12 მაისს, აზერბაიჯანის დედაქალაქ ბაქოში ძიუდოს გრანდ სლემის დასკვნითი დღე მიმდინარეობს.
ქართველი მძიმეწონოსანი გელა ზაალიშვილი ფინალში იჭიდავებს.
ნახევარფინალში მან რუს ანტონ კრივობოკოვს სძლია, ფინალში კი ასევე რუს რუსლან შახბაზოვს დაუპირისპირდება.
დღესვე საქართველოს ღირსებას კიდევ რამდენიმე ძიუდოისტი იცავდა, გიორგი ზაქარიაძე (+100კგ) მერვედფინალში გერმანელ სვენ ჰაინლისთან დამარცხდა, ონისე სანებლიძე (100კგ) რუს კაზბეკ ზანკიშიევთან, გიორგი ბერიაშვილი (100კგ) უნგრელ ზალან ოჰატთან, ლაშა ბექაური (90კგ) მონღოლ ალტანბაგანა ჯანტულგასთან, ხოლო ავთანდილ ჭრიკიშვილი (90კგ) კი - აზერბაიჯანელ მამადალი მედიევთან.
ფინალური ბლოკი ამ წუთებში მიმდინარეობს.
ჯერჯერობით, საქართველოს ნაკრების ანგარიშზე ორი მედალია. თემურ ნოზაძემ (60 კგ) ვერცხლი, ხოლო ტატო გრიგალაშვილმა (81 კგ) ბრინჯაოს მედალი მოიპოვა.
