დღეს, 7 ოქტომბერს, ირლანდიის ნაკრები საქართველოსა და შვეიცარიის ეროვნულ გუნდებთან ევროშესარჩევი ციკლის მატჩებისთვის მზადებას დუბლინის აბოტსტაუნის სასწავლო ცენტრში შეუდგება.
"სამყურათა" მწვრთნელი მიკ მაკარტი ტრავმირებული შეინ დაფისა (ბრაიტონი) და დევიდ მაკდოლდრიკის (შეფილდ იუნაიტედი) მდგომარეობას აკვირდება და არაა გამორიცხული, თბილისში წამოიყვანოს კიდეც, ვინაიდან სერიოზული საკადრო პრობლემები აქვს.
საქმე იმაშია, რომ ტრავმები მიიღეს რონან კერტისმა (პორტსმუთი), დარა ლენიჰანმა და გრეგ კანინგემმა (ორივე ბლექბერნი). ამიტომ მაკარტიმ "ბლექბერნის" მცველ დერიკ უილიამსს და "ბრაიტონის" თავდამსხმელ აარონ კონოლის უხმო.
19 წლის კონოლი მაკარტიმ თავიდან ახალგაზრდულ ნაკრებს დაუთმო, მაგრამ შაბათს "ტოტენჰემთან" დუბლის შესრულების (იხ. ვიდეო) შემდეგ გამოიძახა და განაცხადა, რომ მან ეს შანსი დაიმსახურა.
მაკარტის განკარგულებაში ამჟამად 24 ფეხბურთელია, მაგრამ ჯერ გადაწყვეტილი არ არის, ვის იახლებს თბილისში.
საქართველოსა და ირლანდიის ნაკრებების შეხვედრა თბილისში, "დინამო არენაზე" 12 ოქტომბერს, 17:00 საათზე დაიწყება.
![alt](/pictures/image50/b7df948317f713f22b1c7fbeb7b23e4c.jpg "მიკ მაკარტის "ტოტენჰემთან" დუბლის შემსრულებელი კონოლი თბილისში მოჰყავს")
მიკ მაკარტი: თბილისშიც უნდა გავიმარჯვოთ და ჟენევაშიც - ამის საფუძველი მაქვს![Sportall.Ge](/pictures/artimages/original/c41d6bcf28c3701ca96b30d78e300d2e.jpg "მიკ მაკარტის "ტოტენჰემთან" დუბლის შემსრულებელი 19 წლის აარონ კონოლი თბილისში მოჰყავს [VIDEO]")
![შვეიცარიის ნაკრებმა ირლანდიას მძიმე ბრძოლაში მოუგო [VIDEO]](/pictures/image7/c0903617f81b54cd5d2cb29691317910.jpg "შვეიცარიის ნაკრებმა ირლანდიას მძიმე ბრძოლაში მოუგო [VIDEO]")
![გიორგი ქვილითაიამ სირცხვილს გადაგვარჩინა [VIDEO]](/pictures/image7/14fed392321cc4d2554e79f630b6608e.jpg "გიორგი ქვილითაიამ სირცხვილს გადაგვარჩინა [VIDEO]")
![საქართველოს ნაკრებმა პირველი ტაიმი გიბრალტარს 2:0 მოუგო [VIDEO]](/pictures/image7/cb4de9acda1033b3175c79bcb9127ea9.jpg "საქართველოს ნაკრებმა პირველი ტაიმი გიბრალტარს 2:0 მოუგო [VIDEO]")
საქმე არაფერში არაა, "საქმე ისაა"