რუსული ჰოკეის ერთ-ერთმა ვარსკვლავმა, "ნიუ ჯერსი დევილზის" ფორვარდმა ილია კოვალჩუკმა მოულოდნელად ჰოკეის ეროვნული ლიგაში კარიერის დასრულება და რუსეთში დაბრუნება გადაწყვიტა.როგორც "ნიუ ჯერსის" მთავარმა მენეჯერმა ლუ ლამორელომ განაცხადა, კოვალჩუკთან კონსულტაციები რუსეთში დაბრუნების თაობაზე, თითქმის მთელი გასული სეზონის განმავლობაში მიმდინარეობდა.
"ამ გადაწყვეტილებაზე დიდხანს ვფიქრობდი NHL-ის ლოკაუტის დროს, როცა ნახევარი სეზონი რუსეთში გავატარე. მართალია, "დევილზში" დავბრუნდი, მაგრამ ლამორელომ იცოდა ჩემი სურვილის შესახებ - ოჯახთან ერთად შინ დაბრუნება მინდოდა. ჩემთვის ყველაზე რთული იყო "ნიუ ჯერსისთან" გამოთხოვება. ეს არის შესანიშნავი გუნდი, რომელსაც დიდ პატივს ვცემ", - წერია კოვალჩუკის განცხადებაში.
30 წლის კოვალჩუკმა NHL-ში 11 სეზონი გაატარა და 816 მატჩში 816 ქულა დააგროვა. 2010 წელს, მან 100 მილიონ დოლარად შეფასებული 15-წლიანი კონტრაქტი გააფორმა "ნიუ ჯერსისთან". ახლა, ეს ხელშეკრულება გაუქმებულია.
მომდევნო 11 წლის განმავლობაში, კოვალჩუკს შეეძლო 77 მილიონი დოლარი მიეღო, - აღნიშნავს სააგენტო AP. ახლა, კონტრაქტის ნაადრევად გაწყვეტისთვის, რუსმა 2025 წლამდე, ყოველწლიურად "ნიუ ჯერსის" 250 ათასი დოლარი უნდა გადაუხადოს.
დაუდასტურებელი ინფორმაციით, კოვალჩუკი კარიერას სანკტ-პეტერბურგის სკა-ში გააგრძელებს, რომლის რიგებშიც ლოკაუტის დროს თამაშობდა.
ყოველდღიური სპორტული გაზეთი "ლელო"
ასევე იხილეთ:
ახალი ლეგენდები NHL-ის დიდების დარბაზში
![კაცური მუშტი-კრივი ყინულზე - "პიტსბურგის" კაპიტანმა NHL-ში უკვე მეშვიდედ იჩხუბა [VIDEO]](/pictures/image7/a8f83c3ee1ecf95f9073e07de87e1f13.jpg "კაცური მუშტი-კრივი ყინულზე - \"პიტსბურგის\" კაპიტანმა NHL-ში უკვე მეშვიდედ იჩხუბა [VIDEO]")
