20 ივნისს საქართველოს ხმლით მოფარიკავეთა ქალთა ნაკრებმა დიუსელდორფში მიმდინარე ევროპის ჩემპიონატის გუნდურ შეჯიბრებაში მე-14 ადგილი დაიკავა.
თეოდორა კახიანისგან, ლიკა ჯიჯეიშვილისგან და დარია ანტონოვასგან შემდგარი ჩვენი გუნდი თავდაპირველად რუსეთის ნაკრებს შეხვდა და ანგარიშით 29:45 დამარცხდა.
მე-9-მე-16 ადგილებისთვის შეხვედრაში ჩვენი ნაკრები თურქეთს დაუპირისპირდა და ანგარიშით 44:45 დამარცხდა.
ამის შემდეგ საქართველოს ნაკრები მე-13-მე-16 ადგილებისთვის შეხვედრაში ბულგარეთს დაუპირისპირდა და 45:37 მოუგო. მე-13-მე-14 ადგილებისთვის შეხვედრაში კი საქართველოს ნაკრები რუმინეთთან ანგარიშით 42:45 დამარცხდა და მე-14 ადგილი დაიკავა.
22 ივნისს გუნდურ ასპარეზობაში საქართველოს ხმლით მოფარიკავე ვაჟთა ნაკრები ჩაებმება.
სანდრო ბაზაძემ ევროპის ჩემპიონატზე ბრინჯაოს მედალი მოიპოვა!
