29 ივლისს, რუსეთის პრემიერლიგის მესამე ტურში ქართველების "რუბინმა" ყაზანში 1:0 დაამარცხა "ახმატი".
ეს მიმდინარე პირველობაზე "რუბინის" პირველი საშინაო მატჩი იყო. შეხვედრას 45 405-ადგილიან სტადიონზე 11 500 მაყურებელი დაესწრო და მწვრთნელმა რომან შარონოვმა ზურიკო დავითაშვილთან ერთად პირველად დააყენა ძირითად შემადგენლობაში ხვიჩა კვარაცხელია, რომელზეც ამბობდა, რომ 90 წუთი სათამაშოდ მზად არ იყო.
ორივემ კარგად იასპარეზა, გოლის გატანაც შეეძლოთ, მაგრამ მოწოდების სიმაღლეზე იდგა გროზნოელთა მეკარე გოროდოვი.
გამარჯვების გოლი 73-ე წუთზე ისლანდიელმა თავდამსხმელმა კიარტანსონმა გაიტანა.
დავითაშვილმა შეუცვლელად ითამაშა, კვარაცხელია 90+3-ე წუთზე ბექა მიქელთაძემ შეცვალა, "რუბინში" ახლახან გადასული ნიკოლაი ყიფიანი კი სათადარიგო იყო.
დავითაშვილი მატჩის საუკეთესო ფეხბურთელად აღიარეს.
"რუბინი" 7 ქულით მეორე ადგილზეა და 4 აგვისტოს ცსკა-ს უმასპინძლებს.
![Sportall.Ge](/pictures/artimages/original/c41d6bcf28c3701ca96b30d78e300d2e.jpg ""რუბინმა" ისევ გაიმარჯვა - ზურიკო დავითაშვილი მატჩის საუკეთესო ფეხბურთელად აღიარეს")
![ხვიჩა შეცვლაზე შევიდა - "ნაპოლიმ" "ჯენოას" სძლია [VIDEO]](/pictures/image7/8823115fa3399d5eb0e970d0eddb43b9.png "ხვიჩა შეცვლაზე შევიდა - \"ნაპოლიმ\" \"ჯენოას\" სძლია [VIDEO]")
rubini chempioni gaxdeba istorias davwert!