ზაბრჟეს "გურნიკის" ოფიციალურ ვებგვერდზე გავრცელდა ინფორმაცია, რომლის თანახმადაც, საქართველოს ნაკრების ნახევარმცველ ვალერიან გვილიას თავგადასავალი პოლონურ კლუბში დასრულდა.
"ვალერიან გვილია არ გააგრძელებს კარიერას ზაბრჟეს "გურნიკში". ვაკო შვეიცარიული "ლუცერნიდან" იჯარით თამაშობდა ჩვენს გუნდში. მან გვითხრა, რომ სანაკრებო თამაშების შემდეგ შეგვატყობინებდა, დარჩებოდა თუ არა "გურნიკში" სათამაშოდ. მას ძალიან კარგი კონტრაქტი შევთავაზეთ, მაგრამ არ უნდა დაგვავიწყდეს, რომ "ლუცერნის" ფეხბურთელია.
სამშაბათ საღამოს შეგვატყობინა, რომ ამ შემოთავაზებაზე უარს ამბობდა. ჩვენ ამისთვის მზად ვიყავით და ზეგავლენის მოხდენა არც გვიცდია. გარკვეული დროის განმავლობაში ვაკვირდებოდით ფეხბურთელებს, რომლებიც გვილიას დანაკლისს შეავსებენ", - აღნიშნა არტურ პლატეკმა, რომელიც "გურნიკის" სპორტული დეპარტამენტის კოორდინატორია.
გვილია "გურნიკს" "ლუცერნიდან" 2019 წლის დასაწყისში შეუერთდა და ერთ-ერთი გამორჩეული ფეხბურთელიც იყო.
ქართველმა ფეხბურთელმა ექსტრაკლასაში 17 შეხვედრა ჩაატარა, ყველა თამაშში ძირითად შემადგენლობაში იყო. ამ დროში 1 გოლი გაიტანა და 6 საგოლე გადაცემა გააკეთა.
![alt](/pictures/image50/771593a1ad3d7d99c281dc55cc8d0bd8.jpg "ზაბრჟეს "გურნიკი": ჩვენ გვილიას ძალიან კარგი კონტრაქტი შევთავაზეთ, მაგრამ...")
ვაკო გვილია: თითოეულმა ჩვენგანმა მარცხის მიზეზები საკუთარ თავში უნდა ვეძებოთ![alt](/pictures/image50/0d054ddeadb6cbd46c48cfad24327898.jpg "ზაბრჟეს "გურნიკი": ჩვენ გვილიას ძალიან კარგი კონტრაქტი შევთავაზეთ, მაგრამ...")
ვაკო გვილია: "ლუცერნში" ტურისტად დაბრუნება არ მსურს![Sportall.Ge](/pictures/artimages/original/b490e137bbad411da41955a30acd28ed.jpg ""გურნიკი": გვილიას ძალიან კარგი კონტრაქტი შევთავაზეთ, მაგრამ...")
![გვილიამ დუბლით "ლეგიას" გამარჯვება მოუპოვა [VIDEO]](/pictures/image7/c2a2a7e318f09c3fc9173bd038939e33.jpg "გვილიამ დუბლით \"ლეგიას\" გამარჯვება მოუპოვა [VIDEO]")
![გვილიამ გაიტანა - "ლეგიამ" გაიმარჯვა და რეგულარული ტურნირი მოიგო [VIDEO]](/pictures/image7/3cac4444828be7e6e90a3897f292fa8d.jpg "გვილიამ გაიტანა - \"ლეგიამ\" გაიმარჯვა და რეგულარული ტურნირი მოიგო [VIDEO]")
