტუმარმა გუნდმა გამოიყენა. ტედ პურსელმა ზედა ძელს გაარტყა შაიბა, შეტევა გაგრძელდა და დომინიკ მურმა ერთი მეტრიდან შეაცურა კარში შაიბა. "ფილადელფიას" თავის გამოჩენის შესანიშნავი შანსები ჰქონდა, განსაკუთრებით რიცხობრივ უმცირესობაში, მაგრამ მაიკ რიჩარდსმა სამჯერ (!) ვერ გამოიყენა მეკარესთან ერთი ერთზე გასვლა - სტუმრების გოლკიპერი შეუდარებელი იყო.
ბოლო პერიოდის დაწყებისთანავე "ტამპას" მცველმა პაველ კუბინამ ცისფერი ხაზიდან დაარტყმა და ფეხებსშუა გაუძვრინა შაიბა ბუშეს - "ფლაიერზის" მეკარე აშკარად შეცდა. მართალია, "ფილადელფიამ" ბრიერის ლამაზი გოლით მინიმუმამდე შეამცირა სხვაობა, მაგრამ მეტის გაკეთება მასპინძლებმა ვერ შეძლეს, რადგან "ტამპას" დაცვა თამაშობდა კარგად. საინტერესოა, რომ "ლაითითნგს" არც ისე დიდი ხნის წინ ასევე ზედიზედ სამი მოგება ჰქონდა რეგულარულის სტარტზე - ეს 2007-08 წლების სეზონში მოხდა, მაგრამ ის ჩემპიონატი გუნდმა ბოლო ადგილზე დაასრულა. ვნახოთ, რა იქნება ამჯერად.
დასავლეთშიც არიან ისეთი გუნდები, რომლებმაც სეზონის სტარტზე სამი მატჩი მოიგეს. "ნეშვილმა" ურთულეს თამაშში დაამარცხა "სენტ ლუისი" - 4:3. თუ შარშანდელ შეხვედრებს გავითვალისწინებთ, "პრედატორზმა" ზედიზედ მეხუთედ დაამარცხა "ბლუზმენები". ბრწყინვალე იყო ბარი ტროტცის გუნდში ახალგაზრდა ფორვარდი კელ ო'რაილი (კოლორადოელი რაიან ო'რაილის უფროსი ძმა), რომელსაც სამი შედეგიანი პასი გაიფორმა.
"ნეშვილის" გარდა, მოულოდნელად სტარტზე სამი მატჩი მოიგო "დალასმა", რომელმაც ამჯერად იოლად დაძლია "დეტროიტის" წინააღმდეგობა. განიესი არ იყოს, მშობლიურ ქალაქში დაბრუნდა "დალასის" ლეგენდა მაიკ მოდანო, რომელიც "რედ უინგზის" ახალწვეულია. თუმცა "დეტროიტს" ამან ვერ უშველა და მასპინძლებმა ჯამში 19 დარტყმიდან ოთხჯერ მიაღწიეს მიზანს. ვეტერანმა მოდანომ კი ათი წუთი ითამაშა, მაგრამ სარგებლიანობის გრაფაში "ნული" ჩაეწერა.
"მინესოტა" ევროპიდან დაბრუნების შემდეგ პირველ შეხვედრას ატარებდა და რიცხობრივი უპირატესობის რეალიზაციის ბრწყინვალე მაჩვენებლის წყალობით დაამარცხა "ედმონტონი" - 4:2. "უაილდმა" ოთხივე შაიბა მაშინ გაიტანა, როცა მოედანზე ერთი ჰოკეისტით მეტი ჰყავდა. მატჩის გმირი კი კაპიტანი მიკო კოივუ გახდა, რომელმაც დუბლს ერთი შედეგიანი პასი დაუმატა.
სეზონის დასაწყისში ყველაზე მძიმე კალენდარი "ფლორიდას" აქვს - ამ გუნდმა სამივე სასტარტო შეხვედრა კანადაში ჩაატარა. "პანტერები" "ედმონტონისა" და "ვანკუვერის" წინააღმდეგ ღირსეულად გამოიყურებოდნენ, მაგრამ ქულა ვერ მოიპოვეს, სამაგიეროდ, "კალგარიში" გაიმარჯვეს და პირველი ორი ქულა ჩაიწერეს აქტივში. ახლა "ფლორიდა" შინ ბრუნდება და ხვალ ლიდერ "ტამპას" შეხვდება.
ფილადელფია-ტამპა ბეი 2:3
1:1, 0:1, 1:1
გოლები: 0:1 სტემკოსი-4 (დაუნი-2, სენტ ლუისი-2), 1:1 ჟერდიოვი-1 (ვან რიმსდიკი-3, ჟირუ-1), 1:2 მური-2 (ჰოლი-1, ბ. კლარკი-2), 1:3 კუბინა-1 (დაუნი-3, სენტ ლუისი-3), 2:3 ბრიერი-3 (ლეინო-3, მ. კარლი-2).
ოტავა-კაროლინა 3:2
1:0, 1:0, 1:2
გოლები: 1:0 ფიშერი-1, 2:0 მ. მიხალეკი-1 (ალფრედსონი-2, სპეცა-1), 2:1 სამსონოვი-1 (ე. სტაალი-1, პიტკანენი-2), 2:2 ე. სტაალი-1 (კოული-2, სკინერი-2), 3:2 ფიშერი-2 (ფოლინო-1, შენონი-1).
ნეშვილი-სენტ ლუისი 4:3
3:1, 1:1, 0:1
გოლები: 1:0 გოკი-2 (უილსონი-1, დუმონი-3), 2:0 სალივანი-3 (რ. სუტერი-3, კ. ო'რაილი-2), 2:1 დ'აგოსტინი-3 (მაკლემანი-1, სტინი-3), 3:1 სალივანი-4 (კ. ო'რაილი-3, ჰორნკვისტი-1), 3:2 ოში-1, 4:2 ჰორნკვისტი-2 (კ. ო'რაილი-4, უებერი-3), 4:3 ბერგლუნდი-1 (ენდი მაკდონალდი-1, კოლაიაკოვო-1).
დალასი-დეტროიტი 4:1
1:0, 3:0, 0:1
გოლები: 1:0 ბ. რიჩარდსი-2 (ნისკანენი-1, რიბეირო-4), 2:0 ლ. ერიქსონი-3 (ბ. რიჩარდსი-4, ნილი-3), 3:0 მოროუ-4 (რიბეირო-5), 4:0 ნილი-1 (ბ. რიჩარდსი-5, დელეი-2), 4:1 კრონვალი-1 (ბერტუცი-5, ჰუდლერი-2).
მინესოტა-ედმონტონი 4:2
1:0, 2:2, 1:0
გოლები: 1:0 მიეტინენი-1 (ბრუნეტი-1, ბარკერი-2), 1:1 პენერი-2 (ჰემსკი-1, სემ განიე-3), 1:2 გილბერტი-1 (ჰორკოფი-1), 2:2 მ. კოივუ-1 (კულენი-2, მიეტინენი-2), 3:2 მ. კოივუ-2 (ბრუნეტი-2, ჟიდლიცკი-1), 4:2 კულენი-2 (მ. კოივუ-3).
კალგარი-ფლორიდა 0:3
0:2, 0:0, 0:1
გოლები: 0:1 დვორაკი-1 (რისონერი-1, სტილმანი-2), 0:2 დვორაკი-2 (რისონერი-2, ვიდემანი-1), 0:3 მატიასი-1 (ოლეში-1, ბუტი-2).
ყოველდღიური სპორტული გაზეთი
"ლელო"
