<p>საქართველოს XXIX ჩემპიონატი. ეროვნული ლიგა. VII ტური</p><p><br> ბოლო წლებში "ტორპედოსა" და "ჩიხურას" შორის ყოველთვის საინტერესო და უშეღავათო ბრძოლა მიმდინარეობდა და გამონაკლისი არც ეს მატჩი ყოფილა. თამაში საკმაოდ დაძაბული და სანახაობრივი გამოდგა.</p><p>"ტორპედოსთვის" "ჩიხურა" ერთ-ერთ ყველაზე უხერხულ მეტოქედ ითვლებოდა. თავად განსაჯეთ, ქუთაისელებმა ზემოიმერლები ბოლოს 3 წლის წინ დაამარცხეს, ბოლო 5 ურთიერთშეხვედრაში კი გამარჯვება "ჩიხურას" დარჩა. აქედან 3 მატჩი ზემოიმერლებმა სულაც ქუთაისში მოიგეს.</p><p>ქუთაისელები მათთვის უხერხულ მეტოქესთან სათამაშოდ კარგი განწყობით გავიდნენ მოედანზე. მათ ხომ წინა ტურში "სამტრედიასთან" სუპერთასზე წაგებისთვის აიღეს რევანში და ახლა მეორე დერბიშიც 3 ქულას გეგმავდნენ.</p><p>უგუნებოდ არც საჩხერელები ყოფილან. წინა ტური მათთვისაც წარმატებული გამოდგა და ქუთაისშიც საბრძოლო განწყობით ჩავიდნენ. დისკვალიფიკაციის გამო "ჩიხურას" <strong>შოთა კაშია</strong> დააკლდა, რისთვისაც <strong>სოსო ფრუიძეს</strong> დაცვის ხაზის გადაწყობა მოუწია.</p><p>შეხვედრა საკმაოდ რთული მეტეოროლოგიური პირობების ფონზე წარიმართა. მატჩის დაწყებამდე ძლიერი ქარი ამოვარდა და ამას დაერთო წვიმაც. ასეთ ამინდს თავიდან ალღო უკეთ საჩხერელებმა აუღეს და თამაში აქტიურად დაიწყეს. მასპინძლებმა კი მღელვარება ვერ დაძლიეს და საწყის წუთებში საკმაოდ ბევრი შეცდომა დაუშვეს, განსაკუთრებით - მათი უკანა ხაზი სცოდავდა.</p><p>მცველების პირველივე შეცდომისას "ტორპედო" <strong>როინ კვასხვაძის</strong> დიდებულმა "სეივმა" იხსნა, მაგრამ ცოტა ხანში რიონისპირელთა დაცვა კიდევ ერთხელ "ჩავარდა" და "ჩიხურა" სწრაფი გოლით დაწინაურდა. იქამდე მასპინძლებს <strong>ბიძინა მახარობლიძე</strong> დაუშავდათ და შესაცვლელი გაუხდათ.</p><p>გაშვებული გოლის შემდეგ ტორპედოელები გააქტიურდნენ და 11-მეტრიანი დარტყმით ანგარიში მალევე გაათანაბრეს.</p><p>შეხვედრა უშეღავათო ბრძოლაში გაგრძელდა, ფეხბურთელები სიხისტესაც არ ერიდებოდნენ და ეს ყვითელი ბარათების რაოდენობაშიც აისახა. მიუხედავად იმისა, რომ მატჩი ორმხრივ შეტევებში მიმდინარეობდა, პირველი ტაიმის დარჩენილ დროში რეალური საგოლე მომენტები აღარ ყოფილა.</p><p>შესვენების შემდეგ "ტორპედო" უფრო მოტივირებული ჩანდა და გაცილებით აგრესიულად უტევდა. თავიდან მასპინძლებს სტუმრებიც აჰყვნენ ტემპში, მაგრამ მალე მეორე ყვითელი ბარათის გამო <strong>ლევან კაკუბავა</strong> გააძევეს, რამაც "ჩიხურა" სერიოზულად დააზარალა.</p><p>ბოლო 25 წუთი ქუთაისელთა სრული უპირატესობით წარიმართა. <strong>კახა ჩხეტიანმა</strong> <strong>შოთა ბაბუნაშვილის</strong> ნაცვლად მოედანზე <strong>ლაშა კუჭუხიძე</strong> შეიყვანა და "ტორპედომ" სამი ფორვარდით შეუტია. მოგვიანებით, <strong>ნიკა საბანაძის</strong> ნაცვლად მოედანზე შესული <strong>თორნიკე კაპანაძეც</strong> აქტიურად ჩაერთო თამაშში.