<p>საქართველოს 7-კაცა ნაკრების ახალი მთავარი მწვრთნელი გიორგი ნოზაძე გასულ კვირაში მოთამაშეთა იმ ჯგუფს შეხვდა (ჯერ მხოლოდ აღმოსავლეთ საქართველოში. მსგავსი შეხვედრა და ვარჯიშები დასავლეთ საქართველოშიც გაიმართება), რომლებზეც მომავალი წლის განმავლობაში აქცენტი გაკეთდება და პირველი ვარჯიშებიც გამართა.</p> <p> </p> <p>ივლისსა და აგვისტოში გამართული 7-კაცას შიდა ტურნირებზე დაკვირვებით, ასევე მოთამაშეთა გამოცდილებისა და კლუბებში მათი ჩართულობის გათვალისწინებით, აღმოსავლეთ საქართველოში 50 მორაგბე შეირჩა. ისინი დიდი 10-ის 7, პირველი ლიგის 6 და რეგიონული ლიგის 3 გუნდს მოიცავენ. შერჩეულ მოთამაშეთაგან თვრამეტი 20-წლამდე ასაკისაა.</p> <p> </p> <p>„გასულ კვირაში დავიწყეთ გუნდის შენების აქტიური ფაზა და უკვე გვქონდა როგორც გაცნობითი შეხვედრა, ასევე ვარჯიში. მინდა მადლობა გადავუხადო მოთამაშეებს რადგან მათ გამოხატეს სრული მზაობა ჩაერთონ ყველაზე დინამიურ და ყველაზე ინტენსიურ სპორტის სახეობაში რასაც შვიდკაცა რაგბი ქვია. მადლობა კლუბებს, რადგან მათი ჩართულობისა და მხარში დგომის გარეშე ჩვენს შრომას შედეგი არ ექნება. ასევე აუცილებლად აღსანიშნავია სამწვრთნელო ჯგუფის მონდომება, რადგან წარმატების საწინდარი სწორი მენეჯმენტია. ჩემთან ერთად იმუშავებენ: გიორგი ჭუაძე, რომელიც ფიზ. მომზადების გარდა საწვრთნელ პროცესშიც აქტიურად იქნება ჩართული; ექიმი ოთარ თაბაგარი; ფიზიო დავით კობახიძე; მასაჟისტი გიორგი მურადაშვილი; ვიდეო-ანალიტიკოსი ლევან დოლაბერიძე; და მენეჯერი 20-წლიანი გამოცდილებით სანდრო ნიჟარაძე“ - ამბობს გიორგი ნოზაძე და განაგრძობს:</p> <p> </p> <p>„გაფართოებულ ჯგუფს სოსო მათიაშვილი უკაპიტნებს, რომელსაც ზურგს უზარმაზარი საერთაშორისო გამოცდილება უმაგრებს და მისი აქტიური ჩართულობა მნიშვნელოვანი იქნება როგორც მოთამაშეებისთვის ასევე საწვრთნელი პროცესის ოპტიმიზაციისთვის. ჩვენმა პროგრამამ მოთამაშეებში დიდი ინტერესი გამოიწვია, იგრძნობოდა ჟინი და მოტივაცია, რაც მნიშვნელოვანი ასპექტია. ყველა მათგანს გათვითცნობიერებული აქვს, რომ წარმოადგენენ საკუთარ ქვეყანას და საქმის მიმართ დიდი ერთსულოვნება გამოავლინეს. ვიმედოვნებ, მათი შემართება ასე გაგრძელდება და სამწვრთნელო შტაბი მაქსიმუმს გავიღებთ, რათა მთელი წლის მანძილზე ხარისხიანი წვრთნის პროცესი შევინარჩუნოთ“.</p> <p> </p> <p>„რაც შეეხება სელექციის პროცესს, მოვიცავით ყველა ლიგა და ამ ეტაპისთვის აღმოსავლეთ საქართველოს კლუბებიდან შეირჩა 50 მოთამაშე, რომელთაგან თვრამეტი 20-წლამდელთა ნაკრების კანდიდატია. ჩვენი მიზანია, რომ მათ მივცეთ 7-კაცისთვის საჭირო საბაზისო ცოდნა და უნარები, რათა 20-წლამდელთა ნაკრების გავლის (ან ამა თუ იმ მიზეზით იქ ვერმოხვედრის შემთხვევაში) შემდეგ გვქონდეს მათთან მუშაობის გამოცდილება და შედარებით მარტივად ადაპტირდნენ 7-კაცა რაგბის მოთხოვნებთან მიმართებაში“.