ლაშა ბექაური ოლიმპიადის გამარჯვებულია! [VIDEO]

AutoSharing Option
AUTO PLAY
ტოკიოს 2020 წლის ოლიმპიადაზე დღეს, 28 ივლისს, -90 კგ წონით კატეგორიაში, ქართველი ძიუდოისტი, 21 წლის ლაშა ბექაური ოქროს მედლის მფლობელი გახდა. 

ლაშამ პირველი შეხვედრა მეორე წრეში, პოლონელ პიოტრ კუჩერასთან გამართა და მერვედფინალში გავიდა. ქართველი სპორტსმენი მთელი დაპირისპირების განმავლობაში აქტიური იყო და საბოლოოდ, იპონით იმარჯვა - ჯერ ვაზარი მოიპოვა, შემდეგ კი მეტოქე შებოჭა.

ბექაურმა მერვედფინალში ძლიერი მოწინააღმდეგე, ისრაელის წარმომადგენელი ლი კოჩმანი დაამარცხა და მეოთხედფინალში ასპარეზობის უფლება მოიპოვა. ქართველმა ძალიან აქტიურად დაიწყო და მოწინააღმდეგე მალევე გააფრთხილებინა. კოჩმანმა ლაშას კონტრილეთით ვაზარი აართვა, მაგრამ ამას ბექაურის
2 მშვენიერი ვაზარი და გამარჯვება მოჰყვა.

ლაშამ მეოთხედფინალში სერიოზული მოწინააღმდეგე, უზბეკი დავლატ ბაბანოვი, რომელმაც თავი სახიფათოდ (აკრძალულად) დაიცვა, დისკვალიფიკაციით დაამარცხა და ქართველი სპორტსმენი ნახევარფინალის მონაწილე გახდა.

ბექაურმა ფინალში გასასვლელად რუსეთის ოლიმპიური კომიტეტის წარმომადგენელ მიხაილ იგოლნიკოვს აჯობა. დაძაბულ შეხვედრაში ლაშა გააფრთხილეს, მაგრამ მალევე ქართველმა მშვენიერი ვაზარი მოიპოვა და გამარჯვება ბოლომდე მიიყვანა.

ლაშამ ფინალში გერმანელი ედუარდ ტრიპელი დაამარცხა. ქართველის მეტოქემ აქტიურად დაიწყო, მაგრამ ბექაურმა თავი კარგად დაიცვა, მალე კი ვაზარი თავად აიღო, გერმანელი სპორტსმენის შებოჭვამდე კი მხოლოდ სამი წამი დააკლდა. საბოლოოდ, საქართველოს ნაკრებმა მიმდინარე ოლიმპიადაზე პირველი ოქროს მედალი მოიპოვა!


altკიდევ ერთი ქართველის მედალი სხვა ქვეყნისათვის - შამილ ბორჩაშვილის ბრინჯაო

altქართველი მოკრივე ოლიმპიადის მეოთხედფინალშია! [VIDEO]



