<p>დღეს, 10 სექტემბერს, თბილისის დროით 20:30 საათზე, საქართველოს 21-წლამდელთა ნაკრები ევროპის ჩემპიონატის შესარჩევში ბაქოში აზერბაიჯანელ თანატოლებს დაუპირისპირდება.</p><p>შეხვედრა "დალღა არენაზე" გაიმართება და მატჩის ტრანსლაციას აზერბაიჯანული ტელევიზია წარმოადგენს. Sportall.ge შეეცდება, ინტერნეტტრანსლაციის შემთხვევაში თამაში წარმოგიდგინოთ.</p><p>ცეცაძის შეგირდებს ავადმყოფობის გამო ბაქოში ორი ფეხბურთელი არ ახლავს - <strong>დავით სამურკასოვი</strong> და <strong>თორნიკე ძებნიაური</strong><strong>.</strong> დანარჩენები მწყობრში არიან.</p><p>საქართველოს ნაკრებმა პირველ შეხვედრაში ლიხტენშტეინს 4:0 სძლია და აღსანიშნავია, რომ ლიხტენშტეინმა შესარჩევის პირველ შეხვედრაში აზერბაიჯანი 1:0 დაამარცხა.</p><p><h2 style="text-align: center;"><span style="color: #3366ff;"><strong>ნაკრები</strong></span></h2> საქართველოს 21-წლამდელთა ნაკრებს არასდროს აკლდა ნიჭიერი ფეხბურთელები, თუმცა ევროშესარჩევში ვერასდროს ვაჩვენებდით შედეგს. ამჯერად გია ცეცაძეს საკმარისი დრო ჰქონდა, ამ ასაკობრივი ნაკრების სპეციფიკას გასცნობოდა და გარკვეული შედეგის წარმოსაჩენად ახლა სრული შესარჩევი ციკლი აქვს.</p><p>ჯგუფიდან პირველადგილოსანი ევროპის ჩემპიონატზე პირდაპირ გადის, ხოლო მეორეადგილოსანი თუ საუკეთესო ექვს გუნდში მოხვდა, პლეი-ოფს ითამაშებს. ჩვენს ჯგუფში არიან საფრანგეთი, შვეიცარია, სლოვაკეთი, აზერბაიჯანი და ლიხტენშტეინი.</p><p>ჩვენ აქამდეც ვწერდით, რომ სასურველი იყო, <strong>ხვიჩა კვარაცხელია</strong> და <strong>ზურიკო დავითაშვილი </strong>ახალგაზრდულ ნაკრებს დახმარებოდნენ, რადგან მათ საკმაოდ რთული შეხვედრა ელოდებათ და დღეს თუ ისინი ბაქოში იქნებოდნენ, გაცილებით მეტი შანსი გვექნებოდა.</p><p>გია ცეცაძემ პირველ შეხვედრაში ნაკრები 3-4-1-2 ტაქტიკით ათამაშა და ვერც ვიტყვით, რომ ეს ფეხბურთელებისთვის უცნობი იყო, რადგან ცეცაძე ნაკრებში დიდი ხანია ამ ტაქტიკას ამუშავებს. თუმცა ლიხტეინშტეინთან შეხვედრაში მოთამაშეები ამ სქემას მთლად იდეალურად ვერ ეწყობოდნენ და გარკვეული ცვლილებები სასურველი იქნება, მით უმეტეს, იმ ფონზე, როცა ნაკრებს სამურკასოვი დააკლდება.</p><p><h2 style="text-align: center;"><span style="color: #3366ff;"><strong>მეტოქე</strong></span></h2> აზერბაიჯანის ნაკრებმა წინა შეხვედრაში, მოულოდნელად, სლოვაკეთი 2:1 დაამარცხა და აჩვენა, რომ ხელწამოსაკრავი გუნდი ნამდვილად არ არის.</p><p>მეტოქე გუნდის ფეხბურთელები ჯამში "ტრანსფერმარკეტზე" 1.9 მილიონ ევროდ არიან შეფასებულნი, როდესაც საქართველოს ნაკრები 6.1 მილიონი ღირს. აზერბაიჯანელებს ხუთი ფეხბურთელი ჰყავთ ლეგიონერი, რომლებიც თურქეთის, ავსტრიის და ჩეხეთის მეორე-მესამე ლიგებში თამაშობენ.