</p><p>ქუთაისელები მომენტს მომენტზე ქმნიდნენ, მაგრამ ხან <strong>დინო ჰამზიჩი </strong>იყო მოწოდების სიმაღლეზე, ხანაც მასპინძლები ვერ ასწორებდნენ მიზანს.</p><p>საერთოდაც, წლეულს "ტორპედოს" სუსტი წერტილი საგოლე მომენტების რეალიზაციაა. მარტო ამ მატჩის ბოლო წუთებზე იმდენი საგოლე შანსი გაუშვეს ხელიდან, ბარე ორ თამაშს ეყოფოდა.</p><p>თუმცა, რაც მთავარია, 81-ე წუთზე <strong>გიორგი კუხიანიძემ</strong> თავური დარტყმით დუბლი გაიფორმა და თავისიანებს უხერხული მეტოქის დამარცხებაში დაეხმარა. ამ მოგებით "ტორპედო" სატურნირო ცხრილში მე-4 პოზიციაზე აღზევდა.</p><p><span style="color: #3366ff;"><strong>მატჩის სტენოგრამა</strong></span></p><p><strong>4'</strong> - ადამაძის შეცდომის შემდეგ ტატანაშვილი კარში ახლო მანძილიდან ურტყამდა, მაგრამ "ტორპედო" გოლისგან როინ კვასხვაძემ იხსნა.</p><p><strong>10'</strong> - გოლი! ქუთაისელთა დაცვა "ჩავარდა" და გიორგი ივანიშვილმა უძლიერესი დარტყმით სტუმრები დააწინაურა - 0:1.</p><p><strong>14'</strong> - გოლი! დავით ხურცილავა მარჯვენა ფლანგიდან მეტოქის საჯარიმოში აკეთებდა გადაცემას, ბურთი ხელზე მოხვდა მცველს და სტუმართა კარში პენალტი დაინიშნა. თერთმეტმეტრიანი დარტყმა გოლად აქცია კუხიანიძემ - 1:1.</p><p><strong>26'</strong> - გიგაურის ძლიერი დარტყმა მეკარე ჰამზიჩის ნადავლი აღმოჩნდა.</p><p><strong>40'</strong> - ქიმაძის სახიფათო ჩაწოდება, საბანაძე მცველებს დაუსხლტა, მაგრამ დამაგვირგვინებელ ფაზაში ბურთს თავით ვერ შესწვდა.</p><p><strong>50'</strong> - მირცხულავას საკუთარ საჯარიმოში ფეხი დაუცდა, შედეგად ნიკა საბანაძე მეკარესთან პირისპირ აღმოჩნდა, ჰამზიჩსაც გასცდა, მაგრამ ბოლო მომენტში მცველმა ვარდნაში შეძლო მისთვის ბურთის ართმევა, საბანაძე კი დაეცა და ტორპედოელები პენალტს ითხოვდნენ, მაგრამ არბიტრმა სხვაგვარად განსაჯა.</p><p><strong>53'</strong> - დოლიძის საჯარიმო დარტყმა ხარიხას გადასცდა.</p><p><strong>70'</strong> - საბანაძემ მკერდით დაამუშავა ბურთი და საჯარიმოს გარედან ძლიერად დააქუხა. სტუმრები გოლისგან ჰამზიჩის ნახტომმა იხსნა.</p><p><strong>71'</strong> - "სტანდარტულის" შემდეგ ადამაძე ეფექტურად, "მაკრატელათი" ცდილობდა გოლის გატანას, მაგრამ კარს მცირედით ააცილა.</p><p><strong>72'</strong> - სარდალიშვილმა მახვილი კუთხიდან სახიფათოდ დაარტყა და ბურთი კვასხვაძემ მოიგერია.</p><p><strong>81'</strong> - გოლი! დოლიძის ფლანგური ჩაწოდების შემდეგ კუხიანიძემ ეფექტური თავურით "ტორპედო" წინ გაიყვანა - 2:1.</p><p><strong>83'</strong> - კაპანაძემ კუჭუხიძე მეკარესთან პირისპირ გაიყვანა, მაგრამ ქუთაისელმა ფორვარდმა ჰამზიჩს ვერ აჯობა.</p><p><strong>84'</strong> - ახლო მანძილიდან კაპანაძის თავური კარს მცირედით ასცდა.</p><p><strong>85'</strong> - დოლიძის სახიფათო დარტყმა ჰამზიჩმა მოიგერია.</p><p><strong>89'</strong> - კუჭუხიძემ ხუთიოდე მეტრიდან ბურთი კარს ააცილა.