14 აპრილს, რუმინეთში კლასიკური სტილით მოჭიდავეთა ევროპის ჩემპიონატზე ლაშა გობაძე (82 კგ) და საჩინო დავითაია (67 კგ) მინიმალური ანგარიშით დამარცხდნენ. გობაძემ ვერცხლის მედალი მოიპოვა, დავითაია კი, სამწუხაროდ, მედლის გარეშე დარჩა.
გობაძემ ფინალი დანიის წარმომადგენელ ბისულთანოვთან 3:4 დათმო და ვერცხლის მედალს დასჯერდა.
მან ფინალამდე მოლდოველი ბრადუ 5:4, რუსი კომაროვი 5:0 და ფინელი როპონენი 11:0 დაამარცხა.
დავითაია მესამე ადგილისთვის დაძაბულ ბრძოლაში ევროპისა და მსოფლიოს რუს ჩემპიონთან, არტურ სურკოვთან 1:2 დამარცხდა და უმედლოდ დარჩა.
დავითაიამ იქამდე გერმანელ ვაისს (9:0) და უკრაინის წარმომადგენელ ნასიბოვს სძლია,
ნახევარფინალში კი თურქ იუკსელთან 1:3 დამარცხდა.
საქართველოს ნაკრებმა ტურნირზე ორი ვერცხლისა და ერთი ბრინჯაოს მედალი მოიპოვა და გუნდურ ჩათვლაში მეხუთე ადგილზე გავიდა.
ევროპის ჩემპიონატი. კლასიკური: გობაძე ფინალშია - ქაჯაიას ვერცხლი და ქავჟარაძის ბრინჯაო [VIDEO]
![გიორგი ლორიას საოცარი "სეივი" - 15 სექტემბრის დაიჯესტი [VIDEO]](/pictures/image7/87aacf6efe3d3fcf93a82fa551547966.jpg "გიორგი ლორიას საოცარი \"სეივი\" - 15 სექტემბრის დაიჯესტი [VIDEO]")
![არის მეორე ოქრო - ლაშა გობაძე მსოფლიოს ჩემპიონია [VIDEO]](/pictures/image7/941b50220fabca6e89980a25dc0c1a7d.jpg "არის მეორე ოქრო - ლაშა გობაძე მსოფლიოს ჩემპიონია [VIDEO]")
![ლაშა გობაძის გდება საუკეთესოდ აღიარეს [VIDEO]](/pictures/image7/2c0e8fd52c89716a69a0b5ba61de4bac.jpg "ლაშა გობაძის გდება საუკეთესოდ აღიარეს [VIDEO]")