</p><p>გუნდის გამორჩეული ფეხბურთელები "ყარაბაღის" 21 წლის მცველი ისმაილ იბრაჰიმლი და ავსტრიული "კლაგენფურტის" 20 წლის შემტევი ბარის ეკინჯიერია. ამ უკანასკნელის დუბლით მოუგო აზერბაიჯანმა სლოვაკეთს.</p><p>გუნდს სერბი მილან ობრადოვიჩი წვრთნის, რომელიც სერბეთის ნაკრებში მწვრთნელის ასისტენტად მუშაობდა. ამავდროულად, მას სერბეთის 19-წლამდელთა ნაკრებიც ჰყავს გაწვრთნილი.</p><p><h2 style="text-align: center;"><span style="color: #3366ff;"><strong>მოლოდინი</strong></span></h2> მეტოქეს, გარდა საშინაო არენაზე თამაშისა, ჩვენს ნაკრებთან არანაირი უპირატესობა არ აქვს და ეს შეხვედრა სამი ქულით უნდა დავასრულოთ, თუ, რა თქმა უნდა, ამ ჯგუფში გარკვეული წარმატების მიღწევა გვსურს.</p><p>თუ ასეთ შეხვედრებში ქულებს ვერ მოვიპოვებთ, საფრანგეთთან და შვეიცარიასთან არაფრის იმედი არ უნდა გვქონდეს. არის ნაკრებში ის კონტინგენტი, რომელსაც დღევანდელი შეხვედრის სასურველი ანგარიშით დასრულება შეუძლია. ამისთვის აუცილებელია მწვრთნელმა ძირითადში ყველა ღირსეული ათამაშოს.</p><p><strong><span style="color: #0000ff;">საქართველოს ნაკრების შემადგენლობა</span></strong></p><p><strong>მეკარეები:</strong> ლუკა გუგეშაშვილი (გრანადა, ესპანეთი), გიორგი მამარდაშვილი (რუსთავი), გიორგი ჩოჩიშვილი (დილა);</p><p><strong>მცველები:</strong> ნიკა მალი (საბურთალო), ილია ბერიაშვილი (თელავი), ლუკა ლოჩოშვილი (ჟილინა, სლოვაკეთი), ალექსანდრე ანდრონიკაშვილი (ლოკომოტივი), დავით კობოური (დინამო თბ), ლაშა უგრეხელიძე (სიონი), ლუკა ლაკვეხელიანი (საბურთალო);</p><p><strong>ნახევარმცველები:</strong> პაატა კიტეიშვილი (რუსთავი), ნიკა ნინუა (დინამო თბ), გიორგი კუცია (დილა), რევაზ ინჯგია (ლოკომოტივი), ლუკა სილაგაძე (რუსთავი), გიორგი კოხრეიძე (საბურთალო), გიორგი არაბიძე (ადანასპორი, თურქეთი);</p><p><strong>თავდამსხმელები:</strong> ბექა ქავთარაძე (რუსთავი), ნუგზარ სპანდერაშვილი (დილა), ირაკლი ბუღრიძე (ბეერსხოტი, ბელგია), ვატო არველაძე (კორონა, პოლონეთი).</p><p><p></a></p><p><p><p><br></p>
ნანა
რას გადაეკიდეთ კვარაცხელია-დავითაშვილს,განა ისინი 19წლიანებში არ თამაშობენ,თანაც საკმაოდ წარმატებით მიიწევენ წინ.დავიჯერო ეს არ იცოდით?
ნანა
ვინმემ იცის რომელ არხზე შეიძლება ნახვა
romiko
კვარაცხელია აქ როგორ ითამაშებს თუ არსენალში მიდის,
გიორგი გორგაძე
მიდით ბიჭებო, თქვენ მაინც ითამაშეთ შემტევი ფეხბურთი. წარმატებებს გისურვებთ. აყურებინეთ ბატონ ვაისს
Gio
ხომ შეიძლებოდა დავითაშვილს და კვარაცხელიას რომ ეთამაშათ? რატომ არ არიან?????????
Irakli Apkhaidze
ჰო და აჩვენეთ რომელიმე არხმა!
Irakli Apkhaidze
ხოო, კვარაცხელია მით უმეტეს... მარა ალბათ ამდენი ხნით აღარ დატოვეს და ლოკომოტივის ინტერესებიც გაითვალისწინეს...
