28 მაისს, ეროვნული ლიგის მე-16 ტურში "ტორპედოსა" და "დილას" მატჩი 3:3 დასრულდა.
დებიუტში მასპინძელთა მეკარე კვასხვაძეს შეცდომა დააშვებინა სტუმართა გუნდის თავდამსხმელმა გოშთელიანმა და ანგარიში გახსნა, თუმცა ამის შემდეგ ქუთაისელები უპირატესობას დაეუფლნენ და პირველ ტაიმში სამი გოლი გაიტანეს. ჯერ ნონდიმ საკუთარ საჯარიმოში ქავთარაძე მოცელა და თერთმეტმეტრიანი ზივზივაძემ გამოიყენა, მერე ზივზივაძემ დოლიძე მეკარესთან პირისპირ გაიყვანა და მან თავისი გუნდი დააწინაურა, ხოლო ზედ შესვენებაზე გასვლის წინ ზივზივაძემ დუბლი შეასრულა და მიმდინარე ჩემპიონატში მეათე გოლი გაიტანა.
მეორე ტაიმში გორელებმა კოუგბენიას და ნონიკაშვილის გოლებით ანგარიში გაათანაბრეს. დარჩენილ დროში ორივე გუნდს ჰქონდა გოლის გატანის შესაძლებლობა, მაგრამ მომენტები ვერ გამოიყენეს და შეხვედრა ფრედ, 3:3 დასრულდა.
წყალტუბო. "26 მაისი"
ტორპედო - დილა 3:3
გოლები: 0:1 გურამ გოშთელიანი (3), 1:1 ბუდუ ზივზივაძე (8, პენ), 2:1 გრიგოლ დოლიძე (12), 3:1 ბუდუ ზივზივაძე (45+1), 3:2 დიდიე კოუგბენია (72), 3:3 ლევან ნონიკაშვილი (74)
ტორპედო (4-1-4-1): როინ კვასხვაძე (კ), დავით ხურცილავა, ოლეკსანდრ აზაცკი, მამუკა კობახიძე, მათე ცინცაძე, მერაბ გიგაური, ნოდარ ქავთარაძე, ამბროსი ჩაჩუა (თენგიზ წიქარიძე 72), გრიგოლ დოლიძე (რიჩარდ ლუკა 67), გიორგი ქიმაძე, ბუდუ ზივზივაძე
მთ. მწვრთნელი: კახაბერ ჩხეტიანი
დილა (3-4-2-1): ლუკა გუგეშაშვილი, ბაქარ მირცხულავა, გია ჩადუნელი (კ), ზაურ კერელეიშვილი (ლევან ნონიკაშვილი 46), ერიკს სანტოსი (ფელიპე პაიმი 60), თორნიკე გრიგალაშვილი, ამოს ნონდი, დიდიე კოუგბენია, ალვინ ფორტესი, გიორგი კუცია, გურამ გოშთელიანი (ნუგზარ სპანდერაშვილი 70)
მთ. მწვრთნელი: გიორგი დეკანოსიძე
