ბერძნულ-რომაული სტილით მოჭიდავე ჭაბუკებმა ევროპირველობაზე 5 მედალი მოიპოვეს

საქართველოს ბერძნულ-რომაული სტილით მოჭიდავე ჭაბუკთა ნაკრებმა 18-20 მაისს, მაკედონიაში გამართულ ევროპირველობაზე, 3 ოქროს, 1 ვერცხლისა და 1 ბრინჯაოს მედალი მოიპოვა.

ევროპის ჩემპიონები დიმიტრი ხაჩიძე (48 კგ), გიორგი თოხაძე (51 კგ) და გიორგი ცოფურაშვილი (80 კგ) გახდნენ. ვერცხლის მედალი გიორგი ჩხიკვაძემ (60 კგ) მოიპოვა, ბრინჯაოს მედალს კი მძიმეწონოსანი მათე გოქაძე (110 კგ) დაეუფლა.

საერთო გუნდურ ჩათვლაში ჩვენმა ნაკრებმა 118 ქულით მეორე ადგილი დაიკავა.