დღეს, 16 მარტს ჰარუ ბაშოს ტრადიციული ტურნირის მეექვსე დღე გაიმართა და ტოჩინოშინმა მეოთხე გამარჯვება მოიპოვა.ტოჩინოშინის მეტოქე პირველი მაეგაშირა, იაპონელი ენდო შოთა იყო, რომელთანაც უარყოფითი ბალანსი 2:3 ჰქონდა. ქართველმა ფალავანმა ულამაზესი ილეთით დაამარცხა ენდო. ამ ილეთს ძიუდოში იპონი ეწოდება, თუმცა სუმოს წესების მიხედვით კოტენაგე ჰქვია.
ტოჩინოშინს ექვსი შეხვედრის ჯამში 4 მოგება და 2 მარცხი აქვს.
რაც შეეხება მეორე ქართველს, გაგამარუს, მას ჯურიო ლიგაში (რანგით მეორე ლიგა) წარუმატებელი დღე ჰქონდა. ქართველი სეკივატორი ლიგის მერვე ნომერ ჰომარეფუჯისთან ჰიკიოტოშის ილეთით დამარცხდა.
ამ მარცხით გაგამარუს 4 მოგება და 2 წაგება დაუგროვდა, რის შედეგადაც მე-6 ადგილს იყოფს ორ სუმოისტთან ერთად.
ტოჩინოშინი მორიგ შეხვედრას მეორე მაეგაშირა მონღოლ არავაშისთან გამართავს, რომელთანაც დადებითი ბალანსი აქვს (3:2). არავაში ამ ბაშოზე ძალიან წარუმატებლად ასპარეზობს - 6 შეხვედრა და 6 მარცხი.
გაგამარუს მეტოქე ლიგის მეორე ნომერი კიოკოშუჰო იქნება, რომელთანაც ქართველს უარყოფითი ბალანსი აქვს (5-11). მონღოლს ამ ბაშოზე მხოლოდ ორი მოგება აქვს.
!["რიოგოკუ კოკუგიკანის" სასახლეში ცერემონია შედგა - ნახეთ, როგორ გააცილეს სუმოდან ტოჩინოშინი [VIDEO]](/pictures/image7/95ba3c907c1a8fb0bbe894f1cdf95e2e.png "\"რიოგოკუ კოკუგიკანის\" სასახლეში ცერემონია შედგა - ნახეთ, როგორ გააცილეს სუმოდან ტოჩინოშინი [VIDEO]")
![დრამატული დაპირისპირება - ტოჩინოშინი ტაკანოშოსთან დასანანად დამარცხდა [VIDEO]](/pictures/image7/1ce3513a92b70dd9a3b2014db772f862.jpg "დრამატული დაპირისპირება - ტოჩინოშინი ტაკანოშოსთან დასანანად დამარცხდა [VIDEO]")
![ტოჩინოშინის საფირმო ჩავლება და დოჰიოზე გაგორებული მეტოქე [VIDEO]](/pictures/image7/30c44b989b9a5773a96e340de439d04c.jpg "ტოჩინოშინის საფირმო ჩავლება და დოჰიოზე გაგორებული მეტოქე [VIDEO]")
![3 მარცხიანი სერია დასრულდა, ტოჩინოშინმა მარტივად გაიმარჯვა [VIDEO]](/pictures/image7/2145b3af142649f362cd21df1ebbf7ef.jpg "3 მარცხიანი სერია დასრულდა, ტოჩინოშინმა მარტივად გაიმარჯვა [VIDEO]")
![მეტოქე "ტოჩის" ყელში წვდა და დოჰიოდან გადააგდო, ქართველმა ივლისის ბაშო უარყოფითი ბალანსით დაასრულა [VIDEO]](/pictures/image7/a043632bdbf53cb7c0cfede9ea785135.jpg "მეტოქე \"ტოჩის\" ყელში წვდა და დოჰიოდან გადააგდო, ქართველმა ივლისის ბაშო უარყოფითი ბალანსით დაასრულა [VIDEO]")
