ქართული ფინალი ლაშა ბექაურის გამარჯვებით დასრულდა და ბუდაპეშტის მასტერსის გამარჯვებული გახდა [VIDEO]

უნგრეთის დედაქალაქ ბუდაპეშტში ძიუდოს მასტერსის მესამე, ბოლო საშეჯიბრო დღეს ტატამზე 8 ქართველი ძიუდოისტი წარსდგა, ლაშა ბექაური და ლუკა მაისურაძე ფინალში გავიდნენ და ოქროს მედლისთვის ერთმანეთს დაუპირისპირდნენ, ამჯერად, გამარჯვება ბექაურმა მოიპოვა. ილია სულამანიძე კი ბრინჯაოს მედლის მფლობელი გახდა - მას მედლისთვის ბრძოლაში მიხაელ კორელი არ გამოუცხადდა.



+100 კილოგრამ წონით კატეგორიაში საბა ინანეიშვილი კუბელ ენდი გრანდასთან დამარცხდა და მასტერსი უმედლოდ დაასრულა.

ამავე წონაში მოასპარეზე გელა ზაალიშვილმა სამხრეთკორეელ მინჯონგ კიმს სძლია, მეორე რაუნდში კი უზბეკი ალიშერ იუსუპოვი დაამარცხა, გელა მეოთხედფინალში ფინელ მარტიი პუუმაალაინენთან შიდოებით დამარცხდა და რეპეშაჟში გადაინაცვლა, სადაც გურამ თუშიშვილი დაამარცხა, ბრინჯაოს მედლისთვის შეხვედრაში კი იაპონელ კოკორო კაგეურას იპონით სძლია.

გურამ თუშიშვილმა მეორე წრეში უნგრელი რიჩარდ სიპოჩი დაამარცხა, მერვედფინალში უკრაინელ ევგენი ბალიევსკის სძლია, თუშიშვილი მეოთხედფინალში იაპონელ ტაცურუ საიტოსთან დამარცხდა.

+78 კილოგრამ წონით კატეგორიაში სოფიო სომხიშვილმა თურქი კაირა ოზდემირი დაამარცხა, თუმცა ფრანგ კორელ ჰაიმესთან ვერაფერი გააწყო და ტურნირს გამოეთიშა.

შავდათუაშვილმა ტერაშვილი დაამარცხა და უნგრეთის მასტერსზე მესამე ადგილი დაიკავა

ტატო გრიგალაშვილმა უნგრეთის მასტერსზე მესამე ადგილი დაიკავა