1-ელ ნოემბერს, ბუდაპეშტში მიმდინარე მსოფლიოს 23-წლამდელთა ჩემპიონატზე ბერძნულ-რომაული სტილით ჭიდაობაში ლევან ქავჟარაძე (63 კგ), გურამ ხეცურიანი (87 კგ) და ზვიად პატარიძე (130 კგ) ფინალში გავიდნენ, ბექა მამუკაშვილი (77 კგ) კი ბრინჯაოსთვის იბრძოლებს.
ქავჟარაძემ რუსი ვალიტოვი 15:6 გაანადგურა და ფინალში ირანელ დალხანის დაეჭიდება.
ხეცურიანმა კუბელ დანიელ ეჩევერიას ბოლო ქულის უპირატესებით სძლია (2:2) და ოქროს მედლისათვის მისი მეტოქე უკრაინელი სემიონ ნოვიკოვი იქნება.
პატარიძემ სომეხი ოვასაპიანი 4:2 დაამარცხა და ფინალში ირანელ ალიაკბარ იოსოფიაჰმადჩალის შეხვდება.
მამუკაშვილი მომავალ ფინალისტთან, რუსეთის წარმომადგენელ ოპიევთან მინიმალური ანგარიშით
დამარცხდა და რეპეშაჟში გააგრძელებს ბრინჯაოსთვის ბრძოლას.
სამწუხაროდ და მოულოდნელად ნუგზარ წურწუმიამ (55 კგ) მერვედფინალი აზერბაიჯანელ ზაურ ალიევთან წააგო და ტურნირს გამოეთიშა.
![ევროპის ჩემპიონატი. კლასიკური: გობაძე ფინალშია - ქაჯაიას ვერცხლი და ქავჟარაძის ბრინჯაო [VIDEO]](/pictures/image7/c6d4dfdd795793ccfd9fd4ee54d690f2.jpg "ევროპის ჩემპიონატი. კლასიკური: გობაძე ფინალშია - ქაჯაიას ვერცხლი და ქავჟარაძის ბრინჯაო [VIDEO]")