</p> <p> </p> <p>„მსგავსი გაფართოებული ჯგუფი გაკეთდება დასავლეთ საქართველოშიც, სადაც ფოთსა და ქუთაისში, თითო ლოკაციაზე ორ კვირაში ერთხელ, ვარჯიშებს მე ჩავატარებ. პროცესში ჩართული იქნებიან ადგილობრივი მწვრთნელებიც და მოხარული ვიქნები თუ მათივე ინიციატივით ჩატარდება დამატებითი ვარჯიშები. ვფიქრობ, ასეთი მიდგომით არცერთი საინტერესო მოთამაშე არ დარჩება ყურადღების მიღმა და ყველას ექნება თავის გამოჩენის შესაძლებლობა“.</p> <p> </p> <p>„გამოცდილი მოთამაშეები, რომლებიც წლების განმავლობაში თამაშობდნენ 7-კაცას, თუმცა ამჟამად გაფართოებულ შემადგენლობაში არ არიან, ჩვენი თვალთახედვის არეალში რჩებიან. ისინი კლუბებში თამაშობენ 15-კაცა რაგბს და თუ გაზაფხულის 7-კაცა შიდა ტურნირებში თავს გამოიჩენენ, კვლავ დაბრუნდებიან ჩვენს სივრცეში“.</p> <p> </p> <p>„7-კაცას ვარჯიშებისთვის შეირჩა ოთხშაბათი და ხუთშაბათი. ეს იმიტომ, რომ კაცთა ლიგებისგან განსხვავებით, დუბლშემადგენლობის ჩემპიონატის თამაშები ორშაბათ-სამშაბათსაც იმართება და არ გვსურს პრობლემები შევუქმნათ კლუბებს. ამ კუთხით მნიშვნელოვანია ისიც, რომ დეკემბრის ბოლომდე ჩვენი ვარჯიშები არ ითვალისწინებს 7-კაცასთვის საჭირო ფიზ-მომზადებას. 2026 წლამდე აქცენტი მხოლოდ ტექნიკური და ტაქტიკური უნარების დახვეწაზე გაკეთდება“.</p> <p> </p> <p>„დეკემბრის ბოლოს გვექნება შიდა სელექცია და გაფართოებული შემადგენლობა 25 მოთამაშემდე შემცირდება, თუმცა მათზე (ვინც მცირე ჯგუფში ვერ მოხვდება) დაკვირვება გაგრძელდება, როგორც კლუბებში, ასევე გაზაფხულზე დაგეგმილ 7-კაცას ტურნირებში და თავის გამოჩენის შემთხვევაში ისინი აუცილებლად დაბრუნდებიან ძირითად ჯგუფში. შეიძლება ითქვას, რომ გაზაფხულზე გასამართ 7-კაცას ტურნირებზე გვექნება დამატებითი სელექცია, რათა, ვიმეორებ - არცერთი საინტერესო მოთამაშე არ დარჩეს ჩვენი ყურადღების მიღმა“.</p> <p> </p> <p>„გვაქვს კიდევ ერთი მნიშვნელოვანი სიახლე. 7-კაცას განვითარების გეგმა მოიცავს ბევრ თამაშს როგორც კაცთა, ასევე ჭაბუკთა და საფესტივალო ასაკის გუნდებს შორის. წელს 14 (საფესტივალო), 16 (ჭაბუკთა ბ ლიგა) და 18-წლამდე (ჭაბუკთა ა ლიგა) გუნდებს შორისაც გვექნება 7-კაცას ტურნირები, რაც მოგვცემს იმის შესაძლებლობას, რომ შევკრათ 18-წლამდე 7-კაცა ნაკრები და 2026 წლის ზაფხულიდან ჩავერთოთ რაგბი ევროპის ჩემპიონატში. ეს იქნება იმის წინაპირობა, რომ სამომავლოდ, როგორც 7-კაცა, ასევე 15-კაცა ნაკრებებში, გვყავდეს საერთაშორისო გამოცდილების მქონე, შესაბამისი უნარების მოთამაშეები“.</p> <p> </p> <p><strong>Rugby.ge</strong></p>
.
მწვრთნელების სტაჟირებაზე,ახალგაზრდა მწვრთნელების კვალიფიკაციის ამაღლებაზე არ ფიქრობთ?მასიურობის გაზრდა თუ გვინდა და გვინდა,ბევრი მწვრთნელიც დაგვჭირდება,სწორედ 7 კაცა რაგბის მწვრთნელები,რადგან 15 კაცას მაინც განსხვავებული სპეციფიკა აქვს.მე ვინ მკითხავს,მაგრამ ჩემი გადასაწყვეტი რომ იყოს,15 კაცას გუნდებში,კვირაში ერთ სავარჯიშო დღეს,7 კაცაში ვავარჯიშებდი ბიჭებს,ბურჯების გარდა.სისწრაფის და ხელის ტექნიკის გაუმჯობესება ყველას სჭირდება.
