<p>საქართველოს ეროვნული ჩემპიონატი. უმაღლესი ლიგა. XXI ტური <br> ზედიზედ მეორე ტურია, ლანჩხუთის "ევგრაფი შევარდნაძეზე" ჩემპიონობის ფავორიტ გუნდებს აჩერებენ - ოთხი დღის წინ "დილამ" ვერაფერი მოუხერხა არენის ნამდვილ მასპინძელ გურულებს. ამჯერად კი "დინამომაც" ვერაფერი დააკლო ნომინალური მასპინძლის რანგში დახვედრილ "კოლხეთს", რომლისთვისაც ასევე დიდი მნიშვნელობა ჰქონდა ამ შეხვედრას.</p><p>თავიდანვე უნდა ითქვას, რომ თამაში ამინდზე არანაკლებ "ცივი" გამოდგა და მაყურებელიც ვერ დარჩებოდა კმაყოფილი. პირველი ნახევარი ფოთელთა უპირატესობით წარიმართა, თუმცა მატჩი თბილისელთა შეტევით დაიწყო: მე-2 წუთზე <strong>გიორგი ჯანელიძემ </strong>მარჯვნიდან ჩააწოდა და გიორგი ჩირგაძემ თავით ააცილა.</p><p>რამდენიმე წუთში უკვე საპირისპირო კარის ხარიხას გადაევლო <strong>ომარ გოგონაიას</strong> თავური, როცა კოლხთა კაპიტანი <strong>მერაბ გიგაურის</strong> კუთხურს აბოლოებდა. მერე <strong>გიორგი ლემონჯავა</strong> ცდილობდა გატანას, მაგრამ საჯარიმოს კუთხესთან მყოფმა შორეულ ძელს ცოტათი ააცილა.</p><p>უკეთესი შანსი ნომინალურ მასპინძლებს 21-ე წუთზე მიეცათ, როცა მარცხნიდან გოგონაიას დაბალ ჩაწოდებულს საპენალტო ნიშნულთან <strong>შოთა ჯიქიამ</strong> ფეხი ააცილა.</p><p>აი, 30-ეზე კი "დინამოს" ვერაფერი გადაარჩენდა, როცა <strong>გურამ გურეშიძემ</strong> შეუჩერებლივ დაარტყა მეტოქის საჯარიმოში შექმნილი არეულობიდან გამოვარდნილი ბურთი, რომელმაც <strong>ლიბორ ჰრდლიჩკას</strong> კარის მარჯვენა ძელს ჩაუქროლა.</p><p>ამის მერე "დინამომ" თამაშის გათანაბრება მოახერხა, რაც იმაში გამოიხატა, რომ ფოთელებს მეტი ხიფათი აღარ შეუქმნიათ, თუმცა არც დედაქალაქელები დამუქრებიან სერიოზულად "კოლხეთის" კარს.</p><p>ისევ ფოთელთა მცირეოდენი უპირატესობით დაიწყო მეორე ტაიმი, თუმცა ამჯერად <strong>ზაზა ინაშვილის</strong> გუნდს ხიფათის შექმნა გაუჭირდა. სამაგიეროდ, ბოლო ნახევარ საათში გატანა რამდენჯერმე შეეძლო "დინამოს", რომელმაც მასპინძლებს სათამაშო უპირატესობაც "ჩამოართვა".</p><p>მე-60 წუთისთვის <strong>კახა გოგიჩაიშვილის</strong> გუნდმა ორი ხიფათი შექმნა - ჯერ <strong>ლაშა თოთაძეს</strong> შორეული დარტყმა აუღო <strong>კონსტანტინე სეფიაშვილმა</strong>, ხოლო<strong> საბა ლობჟანიძემ</strong> ბადეს გარედან მოარტყა.</p><p>ბოლო წუთებზე "დინამოს" მაინც შეეძლო გამარჯვების გოლის გატანა, მაგრამ მცდელობები კოლხთა მეკარემ ჩაუშალა - სეფიაშვილმა ჯერ "ცხრიანიდან" <strong>გიორგი გველესიანის</strong> დარტყმა "გამოაძრო", ხოლო შემდეგ <strong>ლაშა შერგელაშვილსაც</strong> არ გაატანინა.</p><p>საბოლოოდ, ლოგიკური ფრე დაფიქსირდა შეხვედრაში, სადაც ისეთი ხიფათი თითქმის ერთხელაც არ შექმნილა, 100-პროცენტიანს რომ ვეძახით.</p><p><span style="color: #3366ff;"><strong>საქართველოს ეროვნული ჩემპიონატი. უმაღლესი ლიგა. XXI ტური</strong></span></p><p>22.03. ლანჩხუთი. "ევგრაფი შევარდნაძე". 300 მაყურებელი</p><p><em><strong>კოლხეთი-დინამო (თბ) 0:0</strong></em></p><p><span style="text-decoration: underline;">კოლხეთი (4-2-3-1):</span> სეფიაშვილი - კილასონია, თევაძე, ჩაკვეტაძე, ლემონჯავა, - გოგონაია, მ. გიგაური (85. ბარამიძე) - ნ. სიჭინავა (82. ქორჩილავა), გურეშიძე, თ. კაკულია - შ. ჯიქია (81. ლ. შენგელია).