მკითხველის კომენტარები / 28 /
პატარა ბავშვივით მომდიოდა ცრემლები როცა ჩვენს აჟღერებულ ჰიმნს ვუსმენდი.მადლობა ლაშას იმისთვის რომ მოგვცა შესაძლებლობა გამოგვეცადა ეს ემოციები.
)))
29 ივლისი 2021 02:53
0
დიდი მადლობა ქართველო ლომო...
giabar
28 ივლისი 2021 21:02
1
მილიონი % ვიცოდი რო ჩემპიონი გახდებოდა რაც მქონდა 100 ლარი მედო და მოვიგე კიდეც ბრავოო გუდამყრელო ვაჟკაცო!!!
georgiano
28 ივლისი 2021 20:28
2
ყოჩაღ, ყოჩაღ, გაიხარე! განსაკუთრებით მქონდა ამ ბიჭის იმედი. ტექნიკის და ძალის გარდა ჭკვიანიც არის. ფსიქოლოგიურადაც ძლიერია. მაღალი პროფესიონალიზმი იგრძნობა ასაკის მიუხედავად. ის რაც ხშირად გვაკლია ხოლმე.
არტ
28 ივლისი 2021 20:19
0
საღოლ გუდამაყრელო!!!!!! როგორ გაგვახარე. თუში!!! ლიპო!!!! აბა თქვენ იცით, 1 კიდე გვინდა!!! ტალახაძეს არ ვთვლი, მაგის გარდა .
მეგრელი
28 ივლისი 2021 18:47
1
გილოცააავთ. ხალხმა იცის რაზე ინერვიულეს ამ ბიჭის ტრავმამ მთლიანად ერთი განიცდიდა. ეტყობა გრძნობდა რაც გველოდა. ყველაზე მოტივირებული ჩანდა ოლიმპიადაზე გამგზავრებამდე და შემდეგაც. იმედია ისეთივე ხალასი ადამიანი დარჩება როგორიც ხალხს უყვარს. ეს ერთი და სხვა მრავალი შე მაგარი ქართველო.
ბოკინიო
28 ივლისი 2021 18:09
1
წარმომიდგენია რა ხდება ახლა,საქართველოს დედაქალაქ თბილისში.ზეიმობს მთელი ქალაქი,ზეიმობს მთელი საქართველო.ლაშა ბექაური,ოლიმპიური ჩემპიონია!გაიხარეთ ძმებო!ხვალ და ზეგ კი,ლაშას თანაგუნდელები,კიდევ გაგვახარებენ.ველი და მჯერა,რომ კიდევ იქნება მედლები.კიდევ გვექნება საზეიმო.
სოსო
28 ივლისი 2021 18:08
0
გილოცავ, გილოცავ, გილოცავ, გილოცავ!!! გმადლობთ, გმადლობთ, გმადლობთ!!! უდიდესი სიხარულისთვის!!! სიტყვები არ მყოფნის!!!
tngh
28 ივლისი 2021 17:41
0
სიტუაცია ძალიან ჰგავდა ზურაბ ზვიადაურის შემთხვევას - ოლიმპიადამდე ზვიადაურს ფეხის ტრავმა ჰქონდა, ბექაურს- მხრის, წონითი კატეგორიაც ერთი ჰქონდათ, ოლიმპიურ ოქრომდე ორივეს მარტო ევროპის ჩემპიონობა ეზეიმა. ერთადერთი განსხვავება მხოლოდ ასაკშია.
: )))))))
28 ივლისი 2021 17:02
2
თან ზვიადაური ლაშას ნათლიაა, ნათლია და ნათლული ორივე ოლიმპიური ჩემპიონია. გაუმარჯოს ქართველებს და საქართველოს!!!
baba
28 ივლისი 2021 22:41
0
გილოცავ შვილო ლაშა შენ და შენს მოდგმას..მშობლებს ..ნათესავებს...მეგობრებს და მეზობლებს...შენს მწვრთნელებს და დამკვალიანებლებს...გილოცავთ ქართველებო...ქართველებზე შეყვარებულებო...ქართული გენის კერპთაყვანისცემლებს...მითქვია და ვიტყვი კიდევაც დაიზრდებიან ალგეთს ლეკვები მგლისანი და ამ ლეკვების დამბადებელი ულამაზესი დედები..რამდენს ცდილობდნენ დავეჩოქებინეთ..,,აი ქართული ციხე რო დგას მრისხანე და სასაცილო ერთდროულად სახელით კლდის თავზე ქართლში...ვერაფერს დაგვაკლებთ....მთელი მსოფლიო შემოვიარე ..ვერავინ მოვა ჩვენთან ვერც შესაახედაობით და რაც მთავარია სულის სილამაზით..კიდევ ერთხელ მადლობთ ლაშა შვილო რომ მინავლული ნაკვერჩხალი ააბრდღვიალე-ააგიზგიზე...სულ გამარჯვებული გვევლოს ჩემო ძვირფასო ქარტთელო ხალხო..ამინ!!!!!
ნუგზარი ნუცუბიძე
28 ივლისი 2021 16:59
4

სიახლეები პოპულარული