საქართველოს ნაკრებისა და თურქული "ქონიასპორის" გარემარბმა ლევან შენგელიამ "დენიზლისპორთან" გასვლაზე მოგებული (1:0) მატჩის დასრულების შემდეგ ადგილობრივ ტელევიზიასთან მოკლე კომენტარი გააკეთა, რომელსაც სპორტული სააგენტო Ajansspor-ი გვთავაზობს.
"ძალიან გახარებული ვარ დებიუტით და უფრო იმით, რომ პირველ ჩატარებულ თამაშში მოვახერხე გამარჯვება. სტადიონზე საოცარი ატმოსფერო იყო. რაც მთავარია, მწვრთნელის დავალებები კარგად შევასრულეთ და მოვიგეთ კიდეც შეხვედრა. იმედია, მოგებებს მომავალშიც გავაგრძელებთ", - განაცხადა 23 წლის შემტევმა.
"დენიზლისპორთან" შეხვედრაში ლევან შენგელია მოედანზე მატჩის 74-ე წუთზე შევიდა. "ქონიასპორისთვის" ეს მე-4 ტურში პირველი გამარჯვება იყო. აქამდე ქონიელებს 3 შეხვედრიდან 3-ვე ფრედ ჰქონდა დასრულებული. როგორც ჩანს, ლევანს ბედნიერი ფეხი აღმოაჩნდა და იმედია, მომავალში თავისი გოლებით დაეხმარება კლუბს გამარჯვებების მოპოვებაში.
ლევან შენგელია: აღფრთოვანებული ვარ ასეთი თბილი დახვედრით [VIDEO]
ცნობილია, თუ რა თანხას გამოიმუშავებს ლევან შენგელია ხელფასის სახით "ქონიასპორში"
![ლევან შენგელიამ თურქეთის ჩემპიონატში ავტოგოლი გაიტანა [VIDEO]](/pictures/image7/004b7a3aaf9cdc1cafe751452949115d.jpg "ლევან შენგელიამ თურქეთის ჩემპიონატში ავტოგოლი გაიტანა [VIDEO]")
![გიორგი ლორიას საოცარი "სეივი" - 15 სექტემბრის დაიჯესტი [VIDEO]](/pictures/image7/87aacf6efe3d3fcf93a82fa551547966.jpg "გიორგი ლორიას საოცარი \"სეივი\" - 15 სექტემბრის დაიჯესტი [VIDEO]")
