ძიუდოისტი ვარლამ ლიპარტელიანი სოციალურ ქსელში პოსტს აქვეყნებს. "თუ ვინმეს ჰგონია, რომ რომელიმე კითხვას ამომწურავი პასუხი გაეცა და ჩვენ ამით დავკმაყოფილდებით, ეს ესე არ არის! ვერცერთ კითხვაზე ამომწურავი პასუხი ვერ მივიღეთ!
რატომ იყვნენ თავის დროზე კვალიფიცირებული მწვრთნელები გათავისუფლებულები? რამ გამოიწვია ეს უშედეგობა?
ვინ მიიღო თავის დროზე ეს გადაწყვეტილება, რომ მოსულიყვნენ ისეთი ადამიანები, ვისაც ფაქტობრივად, სამწვრთნელო გამოცდილება არ ჰქონდათ!
ვისი პასუხისმგებლობაა, როდესაც გუნდი წლების განმავლობაში უკან მიდის და შედეგი არ არის!
რატომ იყო ბევრ სპორტსმენზე უარი ნათქვამი, შეკრებაზე წასვლა იქნება თუ შეჯიბრზე?
როდესაც ვამბობთ, რომ მასაჟისტი არ გვყავდა ევროპის ჩემპიონატზე, კონკრეტულ პასუხებს ველოდებით და არა ისეთს, როგორსაც ვისმენთ!
ვინ დგას ჩვენ უკან ვინ გვმართავს ჩვენ, კონკრეტული სახელი და გვარი ან გვარები? რატომ მოხდა ისე, რომ 2 წლის განმავლობაში მხოლოდ 9 დღე ვიყავით იაპონიაში?
რატომ არ აძლევენ ახალგაზრდა ძიუდოისტებს ჩვენთან ვარჯიშის საშუალებას?
რა მიზეზით არ მიიღეს ახალგაზრდა ძიუდოისტებმა ზედაზენზე მოგებული საპრიზო თანხები და თუ აიღებდნენ კუთვნილ თანხებს, რატომ უნდა წასულიყვნენ ნაკრებიდან?
ეს და სხვა უამრავი შეკითხვა, რომელიც დავსვით, ვერცერთზე პასუხი ვერ მივიღეთ!
ის, რომ ფინანსურად და ქაღალდებით ფედერაციას თითქოს სწორად აქვს გატარებული ყველაფერი, გასაგებია და ჩვენ არც გვითქვამს, რომ ვინმემ სახლში წაიღო რაიმე თანხა! აქ მხოლოდ იმაზე იყო საუბარი, რადენად მიზანმიმართულად იხარჯებოდა ის თანხები და რამდენად სწორად ხდება ბიუჯეტის თანხების განკარგვა!
როდესაც წლის დასაწყისში მხოლოდ სამი სპორტსმენი მიდის საერთაშორისო შეკრებაზე იმის გამო, რომ თანხები არ არის საკმარისი, ამაზე პასუხი სად არის? ასეთი კიდევ უამრავი შემთხვევაა და პასუხები აბსოლუტურად მიუღებელია ჩვენთვის! ჩვენ ვაგრძელებთ ჯანსაღ პროტესტს და ვიბრძოლებთ სიმართლისთვის ბოლომდე!", - წერს ლიპარტელიანი.
▶ ვარლამ ლიპარტელიანი: ბოიკოტს ვაგრძელებთ და შეკითხვებზე პასუხებს ველოდებით
▶ ზურაბ ზვიადაური: მიმიფურთხებია იმ ადამიანებისთვის, ვინც ამ უკანონობას თავი აარიდა
1.რატომ ითმენდა თუნდაც ლიპარტელიანი ამდენი ხანი ესეთ უსამართლობებს თუ მართლა ხდებოდა (ლიპომ განაცხადა რომ მას და ჭრიკიშვილს არ დაუფინანსა ფედერაციამ რომელიღაც განსაკუთრებული დარბაზი. თუ ეს ესე მოხდა, ვფიქრობ ძიუდოს ფედერაცია სწორად მოქცეულა - ნაკრებში ყველა თანასწორი უნდა იყოს!!!). იმედი მაქვს ლიპოს დაპირისპირება ფედერაციასთან პირადი ინტერესებიდან არ მოდის. ეს არ გამორიცხავს იმას რომ რასაც ლიპო ამბობს სრული სიმართლე იყოს;
2. თუ არ ვცდები 100 კილოგრამში საქართველოს ჩემპიონატი არ აქვს ლიპოს მოგებული და კითხვა მაქვს, რატომ ითვლება წონის ლიდერად და ნაკრების N 1 წევრად ამწონაში? თვითონ ლიპოს მინდა ვკითხო: საჭიროა თუ არა საქართველოს ჩემპიონატის მოგება იმისთვის რომ წონის ლიდერი გახდე?
3. ფედერაციას ეხება - რას ნიშნავს სიტყვიერი შეთანხმება რომ მწვრთნელებმა ხელფასის ნაწილი სხვის სასარგებლოდ დათმონ??? ჩვეულებრივი "რეკეტია". ფედერაციას სჭირდება და არის ამის აუცილებლობა რომ მაქსიმალურად ყველაფერი იყოს დარეგულირებული კანონით/წესდებით/შინაგანაწესით მოკლედ წერილობით დამტკიცებული და ყველასთვის ხელმისაწვდომი და გასაგები;
4. ვინმემ თუ შეისწავლა ფედერაციის ხელმძღვანელობის მივლინებების მიზნობრიობა? რისთვის ესწრება ქევხიშვილი ფაქტიურად ყველა მნიშვნელოვან შეჯიბრს - რა შედეგებია მისი ამ ძალიან ხანგრძლივი მივლინებებიდან? საინტერესოა ინფორმაცია გამოაქვეყნოს ფედერაცია ხარჯთაღრიცხვაზე და შედეგებზე ანუ ვის შეხვდა რისთვის და რა შედეგი მოიტანა ამ შეხვედრამ. მოსახლეობისგან ფინანსდება ბოლოსდაბოლოს ყველაფერი და რატომ მალავს ფედერაცია ამ ხარჯებს. უბრალოდ ყველაფერი გაასაჯაროოს.
5. სრულიად ბუნდოვანია თუ რა პრინციპების მიხედვით ირჩევენ ნაკრების მწვრთნელებს. ვისაც ვუყურებ მგონია რომ სამწვრთნელო ინტელექტის სერიოზულ ნაკლებობას განიცდიან. შესაძლოა კარგი სპორტსმენები იყვნენ ოდესღაც მაგრამ არ ნიშნავს რომ კარგი მწვრთნელები არიან.
"გიორგი ქევხიშვილი - დაამთავრა თბილისის სახელმწიფო უნივერსიტეტის იურიდიული ფაკულტეტი წითელ დიპლომზე. საქართველოს ძიუდოისტთა ეროვნული ნაკრების წევრი, 2004-2008 წლებში იყო ნაკრების კაპიტანი. არის ევროპისა და მსოფლიოს ჩემპიონი და პრიზიორი, ღირსების ორდენის კავალერი. ერთადერთი ტიტული, რომელსაც არ ფლობს პრეზიდენტი, ეს ოლიმპიური მედალია. თუ ფიქობთ რომ ფედერაციის ტროლი ვარ გეტყვით, რომ მისამართიც კი არ ვიცი ამ ორგანიზაციის. გჯერავთ? არა!!! აი დარდი!!!