2 ოქტომბერს, ეროვნული ლიგის 23-ე ტურის გამოტოვებულ მატჩში თბილისის "დინამომ" "საბურთალო" 2:1 დაამარცხა. არადა, პირველი ტაიმის შემდეგ ამის წარმოდგენა შეუძლებელი იყო.
პირველ ტაიმში "საბურთალო" უპირატესობას ფლობდა, სამჯერ გოლის გატანა მეკარე პერალესმა არ დაანება, მეოთხედაც შესწვდა ბურთს, მაგრამ ბურთი ძელს მოხვდა, დამატებაზე კი აქტიურმა კოხრეიძემ ყველას დაასწრო და ანგარიში გახსნა. ზედ შესვენებაზე გასვლის წინ გაბედავამ დაახანა და მეორე გოლის გატანა ვერ შეძლო. აღსანიშნავია დაცვაში "დინამოს" სუსტი თამაში.
შესვენების შემდეგ თანაბარი თამაში იყო. "საბურთალოს" მწვრთნელმა ჭიაბრიშვილმა კოხრეიძე ჩაბრაძით შეცვალა და ალბათ, უფრო ანგარიშის შენარჩუნებაზე აპირებდა ზრუნვას, მაგრამ უეცრად მოედანზე ყველაფერი რადიკალურად შეიცვალა - სანდოხაძემ უკანასკნელი იმედის ჯარიმით ქიმაძე შეაჩერა, გააძევეს, საჯარიმო კი თავის საფირმო სტილში ნინუამ გამოიყენა. მან მიმდინარე სეზონში მეშვიდე საჯარიმო გაიტანა.
75-ე წუთზე მსაჯმა თერთმეტმეტრიანი დანიშნა, რომელიც ნინუამ უზადოდ შეასრულა და "დინამოს" უმნიშვნელოვანესი გამარჯვება მოუპოვა.
ამ მოგებით თბილისის "დინამო" ბათუმის "დინამოს" ქულებით გაუთანაბრდა (ბურთების უკეთესი სხვაობით გალიდერდა), "საბურთალო" კი მათ 7 ქულით ჩამორჩა და, პრაქტიკულად, ჩემპიონის ტიტული დაკარგა.
6 ოქტომბერს ბათუმის "დინამო" თბილისის "დინამოს" უმასპინძლებს და შესაძლოა, ეს შეხვედრა ოქროს მედლებისთვის ბრძოლაში გადამწყვეტი იყოს.
თბილისი. "დინამო არენა"
დინამო (თბ) - საბურთალო 2:1
გოლები: 0:1 გიორგი კოხრეიძე (42), 1:1 ნიკა ნინუა (69), 2:1 ნიკა ნინუა (75)
გაძევება: ნიკა სანდოხაძე (67)
დინამო (თბ) (4-4-1-1): ხოსე პერალესი, ვიქტორ მონხილი, დავით კობოური, გიორგი ქიმაძე, ნოდარ იაშვილი, ოლეკსანდრ კაპლიენკო, არფანგ დაფე (აკაკი შულაია 87), გიორგი პაპავა, ნიკა ნინუა (კ), მიხაილო შიშკა (გიორგი ზარია 50), კვამე კარიკარი (ლევან მჭედლიძე 90+1)
მთ. მწვრთნელი: ფელის ვისენტე
საბურთალო (4-2-3-1): ლაზარე კუპატაძე, ნიკოლოზ მალი, გაგი მარგველაშვილი (კ), ნიკა სანდოხაძე, იური ტაბატაძე (ლუკა ლაკვეხელიანი 58), გიორგი რეხვიაშვილი, გიორგი დიასამიძე, ელვინ ტერა (ოგნიენ როლოვიჩი 77), სანდრო ალთუნაშვილი, გიორგი კოხრეიძე (გრიგოლ ჩაბრაძე 66), გიორგი გაბედავა
მთ. მწვრთნელი: გიორგი ჭიაბრიშვილი
![ეროვნული ლიგა. XVIII ტური. "დინამო" (თბ) - "გაგრა" [LIVE]](/pictures/image7/6cf3fa7f322a696b7f8aad497a079cbc.jpg "ეროვნული ლიგა. XVIII ტური. \"დინამო\" (თბ) - \"გაგრა\" [LIVE]")
!["დილამ" ბათუმში მოიგო, თბილისის "დინამო" "კოლხეთთან" წაგებას გადაურჩა [VIDEO]](/pictures/image7/60cce91a5198a879bf65840c0de5b1f4.jpg "\"დილამ\" ბათუმში მოიგო, თბილისის \"დინამო\" \"კოლხეთთან\" წაგებას გადაურჩა [VIDEO]")
![ეროვნული ლიგა. XVII ტური. "კოლხეთი" - "დინამო" (თბ) [LIVE]](/pictures/image7/69aa984b7bf217c3f735e86b7abad6e7.jpg "ეროვნული ლიგა. XVII ტური. \"კოლხეთი\" - \"დინამო\" (თბ) [LIVE]")
![ბათუმის "დინამომ" და "კოლხეთმა" გაიმარჯვეს - "დილამ" "სამტრედიას" ვერ მოუგო [VIDEO]](/pictures/image7/bbc72ebc2b5f7dd7450c3f31427f13da.jpg "ბათუმის \"დინამომ\" და \"კოლხეთმა\" გაიმარჯვეს - \"დილამ\" \"სამტრედიას\" ვერ მოუგო [VIDEO]")
![ეროვნული ლიგა. XVI ტური. "დინამო" (თბ) - "დინამო" (ბთ) [LIVE]](/pictures/image7/0ceb604b763494b5acdbf8aac83d18c9.png "ეროვნული ლიგა. XVI ტური. \"დინამო\" (თბ) - \"დინამო\" (ბთ) [LIVE]")
![ლიდერმა "დილამ" ორკაცნაკლულ თბილისის "დინამოს" მძიმე მატჩში სძლია [VIDEO]](/pictures/image7/924aaff98cdd03bf2c885666084bfff3.jpg "ლიდერმა \"დილამ\" ორკაცნაკლულ თბილისის \"დინამოს\" მძიმე მატჩში სძლია [VIDEO]")
