ოქრო, ვერცხლი და ორი ბრინჯაო...საქართველოს თავისუფალი სტილით მოჭიდავე 17-წლამდელთა ნაკრებმა ევროპის ჩემპიონატზე გამოსვლა 4 მედლით დაასრულა.
კონსტანტინე პეტრიაშვილი (92 კგ) - ოქრო - გენო პეტრიაშვილის უმცროსმა ძმამ ევროპის ჩემპიონატის ფინალში ბერძენი მეტოქე 10:0 დაამარცხა!
ნიკოლოზ მაისურაძე (80 კგ) - ვერცხლი - თავისუფალი სტილით მოჭიდავე ქართველმა ჭაბუკმა ევროპის ჩემპიონატის ფინალში ბოლო წამზე დაკარგა ოქროს მედალი, ნეიტრალური გუნდის სახელით მოჭიდავე რუს ალდატ კესაევთან შეხვედრაში.
მათე ცინაძე (51 კგ) - ბრინჯაო - ცინაძემ დასკვნით პაექრობაში ნეიტრალური გუნდის ბელარუსი ჰლებ პიატროუ დაამარცხა -
რატი რევაზაშვილი (65 კგ) - ბრინჯაო - კვარცხლბეკის მესამე საფეხურზე ავიდა რატი რევაზაშვილი (65 კგ). რეპეშაჟის ფინალში მან თურქი კორაი ეკენი დაამარცხა (4:2).
წყარო: საქართველოს ჭიდაობის ფედერაცია