სოსო
თუ სახელების მიხედვით ვიმსჯელებთ,საკნაოდ კარგი გუნდია,რეალურად კი,საქმე გვაჩვენებს.დავითაშვილი და კვარაცხელია შეიძლებოდა დიდი ნაკრებიდან იმ თამაშების შემდეგ გადაეგზავნათ ამ ნაკრებში.მეორე თამაში ხომ არ უთამაშიათ და გადაღლილები არ იქნებოდნენ.
69 გოლი 2 მატჩში - საქართველოს წყალბურთელთა ნაკრებმა ევროპირველობის საგზური მოიპოვა
საქართველოს წყალბურთელთა ეროვნული ნაკრები, 2025 წლის მსოფლიო თასის საკვალიფიკაციო ეტაპზე 1/4 ფინალში გავიდა
საქართველოს წყალბურთელთა ნაკრები რუმინეთთან დამარცხდა
ნერესს ვეღარ აჩერებენ - "ნაპოლიმ" სტუმრად "რომას" სძლია
პირველი ტაიმის შემდეგ საქართველოს ნაკრები ესპანეთთან 14 ქულით მარცხდება
ნაკრების ვარჯიში ტენერიფეზე და ეპანეთთან მატჩის 12-კაციანი განაცხადი
გირასი წასვლაზე თანახმაა - ფეხბურთელი ევროპის ტოპ კლუბებს სურთ
ბექაური ოქროსთვის, დემეტრაშვილი კი ბრინჯაოსთვის იბრძოლებს - აბუ დაბის გრანდ სლემის მესამე დღე
გააფორმებს თუ არა ახალ კონტრაქტს - ნოიერმა "ბაიერნში" შესაძლო დარჩენაზე ისაუბრა
"ტრამპის აშშ-ის პრეზიდენტად არჩევის შემდეგ, რუსები უფრო აგრესიულები გახდნენ და ყველაფერი გაუარესდა" - ფონსეკამ უკრაინაში მიმდინარე ომზე ვრცლად ისაუბრა
ინსინიე სერია A-ში ბრუნდება - კონტრაქტი უკვე შეთანხმებულია
[VIDEO] "სარაევოს" საკუთარი გულშემატკივრები დაუპირისპირდნენ - გულიაშვილი და მისი თანაგუნდელები მოედნიდან პოლიციამ გაიყვანა
[VIDEO] მამუკელაშვილის 13 ქულა და "ტორონტოს" მოულოდნელი მარცხი "შარლოტ ჰორნეტსთან"
ლოჩოშვილის "ნიურნბერგის" ექვსმატჩიანი წაუგებელი სერია შეწყდა
[წინათქმა და ფაქტები. ეროვნული ლიგა. XXXVტური] ...მათ სჩვევიათ ხოლმე კარის გაჯახუნება!
[VIDEO] შარიქაძის ბრწყინვალე დებიუტი MMA-ში - "ბორჯღალოსნების" ყოფილმა კაპიტანმა კონტნი ნოკაუტით დაამარცხა
[VIDEO] ქვილითაიას ლამაზი თავურით დაიწყო...
ზივზივაძის გარეშე - "ჰაიდენჰაიმმა" ბერლინში თითქმის წაგებული მატჩი მოიგო
როგორი შეფასებები მიიღეს პსჟ-ს ფეხბურთელებმა "მონაკოსთან" მატჩში?
"კვარა" შეცვალეს - პსჟ სტუმრად "მონაკოსთან" დამარცხდა
ლუის ენრიკემ "მონაკოსთან" მატჩში შემადგენლობა დაასახელა
რატიშვილი პიტეშტში – რუმინეთისა და მონტენეგროს მატჩზე
დიდი 10 | არმია 23:19 ლელო
[VIDEO] U21. შეცდომები სტანდარტულებისას და გამოუყენებელი პენალტი - საქართველოს ნაკრები საბერძნეთთან დამარცხდა
U21 | საბერძნეთი V საქართველო - პირველი ვარჯიში ათენში
U21 | საბერძნეთი V საქართველო - მატჩისწინა ვარჯიში ათენში
U21. გერმანიასთან მატჩში საქართველოს ნაკრების შემადგენლობა ცნობილია
[VIDEO] U21. უშანსოდ - საქართველოს ნაკრები გერმანიასთანაც დამარცხდა
[VIDEO] ერთმანეთზე ლამაზი გოლებით - საქართველოს 21-წლამდელთა ნაკრებმა მალტა გაანადგურა
U21. აზერბაიჯანი - საქართველო [LIVE]