</p><p><span style="color: #3366ff;"><strong>ეროვნული ლიგა. VII ტური</strong></span></p><p>13.04. ქუთაისი. "რამაზ შენგელია"</p><p><em><strong>ტორპედო-ჩიხურა 2:1</strong></em></p><p>გოლები: 0:1 ივანიშვილი (10), 1:1 კუხიანიძე (14-პენ), 2:1 კუხიანიძე (81. დოლიძის პასით)</p><p><span style="text-decoration: underline;">ტორპედო (4-1-4-1):</span> რ. კვასხვაძე - ხურცილავა, ადამაძე, გურული, ქიმაძე - გიგაური - დოლიძე, კუხიანიძე, ბაბუნაშვილი (62. კუჭუხიძე), მახარობლიძე (10. ტუღუში) - საბანაძე (78. კაპანაძე).</p><p>სათადარიგოები: ქვილითაია, ტაბატაძე, მამასახლისი, საღრიშვილი</p><p>მწვრთნელი: კახა ჩხეტიანი</p><p><span style="text-decoration: underline;">ჩიხურა (4-2-3-1):</span> ჰამზიჩი - კორიფაძე, კაკუბავა, მირცხულავა, ჭელიძე - დობროვოლსკი, განუგრავა - ივანიშვილი (82. გეგეჭკორი), გორგიაშვილი, დეკანოიძე (59. სარდალიშვილი) - ტატანაშვილი (77. ლექვთაძე).</p><p>სათადარიგოები: სეფიაშვილი, გრიგალაშვილი</p><p>მწვრთნელი: სოსო ფრუიძე</p><p><span style="text-decoration: underline;">გაფრთხილება:</span> გორგიაშვილი (19), გიგაური (19), მირცხულავა (22), ჭელიძე (28), კაკუბავა (37), გურული (54), კორიფაძე (55)</p><p><span style="text-decoration: underline;">გაძევება:</span> კაკუბავა (52)</p><p><span style="text-decoration: underline;">არბიტრი:</span> არსენ ნონიკაშვილი</p><p><span style="color: #3366ff;"><strong>ბომბარდირები</strong></span></p><p>ი. სიხარულიძე (ლოკომოტივი) 8</p><p>მ. გავაშელიშვილი (ლოკომოტივი) 6</p><p>ბ. არაბული (დინამო თბ) 5</p><p>მ. კოვტალიუკი (კოლხეთი) 5</p><p><span style="color: #3366ff;"><strong>მომდევნო ტური</strong></span></p><p><span style="text-decoration: underline;">21 აპრილი</span></p><p>შუქურა-დილა</p><p>ჩიხურა-კოლხეთი</p><p><span style="text-decoration: underline;">22 აპრილი</span></p><p>სამტრედია-ლოკომოტივი</p><p>დინამო (ბთ)-ტორპედო</p><p><span style="text-decoration: underline;">23 აპრილი</span></p><p>დინამო (თბ)-საბურთალო.</p><p>(იბეჭდება მცირე ცვლილებით)</p><p><strong>ყოველდღიური სპორტული გაზეთი "ლელო"</strong></p>
QWERTY
tngh მოგებული კლუბის ქომაგებისათვის საინტერესო ხდება ჩემპიონატი,შემდეგ წაგებამდის, ეს ჩვეული რეაქციაა :) სინამდვილეში გასასვენებლად გამზადებულია ქართული ფეხბურთი,ეგაა რომ გასვენება არ იქნება მთლად უფერული, შეფუთული რაღაც კომპონენტებით გალამაზებული გაასვენებენ ... სანამ საბიუჯეტო კლუბები არსებობთ ამ უცნაური მმართველებით ან ღარიბი მფლობელები ჰყავთ კლუბებს, მანამდის სულ ასე იქნება. როგორაა მხოლოდ ჩაჩავასათვის მისაყიდ კლუბს სააუქციონო ფასი კიდევ ვერ დაუდგინეს სამხარაულში? ახლა ხომ კურსი 2.37-ია და არა იანვრის 2.7?
tngh
სულ უფრო და უფრო საინტერესო ხდება საქარტველოს ჩემპიონატი. მობრძანდით ბატონებო სტადიონზე. მერწმუნეთ, არ ინანებთ... ბევრ კარგ თამაშს ნახავთ!!!
