კახა ჩხეტიანი საქართველოს ნაკრებზე: მსაჯის შეცდომების გამო გაშვებული ორი გოლი ბევრია

AutoSharing Option
გიბრალტართან (3:0) და დანიასთან (1:5) ჩატარებული შეხვედრების შემდეგ საქართველოს ნაკრები 3 ქულით ევრო 2020-ის საკვალიფიკაციო ეტაპის ჯგუფში მეოთხე პოზიციას იკავებს.

Sportall.ge განვლილი შეხვედრების შესაფასებლად ქუთაისის "ტორპედოს" მთავარ მწვრთნელს, კახა ჩხეტიანს დაუკავშირდა.

- როგორ შეაფასებთ გიბრალტართან და დანიასთან საქართველოს ნაკრების თამაშს?
- რა შემიძლია ვთქვა, ძალიან ბევრი ფეხბურთელი აკლდა საქართველოს. ვნახეთ მსაჯის მიერ დაშვებული ორი შეცდომა, დიდი ანგარიშით დავმარცხდით და საწყენია, მაგრამ ერთ თამაშში მსაჯის შეცდომების გამო გაშვებული ორი გოლი ბევრია. თან, როდესაც ანგარიში 1:1-ია.

ვფიქრობ, რომ გარდატეხა თამაშში ამან შეიტანა.
თავიდან ბურთის დაჭერა გაგვიჭირდა, მაგრამ მაგ დროისთვის ბურთიც დავიჭირეთ, მოწინააღმდეგის ნახევარზეც გადავედით, შეტევაშიც აქტიურები ვიყავით და ამ დროს მოხდა ეს.

- რას ფიქრობთ ვაისის გადაწყვეტილებაზე, როდესაც მან დანიის წინააღმდეგ ცენტრფორვარდი არ დააყენა?
- თქვენი აზრით, ვინ უნდა დაეყენებინა წინ ისეთი, ვინც მაგ ბურთს მიიღებდა, შეინარჩუნებდა და შეტევას გააგრძელებდა? ეს მწვრთნელის გადასაწყვეტია, მან იცის ყველაზე კარგად ფეხბურთელების მდგომარეობა, ტაქტიკური განათლება. შეიძლება თავდამსხმელი დაეყენებინა და უფრო ცუდად წაგვეგო. როდესაც რაღაც მოხდება, მერე უფრო მარტივია საუბარი. ვარჯიშებზე კარგად ხედავს, ვინ როგორ მდგომარეობაშია.

- ქუთაისის "ტორპედოსაც" შევეხოთ, რა ხდება კლუბში, არის რაიმე სიახლე?
- მამუკა კობახიძის ამბავი გარკვეულია, მიდის ბათუმის "დინამოში", გუნდთან კონტრაქტი უმთავრდება, სხვები კი კლუბში რჩებიან, რადგან "ტორპედოსთან" კონტრაქტი აქვთ. სხვა მხრივ კი, ჯერჯერობით სიახლე არ არის.

საქართველოს ნაკრები შემდეგ შეხვედრას კვლავ დანიის წინააღმდეგ, ამჯერად თბილისში გამართავს.

მატჩი 8 სექტემბერსაა ჩანიშნული.

altსოსო ფრუიძე: ის თამაში, რაც გუნდმა გიბრალტართან ჩაატარა, დანიასთან სათამაშოდ არ გამოდგება

alt10-ბალიანი სისტემა - საქართველოს ნაკრების ფეხბურთელების შეფასება დანიასთან მატჩში

alt"ჯვაროსნების" დაცვა ჩავარდა - დანიამ საქართველოს ნაკრები გააბითურა [VIDEO]

მკითხველის კომენტარები / 1 /
მიკერძოებულად კი მსაჯობდა, მაგრამ 11-მეტრიანის დანიშვნაც ასე თუ ისე 50|50 ზე იყო, ხოლო ლორია კი თავად შეცდა და ეს უნდა ვაღიაროთ. რამდენი ბურთიც არ უნდა მოიგერიოს ლორიამ ერთ-ორ შეცდომას მაინც უშვებს, რაც ბოლოს სავალალოა.
emigranti
14:08 13-06-2019
19

ასევე დაგაინტერესებთ
სიახლეები პოპულარული