რაგბის კავშირმა და მაისაშვილმა თანამშრომლობა დაასრულეს
15-ქალას ელიტური მეტოქე
ნიკა ამაშუკელი - ტოკიო, ლონდონი და გენუა
კვარაცხელიას ტრავმის გამო - პსჟ-მ შეიძლება ბრაზილიელი შემტევი დაიმატოს
ბასილაშვილი მეცის ჩელენჯერს ტრავმის გამო ჩაეხსნა
ისტორიული ზღვარი და დრამატული გამარჯვება - 4000 ქულა თორნიკე შენგელიას ევროლიგაში
მარკის რიდი მატჩის საუკეთესო მოთამაშეა - "ბაჰჩეშეჰირმა" იტალიაში "რომა" გაანადგურა
19-წლამდელებმა შესარჩევში ასპარეზობა სან-მარინოსთან გამარჯვებით დაასრულეს
ლევან კობიაშვილი: მჯერა, რომ ამ გუნდს აქვს რესურსი, დაძლიოს არსებული სირთულეები და კიდევ ერთხელ აჩუქოს ჩვენს ქვეყანას ის ემოციები, რომლებიც ასე ძალიან დაგვაკლდა
შერმადინის "ტენერიფემ" ევროთასის მატჩი "ტელეკომს" თურქეთში დრამატულად მოუგო
CHANGE - ცვლილებების საჭიროება და ცვლილებები რეალური ცვლილებების გარეშე!..
ისევ საფრანგეთში, მაგრამ მე-3 ლიგაში - ბენ იედერი სამშობლოში დაბრუნდა
პრობლემა დე ლაურენტისის მოთხოვნაა - დე ბრუინს "ნაპოლიდან" წასვლა უნდა
"ეს უბრალოდ ფარსია!" - კასანომ რონალდინიო კარიერის განახლების გამო გააკრიტიკა
"იქ ვართ, სადაც ვიმსახურებთ" - შევჩენკომ თქვა, რომ მიზანს ვერ მიაღწიეს, მაგრამ მალდერა ნაკრებში დარჩება
"არანაირი პრობლემა არ იქნება" - სკალონი მესის სამწვრთნელო შტაბში შესაძლო გაწევრიანებაზე
ყაზახებმა ქართველებისთვის კარგად ნაცნობი ჯონ ვან'ტ სხიპი დანიშვნიდან 3 თვეში დაითხოვეს
"საქართველოს ნაკრები კარგად გამოიყურებოდა" - რა თქვა ზაბარნიმ გუშინდელი მატჩის შემდეგ
[PHOTO] ახლო მეგობრები - უკრაინის ნაკრების წევრმა მატჩის შემდეგ საქართველოს ნაკრების ფეხბურთელთან გადაღებული ფოტო გამოაქვეყნა
სვანაძე: ასე გაგრძელება არ შეიძლება - გულშემატკივრების რეაქციას კარგი თამაშით უნდა ვუპასუხოთ
უკრაინელთა მწვრთნელი: საქართველო არაფრითაა უნგრეთზე ან უკრაინაზე სუსტი - აბსურდულ სიტუაციაში გავიმარჯვეთ
როგორი შეფასებები მიიღეს საქართველოს ნაკრების ფეხბურთელებმა უკრაინასთან მატჩში?
ჩრდილოეთ ირლანდია უნგრეთს ფრედ ეთამაშა და A დივიზიონში აღზევდა
7-კაცა | საფრანგეთს მეორედ ვეღარ ვაჯობეთ
ახალგაზრდა ქართველმა მორაგბეებმა ინგლისურ კლუბს 107:5 მოუგეს
7-კაცა | ევროპულ თამაშებზე ოლიმპიადის საგზურისთვის
ზაალ რუხაძე - სამხრეთაფრიკული რაგბის ახალგაზრდა ქართველი ტალანტი
7-კაცა | სამი წლის შემდეგ - პორტუგალია და საფრანგეთი დამარცხებულია!
7-კაცა | მეორე ეტაპზე სპლიტში
7-კაცა | სტაბილურად მერვე ადგილი
7-კაცა | გიორგი ნოზაძე - შეიყვარე და გამოგვყევი
7-კაცა | მე-8 ადგილი ჰამბურგში