ფოტო: facebook.com/georgianaquaticsportsnationalfederation
გუშინ, 20 ივნისს, საწყლოსნო კომპლექს "ოლიმპიკის" აუზში საქართველოს წყალბურთელ ვაჟთა 2018-19 წლების ჩემპიონატის მეორე ფინალური მატჩი გაიმართა "დინამოსა" და "თბილისს" შორის. შეხვედრა ძალიან დაძაბული გამოდგა და "თბილისმა" 2 ბურთის სხვაობით მოიგო - 12:10.
მეორე შეხვედრის პირველ პერიოდში "თბილისის" წყალბურთელები ორჯერ დაწინაურდნენ. მიუხედავად იმისა, რომ დინამოელმა ბაღათურიამ 2 გოლი მიითვალა, პირველი რვაწუთიანი მონაკვეთი მაინც "თბილისმა" მოიგო - 3:2.
იგივე შედეგი დაფიქსირდა მეორე პერიოდშიც, ხოლო მე-4 რვაწუთიანის დასაწყისში ხვედელიანმა კიდევ ერთხელ გაათანაბრა. თუმცა დარჩენილ დროში უპირატესობა "თბილისის" წყალბურთელების მხარეს იყო და საბოლოოდ გაიმარჯვეს კიდეც.
"თბილისის დინამო" - "თბილისი" 10:12
თბილისი: კაპანაძე, ჩიქვინიძე (1), დიასამიძე, იმნაიშვილი, სამყურაშვილი, ხოხაშვილი, ჯახაია, კუჭუაშვილი, მესხი (6), მაგრაქველიძე (2), შუშიაშვილი (2), დადვანი, ბარაბაძე.
შეგახსენებთ, პირველი შეხვედრა "დინამომ" მოიგო, ამ თამაშის შემდეგ კი სერიაში ანგარიში გათანაბრდა. ჩემპიონს მესამე შეხვედრა გამოავლენს.
![Sportall.Ge](/pictures/artimages/original/e7d097220fc1c6a60d1b851e027c6e47.jpg "წყალბურთი: ჩემპიონატის ფინალურ სერიაში "თბილისმა" ანგარიში გაათანაბრა")
![ეროვნული ლიგა. XXXII ტური. "სამტრედია" - "დინამო" (თბ) [LIVE]](/pictures/image7/494df8f84eb70414eaecadac75387bbb.png "ეროვნული ლიგა. XXXII ტური. \"სამტრედია\" - \"დინამო\" (თბ) [LIVE]")
![ეროვნული ლიგა. XXXI ტური. "დინამო" (თბ) - "იბერია 1999" [LIVE]](/pictures/image7/aef15f7bac811eb195df8fa9d10b2093.jpg "ეროვნული ლიგა. XXXI ტური. \"დინამო\" (თბ) - \"იბერია 1999\" [LIVE]")
