იჯარა თუ გამოსყიდვა? - "გურნიკს" ვაკო გვილიას შენარჩუნება სურს

პოლონური სპორტული გამოცემა sport.pl ავრცელებს ინფორმაციას, რომ ზაბრჟეს "გურნიკს" ქართველი ნახევარმცველის - ვალერიან გვილიას შენარჩუნება სურს.

გვილია პოლონურ კლუბში სეზონის მეორე ნახევრის დასაწყისში მივიდა. გუნდს რთული ამოცანა ჰქონდა - სურდათ უმაღლეს დივიზიონში დარჩენა, თუმცა ბოლოსწინა ადგილზე იმყოფებოდნენ. გვილია კი გუნდს ძალიან დაეხმარა, სეზონის მეორე ნახევარში გუნდის ერთ-ერთი საუკეთესო ფეხბურთელი იყო და ამოცანის შესრულებაშიც დაეხმარა.

მოგეხსენებათ, ვაკო გვილია შვეიცარიული "ლუცერნის" საკუთრებაა და პოლონურ გუნდში იჯარის წესით იყო განათხოვრებული. ამჟამინდელი ინფორმაციით, "გურნიკს" სურს, რომ ვაკო გუნდში დარჩეს, თუმცა არ კონკრეტდება, პოლონურ მხარეს

კონტრაქტის გამოსყიდვა სურს თუ იჯარის ისევ გაგრძელება.

სანამ კლუბური ამბები ირკვევა, გვილია საქართველოს ეროვნულ ნაკრებშია და მოახლოებული მატჩებისთვის ემზადება.

დიდი ალბათობით, ვაკო ორივე თამაშში ძირითად შემადგენლობაში იქნება. ამის თქმის საშუალებას ის გვაძლევს, რომ ცუდ ფორმაში მყოფსა და უთამაშებელსაც ძირითადში აყენებდა ვლადიმირ ვაისი. ახლა კი, ძალიან კარგ ფორმაშია და ნაკლებად სავარაუდოა, საქართველოს ეროვნული ნაკრების მწვრთნელმა ის სათადარიგოთა შორის დატოვოს.

alt ვაკო გვილია: "ლუცერნში" ტურისტად დაბრუნება არ მსურს