4 ივნისს, ესპანეთის ქალაქ პონტევედრაში მიმდინარე ევროპის ახალგაზრდულ ჩემპიონატზე ბერძნულ-რომაულ ჭიდაობაში ქართველმა ფალავნებმა 4 მედალი მოიპოვეს.
ფრიდონ აბულაძემ (55 კგ) ფინალში რუსეთის წარმომადგენელს, ანვარ ალახიაროვს სძლია (7:6) და ოქროს მედალი მოიგო.
ლერი აბულაძე (63 კგ) ფინალში თურქ აბდულა ტოპრაკთან დამარცხდა (2:8) და ვერცხლის მედალს დასჯერდა.
ნიკა შერბაკოვმა (77 კგ) ლიეტუველ არმინას ლიგნუგარისს მოუგო (3:1) და ბრინჯაოსმედალოსანი გახდა.
გიორგი ქაცანაშვილმა (87 კგ) პოლონელ მიხალ დიბკას მოუგო (8:4) და ისიც ბრინჯაოს მედალს დაეუფლა.
სამწუხაროდ, რობინზონ ესაძემ (130 კგ) ნახევარფინალი პოლონელ ტომას იაცეკ ვავრინჩუკთან
წააგო (3:4).
დიეგო ჩხიკვაძემ (60 კგ) ლიეტუველი ვილიუს სავიცკასი (9:1), უკრაინელი მიროსლავ სოლოვიანი (9:0) და სომეხი სააკ ოვანესიანი (4:1) დაამარცხა და ფინალში აზერბაიჯანელ ასგარ ალიზადს შეხვდება.
გიორგი შოთაძემ (67 კგ) ესპანელი უგო მონტუტო (8:0), ბელორუსი ელდერ ჰასანაუ (7:2), მოლდოველი ვალენტინ პეტიჩი (9:0) და ნორვეგიელი ჰავარდ იორგენსენი (10:2) დაამარცხა და ფინალში სომეხ ჰაიკ მელიქიანს დაეჭიდება.
კოკა ღარიბაძე (97 კგ) და ოთარ აბულაძე (72 კგ) მედლებისთვის ბრძოლას რეპეშაჟში გააგრძელებენ.
![alt](/pictures/image50/79724bcfa1c40bce9d00f10c5b0f8675.jpg "ახალგაზრდა "ბერძენ-რომაელების" ოქრო, ვერცხლი და 2 ბრინჯაო ევროპის ჩემპიონატზე")
ახალგაზრდა "ბერძენ-რომაელების" ყოჩაღი სტარტი - ორი ოქროს და სამი ბრინჯაოს შანსი
![გიორგი შოთაძემ სომეხი ფალავანი დაამარცხა და მსოფლიოს ჩემპიონი გახდა [VIDEO]](/pictures/image7/4c3808d7f910e4ddced112b5f6fa3002.jpg "გიორგი შოთაძემ სომეხი ფალავანი დაამარცხა და მსოფლიოს ჩემპიონი გახდა [VIDEO]")