GEO TEAM: ლევან კორღალიძე "იბერია 1999"-ს მეოთხედ ჩაუდგება სათავეში
ფრე ქუთაისში... და "თელავის" მოგება "გაგრასთან"
87-ე წუთი... "ტორპედომ" ფოთში მოიგო, "გაგრამ" "გარეჯთან" ქულა გადაარჩინა
პსჟ-სთან მატჩამდე "ბარსელონამ "სოსიედადი" დაამარცხა და გალიდერდა
U17 | საქართველო 3:0 ლიეტუვა
"დარწმუნებული ვარ, სიტუაციის შეცვლა შემიძლია" - ამორიმი "ბრენტფორდთან" მარცხის შემდეგ
"ვესტ ჰემმა" პოტერი გაათავისუფლა - "ჩაქუჩები" ეშპირიტუ სანტუმ ჩაიბარა
"რეალს" ენდრიკის იჯარით გაშვება უნდა, ბრაზილიელი წასვლის წინააღმდეგია
"დიდებული მწვრთნელია, მაგრამ ფერგიუსონამდე და ანჩელოტიმდე ბევრი უკლია" - ხაბიბმა გვარდიოლაზე ისაუბრა
ფრე ქუთაისში... და "თელავის" მოგება "გაგრასთან"
დავითაშვილი შეცვალეს - "სენტ-ეტიენი" სახლში "გენგამთან" დამარცხდა
პირველი ტაიმის შემდეგ პსჟ "ოსერს" 1:0 ამარცხებს
"ოსერთან" მატჩში პსჟ-ს სასტარტო შემადგენლობა ცნობილია
ზივზივაძის "ჰაიდენჰაიმმა" ნანატრი გამარჯვება მოიპოვა
[VIDEO] ხულიან ალვარესი მთელი თავისი ბრწყინვალებით - "ატლეტიკომ" მადრიდულ დერბიში "რეალი" გაანადგურა
[VIDEO] ნკეტიამ ალისონს ზედ საფინალო სასტვენის წინ გაუტანა - "ლივერპული" "კრისტალ პალასთანთან" დამარცხდა
გუნდია თუ საველე ჰოსპიტალი - პსჟ-ს კიდევ ერთი წამყვანი ფეხბურთელი გამოაკლდა
"იუნაიტედი" "ბრენტფორდთან" დამარცხდა - გაუშვებენ ამორიმს?
[VIDEO] კეინის ყველა დროის რეკორდი - "ბაიერნი" და ინგლისელი შეუჩერებლები არიან
FIFA-მ მალაიზიის ფეხბურთის ფედერაცია და 7 ფეხბურთელი მკაცრად დასაჯა
დუდუ დადიანის მემორიალის 24-ე გათამაშება ოლიმპიურ სასახლეში დაიწყო
"ერთად დასაწყისიდან დასასრულამდე" - მესი ბუსკეტსის გადაწყვეტილებას ემოციური წერილით გამოეხმაურა
"ამ ორი ფეხბურთელის წყალობით, "ბარსელონა" მომდევნო 10-15 წელი ჩემპიონთა ლიგის მოგების მთავარი ფავორიტი იქნება" - დეულოფეუ
გიორგი პაპუნაშვილმა და კიდევ ოთხმა ფეხბურთელმა "ტორპედო" დატოვა
მჭედლიძესთან ერთად 2 ფეხბურთელი წავიდა, არის შევსებაც - ქუთაისის "ტორპედოში" სიახლეებია
კახა ჩხეტიანი ეროვნულ ლიგას დაუბრუნდა
ფრუიძე: ეს იქნება ერთგვარი ილუსტრაცია იმ რეალობის, რომელიც დღეს საქართველოში დგას
ზედიზედ სამჯერ! - ვაკო გვილია საგოლე გადაცემების დიდოსტატია
ეროვნული ლიგა. XVII ტური. "ჩიხურა"-"დინამო თბ" [LIVE]
ლაშა ნოზაძემ და ლევან კაკუბავამ რუმინელებთან მატჩზე ისაუბრეს
"ტორპედომ" 6 ფეხბურთელი დაიმატა და თურქულ შეკრებაზე გაემგზავრება
იმედია, ყველა არ გავარდება - დღეს ქართულ კლუბებს განმეორებითი მატჩები აქვთ
"სოსნოვიეცი" მეორე ქართველმაც დატოვა - გიორგი ივანიშვილი "სიონში" ჩაირიცხა
ეროვნული ლიგის XII ტურის სიმბოლური ნაკრები Sportall.ge-ს ვერსიით (+გამოკითხვა)
რა გეგმა აქვს შუსტერს? - დღეს 2 ქართული კლუბი ითამაშებს
მხოლოდ 2 მატჩი გუნდის სათავეში - სოსო ფრუიძემ "ლოკომოტივი" დატოვა
დღეს სამი ქართული კლუბი ითამაშებს - წაგებით დავიწყეთ...
