"საბურთალოსთან" მოგებული მატჩის (2:0) შემდეგ ზაგრების "დინამოს" მთავარმა მწვრთნელმა ნენად ბიელიცამ პრესკონფერენციაზე შემდეგი განაცხადა:"კარგი ოპონენტი გვყავდა, ღია თამაში იყო. პრობლემები შეგვიქმნეს, განსაკუთრებით, პირველ ტაიმში, თუმცა მეორე ტაიმში დავლაგდით, უფრო აგრესიულად ვითამაშეთ. ეს არ ნიშნავს, რომ ყველაფერი დასრულებულია. ყველაფერი ზაგრებში გადაწყდება, იქ ბრძოლა მოგვიწევს.
თავისუფლად შეიძლებოდა სხვა ანგარიში ყოფილიყო, "საბურთალო" ძალიან კარგი გუნდია. ვიცით, ვის ვეთამაშებით და ამას გავითვალისწინებთ.
ჩემი გუნდის თამაშით კმაყოფილი არ ვარ, განსაკუთრებით, პირველ ტაიმში. "საბურთალო" გვჯობდა. არ ჰქონიათ განსაკუთრებული მომენტი, თუმცა თამაშს აკონტროლებდნენ.
შესვენებისას ამაზე ვილაპარაკეთ და მეორე ტაიმში უკეთ ვითამაშეთ. ეს გამარჯვება დავიმსახურეთ.
პირველ ტაიმში ისეთ კარგ ოპონენტს, როგორიც "საბურთალოა", შესაბამისი პრესინგით ვერ დავუპირისპირდით, მეორე ტაიმში კი, როგორც უკვე აღვნიშნე, ეს გამოვასწორეთ".
ზაგრების "დინამოსა" და "საბურთალოს" საპასუხო შეხვედრა ხორვატიაში 30 ივლისს, თბილისის დროით 22:00 საათზე დაიწყება.
![alt](/pictures/image50/46939e302c00f10fe8396cad5ce5a97a.jpg "ზაგრების "დინამოს" მწვრთნელი:")
ზაგრების "დინამომ" "საბურთალო" კლასის ხარჯზე დაამარცხა
გია ჭიაბრიშვილი: დავინახე, რომ ქართველებზე უკეთესად ფეხბურთის თამაში ძალიან ცოტას შეუძლია
![Sportall.Ge](/pictures/artimages/original/c41d6bcf28c3701ca96b30d78e300d2e.jpg "ზაგრების "დინამოს" მწვრთნელი:")
