რას წერენ Reuters და იაპონური გამოცემები ტოჩინოშინზე

ტოჩინოშინის წარმატება იმპერატორის თასზე იაპონური და საერთაშორისო მედიის ეპიცენტრშია. ქართველის სენსაციური გამარჯვება ჰაცუ ბაშოზე ძალიან ბევრი გამოცემისთვის მოულოდნელი გამოდგა.

reuters.com: ტოჩინოშინი პირველი ქართველია, რომელმაც საახალწლო სუმოს გრანდიოზული ტურნირი მოიგო. მისი ნამდვილი სახელია ლევან გორგაძე. მან შეძლო მარცხის მიუხედავად, ეჯობნა იოკოძუნა კაკურიუსთვის და გაემარჯვებინა ჰაცუ ბაშოზე.

ის გეგმავდა სუმოდან წასვლას, რადგან მას მუხლის ტრავმა აწუხებდა. თუმცა მან შეძლო მიეღწია თავისი კარიერის კულმინაციისთვის და მოეგო ეს ტურნირი.

japantimes.co.jp: ტოჩინოშინმა, რომელიც მე-3 მაეგაშირაა, შეძლო ბრძოლით დაენგრია ტოკიოში რიოგოკუ კოკუგიკანის დარბაზი.

იმის მიუხედავად, რომ ტოჩინოშინს განაღდებული ჰქონდა გამარჯვება, ფინალური ბრძოლა ენდოსთან გამარჯვებით დაასრულა. ის არის "კასუგანოს" (კლუბი, რომლის წევრიც არის ტოჩინოშინი) ახალი გმირი, რომელმაც მიიღო საუკეთესო შემსრულებლის და ტექნიკის პრიზი.

the-japan-news.com: 46 წლის განმავლობაში პირველად ეს ტურნირი მოჭიდავემ მოიგო. ხალხი აღფრთოვანებულია იმით, რომ ეს ტურნირი მე-3 მაეგაშირამ მოიგო. უამრავი გულშემატკივარი ცდილობს, რომ ტოჩინოშინს ხელით შეეხოს და მიულოცოს ეს გამარჯვება.

კოკო ვორდი 42 წლის, ტოკიოში ერთ-ერთი კომპანიის თანამშრომელია. ის ამბობს, რომ "კასუგანოს" გულშემატკივარია 20 წელია და ხშირად სტუმრობს სუმოს პრაქტიკების სანახავად.

როდესაც ტოშინოჩინმა გაიმარჯვა, ის მივარდა მის ავტობუსთან ავტოგრაფის მისაღებად. წარსულში მან შეძლო გადაეღო მასთან ფოტოები.

"ტოჩინოშინმა შეძლო ყოფილიყო საუკეთესო ოძეკთან და სხვადასხვა მაღალი დონის სუმოისტთან. ის სუმოს ძლიერი და კეთილშობილი მოჭიდავეა" - ამბობს გულშემატკივარი.

კიდევ ერთი გულშემატკივარი ტოკიკასის სახე საქართველოსა და იაპონიის დროშებით იყო მოხატული. ის მუშაობს ფირმაში, რომელიც ამზადებს ვიტამინებიან იოგურტებს და ეხმარება ხალხს დიდხანს ცხოვრებაში, ასევე, იგზავნება საქართველოში.

ფანი ამბობს: "ტოჩინოშინმა მადლობა მითხრა იმისთვის, რომ ჩვენი იოგურტი ეხმარება მის ხალხს კარგად ყოფნაში".

nhk.or.jp: ქართველი მე-5 უცხოელია, რომელმაც ეს ტურნირი მოიგო. აქამდე მოგებული ჰქონდათ: ამერიკელს, ბულგარელს, ესტონელს და მონღოლს.

სანამ ის იაპონიაში ჩამოვიდოდა, მანამდე ფლობდა რუსულ საბრძოლო ხელოვნება "სამბოს".

• სიყვარულის ისტორია - 10 საინტერესო ფაქტი ტოჩინოშინის შესახებ