ლევან კაკუბავა: "საბურთალომ" ქვეყნის სახელი ჩემპიონთა ლიგაზე წარმატებით უნდა დაიცვას
სოსო ფრუიძე ფეხბურთში დაბრუნდა და უმაღლესი ლიგის გუნდს ჩაიბარებს
გიორგი გაბედავამ ვატო არველაძის "კორონას" გაუტანა [VIDEO]
"საქართველო არაჩვეულებრივი ქვეყანაა" - ჰამზიჩი ეროვნულ ლიგას უბრუნდება
ოთხიდან ოთხივე გავარდა - რა ვიხილეთ ქართული გუნდებისგან ევროტურნირებზე?
საბრძოლო ანგარიშებით საპასუხო მატჩებში - კონფერენს ლიგის მეორე რაუნდის პირველი შეხვედრების მიმოხილვა
სოსო ფრუიძე: 6 ქულა კარგია, მაგრამ ყველაფერი თავიდან დასაწყებია
თბილისის "დინამო" 5 ფეხბურთელს დაემშვიდობა და ვარჯიშს შეუდგა
"სოსო ფრუიძის მწვრთნელად მოსვლას არ დავუშვებთ" - "ტორპედოს" გულშემატკივრის განცხადება
10-ბალიანი სისტემა - თბილისის "დინამოს" ფეხბურთელების შეფასება "გაბალასთან" მატჩში
კახა ჩხეტიანმა "ტორპედო" დატოვა
ლუკა ზარანდიამ პოლონეთში თანამემამულეები არ დაინდო [VIDEO]
"სიონი" გიორგი ივანიშვილით გაძლიერდა
ეროვნული ლიგა. პლეი-ოფი: "ჩიხურა" - "სამგურალი" [LIVE]
ეროვნული ლიგა. XVI ტური. "მერანი" - "ჩიხურა" [LIVE]
"ტორპედომ" ეროვნულ ლიგაში დასარჩენად დიდი ნაბიჯი გადადგა [VIDEO]
"საბურთალომ" ზამთრის თასზე ორი ახალწვეული წარადგინა
"ჩიხურამ" ძალიან ლამაზი გოლითა და მეკარის სასწაული "სეივებით" მოიგო [VIDEO]
საქართველო მხოლოდ 5 ქვეყანას უსწრებს - UEFA-მ კლუბების შედეგების მიხედვით, ახალი რეიტინგი გამოაქვეყნა
ლამის ტრავმა მიიღო - კურიოზი "საბურთალოს" გოლის აღნიშვნის დროს [VIDEO]
თბილისის "დინამომ" ამსტერდამის "აიაქსის" ყოფილი ფეხბურთელი დაიმატა
საჩხერის "ჩიხურას" ახალი მთავარი მწვრთნელი ჰყავს!
დინამო (თბ)-სპარტაკი (სუბ) 1:1 - კუხიანიძის ულამაზესი გოლი [VIDEO]
ოფიციალურად - ჩხეტიანი "ტორპედოში" დაბრუნდა
ეროვნული ლიგის VIII ტურის სიმბოლური ნაკრები Sportall.ge-ს ვერსიით (+გამოკითხვა)
სოსო ფრუიძე: მოსაგებად ძალა აღარ გვეყო
ქუთაისის "ტორპედო" 20 მაისს ახალ მწვრთნელს წარადგენს
ერთ კვირაში "ტორპედოდან" მესამე ფეხბურთელი წავიდა