ბოლნისის "სიონში" ცვლილებები მოხდა - გუნდი რამდენიმე ფეხბურთელმა დატოვა, არიან ახალწვეულებიც.
"სიონიდან" მეკარე თორნიკე ზარქუა, მცველი გიორგი გაფრინდაშვილი და ნახევარმცველები დავით რაჟამაშვილი და ლაშა მანაგაძე წავიდნენ.
რაჟამაშვილმა კონტრაქტი ურთიერთშეთანხმების საფუძველზე გაწყვიტა და "სამტრედიაში" გადავიდა.
ასევე ხელშეკრულების გაწყვეტით დაემშვიდობა ბოლნისურ გუნდს ზარქუა, რომელიც მის ღირსებას ჯერ კიდევ მეორე ლიგაში იცავდა და ჯერ უცნობია, სად გააგრძელებს კარიერას.
მანაგაძე "გაგრაში" 6-თვიანი იჯარით გადავიდა, ხოლო გაფრინდაშვილი კარიერას "მერანში" გააგრძელებს.
"სიონმა" ბათუმის "დინამოდან" მეკარე ოთო გოშაძე და "საბურთალოდან" ნახევარმცველი ბექა გვარაძე დაიმატა.
![Sportall.Ge](/pictures/artimages/original/c41d6bcf28c3701ca96b30d78e300d2e.jpg "ბოლნისის "სიონი" გადახალისდება")
![ეროვნული ლიგა. XXI ტური: "დილამ" "სიონი" დაამარცხა [VIDEO]](/pictures/image7/0157320ace18643b93127343e248809d.jpg "ეროვნული ლიგა. XXI ტური: \"დილამ\" \"სიონი\" დაამარცხა [VIDEO]")
