"ამაყი ვარ, რომ პატარა საქართველო სჯობნის ისეთ ქვეყნებს, როგორებიც არის რუსეთი, გერმანია, ჰოლანდია" - ექსკლუზიური ინტერვიუ ეთერ ლიპარტელიანთან

ფინეთის ქალაქ ვანტააში 12 სექტემბერს, ძიუდოში ევროპის ახალგაზრდულ ჩემპიონატზე ეთერ ლიპარტელიანი ოქროს მედლის მფლობელი გახდა.

ქართველმა სპორტსმენმა ფინალამდე ხორვატ დორა ბორტასს, ჰოლანდიელ პლეუნი კორნელისს და გერმანელ სეია ბალჰაუსს სძლია, გადამწყვეტ ბრძოლაში კი იტალიელ სილვია პელიტერის ასევე იპონით მოუგო.

ქართული ძიუდოს ისტორიაში ლიპარტელიანი პირველი ქალია, რომელმაც ევროპის ჩემპიონატზე ახალგაზრდებს შორის ოქროს მედალი მოიპოვა. იგი 23 სექტემბერს 20 წლის ხდება და აღსანიშნავია, რომ საკუთარ დაბადების დღეს ევროპის ჩემპიონის სტატუსით პირველად ხვდება.

რა გზა გამოიარა ჩემპიონობამდე ახალგაზრდა ქართველმა ძიუდოისტმა და როდიდან დაუკავშირა საკუთარი მომავალი სპორტის ამ სახეობას, ამ და სხვა საინტერესო კითხვებზე Sportall.ge-ს თავად სპორტსმენი პასუხობს.

- ეთერ, რა განცდა გქონდა ბრძოლის წინ, ელოდი, რომ ჩემპიონი გახდებოდი? როგორი გრძნობაა, როცა საკუთარი ქვეყნისთვის გამარჯვება მოგაქვს?
- განცდა არ მქონია, უბრალოდ ძალიან მინდოდა, რომ მომეგო; ძალიან მინდოდა, რომ ჩემპიონი გავმხდარიყავი და რა თქმა უნდა, ველოდი გამარჯვებას.


- ძიუდოთი დავინტერესდი 8 წლის ასაკში, ვარჯიშიც დავიწყე ჩემს ოცნებებთან ერთად, ჩემი ინიციატივით. ძალიან ცელქი და სპორტული ბავშვი ვიყავი. ლენტეხში ვცხოვრობდით, ქვემო სვანეთში. იქ მყავდა ძმაკაცები და მათთან ერთად დავიწყე ძიუდოზე სიარული.

- როგორ შეხვდნენ შენს გადაწყვეტილებას მშობლები?
- ჩემმა გადაწყვეტილებამ დედას გული ძალიან დასწყვიტა, რადგან არ უნდოდა, გოგოს ასეთ ძლიერ სპორტზე მევლო. თან სვანებიც ცოტა მკაცრები არიან, სულ მეუბნებოდნენ, რა უნდა გოგოს ძიუდოზეო, მაგრამ მე მაინც დაჟინებით ვუმეორებდი, რომ ბოლომდე გავყვებოდი. ჩემი სურვილების ასრულებაში ხელი ძალიან შემიწყვეს მამამ და ბიძაჩემმა. 10 წლის ვიყავი, სვანეთიდან რომ წამომიყვანეს. რუსთავში ვცხოვრობდი და იქიდან დავდიოდი თბილისში სავარჯიშოდ, ბიძაჩემი კი სულ თან დამყვებოდა, სულ მამხნევებდა და ხელს მიწყობდა ყველანაირად. მისი დამსახურებაა, რომ მე დღეს წარმატებული ძიუდოისტი ვარ.


- ძიუდოს გარდა, კიდევ რითი ხარ დაინტერესებული?
- ძიუდოს გარდა, კიდევ ფეხბურთით, კალათბურთით და მეკლდეურობით ვარ დაინტერესებული. თავისუფალ დროს დავდივარ ხოლმე ცოცვის დარბაზში ავთო ქურასბედიანთან. იგი ხელს მიწყობს და მეხმარება ყველაფერში.

- მირჩევდნენ, ცეკვას გავყოლოდი, რადგან ძიუდოს დაუფლება ძნელია. ყველას ეგონა, რომ არაფერი გამომივიდოდა.

- გეგმები დიდი მაქვს. მთავარია, როგორ განვახორციელებ. მინდა ოლიმპიური ლიცენზია მოვიპოვო და ჩემი მაქსიმუმი გამოვავლინო ოლიმპიადაზეც.

- 3-4 საათს ვუთმობ ძიუდოს, ზოგჯერ უფრო მეტს, 6 საათსაც. ეს მაშინ ხდება, როდესაც დღის განმავლობაში 2-3ჯერ გვიწევს ვარჯიში.

გიორგი თუთაშვილმა და ეთერ ლიპარტელიანმა ევროპის ჩემპიონატზე ოქროს მედლები მოიპოვეს! [VIDEO]

რუსკა კილასონია, სპეციალურად Sportall.ge-სთვის