<p>დღეს დილით საქართველოს 7-კაცა ნაკრები ევროპის გრან პრის პირველ ეტაპზე, მოსკოვში გაემგზავრა <br> დღეს დილით საქართველოს 7-კაცა ნაკრები ევროპის გრან პრის პირველ ეტაპზე, მოსკოვში გაემგზავრა.</p><p>ტრადიციულად, ევროპის გრან პრი ოთხ ეტაპად იმართება. პირველ ეტაპს 19-20 მაისს მოსკოვი უმასპინძლებს, 30 ივნისსა და 1 ივლისს მეორე ეტაპია და ის საფრანგეთში, "მარკუსიზე" გაიმართება, 7-8 ივლისს მესამე ეტაპია და მას ექსეთერი (ინგლისი) მასპინძლობს, ხოლო დასკვნითი ეტაპი პოლონეთში, ლოძში 8-9 სექტემბერსაა ჩანიშნული.</p><p>თითოეულ ეტაპზე გუნდებს დაკავებული ადგილების მიხედვით ქულები ეწერებათ და ოთხი ეტაპის ჯამში, სამი მოწინავე (გარდა იმ გუნდებისა, რომლებიც მსოფლიო სერიაში უკვე თამაშობენ) ჰონკონგის ტურნირის საგზურს იღებს, რომელიც თავის მხრივ მსოფლიო სერიის შესარჩევი ეტაპია.</p><p><strong>ორი ლიდერი და ერთი დებიუტანტი</strong></p><p>ჩვენი 7-კაცა მოსკოვის ჯგუფურ ეტაპზე პირველ მატჩს საფრანგეთის წინააღმდეგ გამართავს და ის საქართველოს დროით 12:28 საათზე დაიწყება. მეორე მეტოქე მასპინძელი რუსეთია და მას 15:35 საათზე ვეთამაშებით, ხოლო ჯგუფურ ეტაპს გრან პრის დებიუტანტ შვედეთთან დავასრულებთ. ეს თამაში 17:58 საათზე დაიწყება. 20 მაისს ფლეი ოფებია, სადაც საქართველოს პირველი მეტოქე ჯგუფში დაკავებული ადგილის მიხედვით გაირკვევა.</p><p>გუნდის მთავარი მწვრთნელი ზაზა ლეჟავა და მეტოქეების შესახებ ამბობს:</p><p>"ჯგუფში ორი ძლიერი მეტოქე გვყავს რუსეთისა და საფრანგეთის სახით, ხოლო მესამე შვედეთია, რომელმაც შარშან "ალაფა" მოიგო და ელიტაში ამოვიდა".</p><p>"პირველი მეტოქე საფრანგეთია, რომელიც მოსკოვში მეორე შემადგენლობით მოდის. მე ამ გუნდის მწვრთნელებთან კარგი ურთიერთობა მაქვს და კერძო საუბარში მითხრეს, რომ მეორე გუნდი პირველს არაფრით ჩამოუვარდება. ის დაკომპლექტებულია ახალგაზრდებით, რომლებიც პროფესიონალებში დასამკვიდრებლად იბრძვიან და დიდი მოტივაცია აქვთ. წლის განმავლობაში საფრანგეთის მეორე ნაკრები 10-მდე ტურნირს თამაშობს და კარგადაა შეთამაშებული".</p><p>"მეორე თამაში მასპინძელ რუსეთთან გვიწევს, რომელსაც 7-კაცაში სერიოზული ამბიციები აქვს. ეს გუნდი მსოფლიო სერიაზე თამაშობდა და გამოვარდა, ახლა კი მიზნად უკან დაბრუნება აქვს დასახული. მათთან ძალიან მძიმე თამაში გვექნება. დღის ბოლოს დებიუტანტ შვედეთს შევხვდებით. ჩვენ ყველა შეხვედრაში მაქსიმუმისთვის ვიბრძოლებთ. სისტემიდან გამომდინარე, ყველა თამაშში მოპოვებულ თითო ქულას უდიდესი მნიშვნელობა აქვს. პირველ დღეს მინიმუმ ერთი თამაში უნდა მოვიგოთ და მოწინავე 8 გუნდს შორის მოვხვდეთ".</p><p>გრან პრის "ბ" ჯგუფში ირლანდიის, გერმანიის, პორტუგალიისა და პოლონეთის ნაკრებები თამაშობენ, ხოლო "გ" ჯგუფში ესპანეთის, უელსის, ინგლისისა და იტალიის ნაკრებები არიან. ჯგუფური ეტაპის დასრულების შემდეგ, ორ-ორი მოწინავე და ორი საუკეთესო მესამეადგილოსანი თასის მეოთხედფინალში გადის, ხოლო დანარჩენი 4 მე-9 ადგილისთვის აგრძელებს ბრძოლას.</p><p><strong>ოთხი ლეგიონერი</strong></p><p>გასულ კვირას 7-კაცამ მარტყოფის ბაზაზე 4-დღიანი შეკრება გაიარა, რომლის დროსაც ორი მორაგბე დაშავდა და მწვრთნელებს გეგმების შეცვლა მოუწია.12-კაციან განაცხადში 3 ლეგიონერი საფრანგეთის ფედერალ1-ის კლუბებიდანაა, ერთი რუსეთის პრემიერლიგიდან, ხოლო დანარჩენები დიდი 10-ის კლუბებს წარმოადგენენ:</p><p>"გვსურდა, რომ დიდი 10-ის ფინალში მონაწილე იმ მორაგბეებისთვის, რომლებმაც 80 წუთი ითამაშეს, დასვენების საშუალება მიგვეცა, მაგრამ შეკრებაზე ორი მოთამაშე დაშავდა და "ლოკომოტივიდან" რამაზ ხარაზიშვილს, ხოლო "აიადან" ზურაბ ძნელაძეს ვუხმეთ. ეროვნულმა ნაკრებმა დაგვითმო და მოსკოვში მოდის გიორგი ფრუიძე. ჩვენ ამ ბიჭებს ვენდობით და გვჯერა, რთული მიზნის შესრულებას მოვახერხებთ".