სექტემბრის ბაშოს მე-9 დღეს პირველმა მაეგაშირა ტოჩინოშინმა (ლევან გორგაძე) კოტოშოგიკუსთან წააგო. ეს იყო მისი მერვე მარცხი, ანუ ქართველი სუმოისტი ბაშოზე უარყოფით ბალანსს ვეღარ გამოასწორებს და ის აუცილებლად უკან დაიხევს რეიტინგში ნოემბრის ბაშოსთვის. ჩვენებურის მომდევნო მეტოქე მე-3 მაეგაშირა ჩიოტაირიუა (2:1 ურთიერთშეხვედრებში).
ბაშოზე ერთპიროვნულად ლიდერობს ოძეკი გოეიდო, მას 8-1 ბალანსი აქვს.
მე-6 მარცხი იგემა ძურიოს დივიზიონში მოასპარეზე გაგამარუმ (თეიმურაზ ჯუღელი), მან ჩიონოოსთან წააგო, ხოლო ახლა კოტოიუკის ხვდება.