</p><p><strong>მოსკოვში მიემგზავრებიან:</strong></p><p>გიორგი მჭედლიშვილი (ჯიქი), გიორგი სორდია (შამბერი, საფრანგეთი), ზურაბ ძნელაძე (აია), თორნიკე მანაგაძე (აია), რამაზ ხარაზიშვილი (ლოკომოტივი), საბა შუბითიძე (ბათუმი), ილია სპანდერაშვილი (არმაზი), დავით მოძღვრიშვილი (აკადემია), ლუკა იურინი (ლიონი, საფრანგეთი), გიორგი გოგოლაძე (კასტანიანი, საფრანგეთი), გიორგი ფრუიძე (კრასნი იარი, რუსეთი), დავით მესხი (არმია).</p><p>მთავარი მწვრთნელი: ზაზა ლეჟავა</p><p>მწვრთნელები: პალიკო ჯიმშელაძე, ბესიკ ხამაშურიძე</p><p><strong>ევროპის გრან პრი (ოთხ ეტაპად)</strong></p><p><strong>პირველი (მოსკოვის) ეტაპი. 19 მაისი</strong></p><p>საქართველო - საფრანგეთი (12:28 საქ. დრო)</p><p>რუსეთი - საქართველო (15:35)</p><p>საქართველო - შვედეთი (17:58)</p><p><strong>20 მაისი. ფლეი ოფები</strong></p><p><strong>მომზადებულია rugby.ge-ს მიხედვით</strong></p>
musenbezi
სამივე თამაშს ვუყურე და ნეტა არ მეყურებინა... საოცრად იმედგაცრუებული დავრჩი... შვედებთან მარცხმა მოთმინება დამაკარგინა
გვაქვს თუ არა რეგრესი? - "ბორჯღალოსნების" მიერ გამართული ივლისის ტესტების შეჯამება
მეცხრე ადგილი მსოფლიო ჩემპიონატზე - საქართველომ შოტლანდია დაამარცხა
მარცხი მოსალოდნელი შედეგით - საქართველოს ნაკრები სამხრეთ აფრიკასთან დამარცხდა
ხარატიშვილი ჩეხურ კლუბში გადავიდა
„Milan Junior Camp ჩვენი ახალგაზრდა ფეხბურთელებისთვის უდიდესი შესაძლებლობაა“ - გიორგი ფოფხაძე
პსჟ ბარკოლასთან კონტრაქტის გაგრძელებაზე მოლაპარაკებას აწარმოებს
საქართველოს ნაკრებს ევრობასკეტზე მიღწეული ისტორიული შედეგისთვის მთავრობა ფულადი პრემიის სახით 3 მილიონ ლარს გადასცემს
"სპალეტი ნომერ პირველი კანდიდატი იყო" - "ფენერბაჰჩეს" პრეზიდენტმა იტალიელ სპეციალისტზე ისაუბრა
"ამას ფეხბურთთან საერთო არაფერი აქვს" - "ბაიერნის" პრეზიდენტმა "ნიუკასლი" გააკრიტიკა
"ალბათ ამ პასუხს ნაკლებად ელოდით" - გვარდიოლამ დაასახელა ფეხბურთელი, რომლის "სიტიდან" გაშვებასაც ყველაზე მეტად ნანობს
"რუსეთის საფეხბურთო ნაკრებს სათადარიგოთა სკამზეც კი სუპერვარსკვლავები ჰყავს" - "რეალისა" და ესპანეთის ნაკრების ყოფილი მწვრთნელი
მე-6 ტიტული დიდი სლემის ტურნირზე - კარლოს ალკარასი აშშ-ის ღია პირველობის გამარჯვებულია
პირველ მეოთხედში უკვე 22 ქულა ჰქონდა - დონჩიჩმა სლოვენია მეოთხედფინალში გაიყვანა
მამუკელაშვილი: შემიძლია ვემბანიამას მივწერო - საფრანგეთს მასთან ერთდაც მოვუგებდით
[VIDEO] დუბლი 2 წუთში - ტაბატაძე "კადისის" ფანების საყვარელი მოთამაშე ხდება
ხიზანიშვილი: საუკეთესო გაგნიძე იყო - კაშიამ ართამაშის გადაწყვეტილება ისე მიიღო, როგორც უნდა მიეღო
"მადლობა საბერძნეთს" - გოგა ბითაძე სოციალურ ქსელში პოსტს აქვეყნებს [PHOTO]
პირველი ტაიმის შემდეგ საქართველოს ნაკრები ბულგარეთს 2:0 ამარცხებს
მეორე ნახევარში უკეთესი ბითაძე გვჭირდება - საქართველოს ნაკრებმა საფრანგეთს პირველი ტაიმი მოუგო
კაპიტანი კვარაცხელია - ბულგარეთთან მატჩში საქართველოს ნაკრების შემადგენლობა ცნობილია
ოფიციალურად: "კოლოსმა" ზურაბ რუხაძე წარადგინა
ტიაგო მოტამ შესაძლოა, ბუნდესლიგის ბინადარი გუნდი ჩაიბაროს
ონანა კარიერას სავარაუდოდ, თურქეთში განაგრძობს