</p><p>სათადარიგოები: ძაგანია, სარსანია, ჩადუნელი, გუგუშვილი</p><p>მწვრთნელი: ზ. ინაშვილი</p><p><span style="text-decoration: underline;">დინამო (4-1-4-1):</span> ჰრდლიჩკა - კაკაბაძე, გველესიანი, ფერეირა, თოთაძე - მ. ცინცაძე - ჯანელიძე, კიტეიშვილი (82. შერგელაშვილი), პარუნაშვილი (67. ჯ. ჯიღაური), ს. ლობჟანიძე (59. ჭანტურიშვილი) - ჩირგაძე.</p><p>სათადარიგოები: კულუა, ბუკორაცი, ტაბატაძე, პაპუნაშვილი</p><p>მწვრთნელი: კახა გოგიჩაიშვილი</p><p><span style="text-decoration: underline;">არბიტრი:</span> ა. ნონიკაშვილი</p><p><span style="color: #3366ff;"><strong>მომდევნო (XXII) ტური</strong></span></p><p><span style="text-decoration: underline;">3 აპრილი, პარასკევი</span></p><p>გურია-ვიტ ჯორჯია</p><p>ზუგდიდი-ცხინვალი</p><p>სამტრედია-შუქურა</p><p>ზესტაფონი-მეტალურგი</p><p>ჩიხურა-მერანი</p><p>სიონი-კოლხეთი</p><p>დინამო (ბთ)-ტორპედო</p><p>დინამო (თბ)-დილა</p><p><span style="color: #3366ff;"><strong>ბომბარდირები:</strong></span></p><p>ი. მოდებაძე (დილა) 10</p><p>ჯ. დვალი (ზესტაფონი)* 10</p><p>ო. კვერნაძე (ტორპედო) 8</p><p>დ. სიჭინავა (კოლხეთი/სიონი) 8</p><p>ნ. კვეკვესკირი (დილა) 7</p><p>გ. პაპუნაშვილი (დინამო თბ) 7</p><p>ნ. საბანაძე (დინ. თბ/ტორპ) 7</p><p>თ. მუმლაძე (ჩიხურა) 7</p><p><em>შენიშვნა: * - ჯაბა დვალი კარიერას მოლდოვის "დაჩიაში" განაგრძობს</em></p><p>(იბეჭდება მცირე ცვლილებით)</p><p><strong>ყოველდღიური სპორტული გაზეთი "ლელო"</strong></p>
გიორგი ონიანი "სამგურალის" ახალი მწვრთნელია
"სამგურალი" ბრაზილიელმა მწვრთნელმა დატოვა
ბათუმის "დინამომ" 2026 წლის სეზონისთვის მზადება დაიწყო
ევრო 2026 | ლატვია - საქართველო | ევროპის ჩემპიონატის პირველი მატჩი რიგაში
მიხაელ აპელგრენი: საქართველო ბევრად უკეთესია ამ ჩემპიონატზე, ვიდრე მეგონა
ტიტე კალანდაძე: ვფიქრობ, შვედეთთან მატჩში არ გვქონდა საბრძოლო სულისკვეთება
ლუის ენრიკეს მოულოდნელი გადაწყვეტილება - "სპორტინგისა" და პსჟ-ს შემადგენლობები ცნობილია
"არსენალი" "ინტერის" მცველის შეძენას შეეცდება
რაფინია დაბრუნდა, ტორესმა ლაზარეთში გადაინაცვლა - "ბარსელონამ" ფეხბურთელების ჯანმრთელობის მდგომარეობაზე ინფორმაცია გამოაქვეყნა
"არ მომწონს, როდესაც ჩვენი ფანები გვისტვენენ" - ვან დეიკი "ლივერპულის" ქომაგების საქციელზე
ძმის გარდაცვალების გამო კარიერა დაასრულა - კევინ კამპლი ფეხბურთიდან წავიდა
ევრო 2026 | ფუტსალის ნაკრების შემადგენლობა ევროპის ჩემპიონატზე
[VIDEO] ევრო 2026. ცხოვრებაძის 11 გოლი და არსენაშვილის ტრავმა - საქართველოს ნაკრები შვედეთთან დამარცხდა
გიორგი ონიანი "სამგურალის" ახალი მწვრთნელია
ევროპის ჩემპიონატი. საქართველოს ნაკრები რუმინეთთან დამარცხდა
სენეგალში ზეიმია - პრეზიდენტმა უქმე დღე გამოაცხადა
ესპანეთის თასის 1/4-ფინალი - "ალბასეტე" "ბარსელონასაც" გამოაგდებს?
დიანა დევისმა და გლებ სმოლკინმა სპორტულ ცეკვებში გამოსვლა მეექვსე ადგილზე დაასრულეს
COPE: "რეალის" ფეხბურთელები ფანების ქმედებით იმედგაცრუებულები არიან
ალონსო თუ გლასნერი? - "ტოტენჰემი" ფრანკის გათავისუფლებისთვის ემზადება
ნანი და პიანიჩი კარიერას ყაზახეთში გააგრძელებენ - "აქტობეს" შემდეგი სამიზნე გერმანელი ვარსკვლავია
[VIDEO] ოიარსაბალის ულამაზესი გოლი - "ბარსელონას" 9-მატჩიანი მოგებათა სერია "სოსიედადთან" დასრულდა
ჩემპიონთა ლიგის დაბრუნება ქართული დუელით და მატჩები სამ დროს
დილა-გურია 0:0 - "დილა" დარჩა, "გურია" ვერ გადარჩა[VIDEO]
დაბრუნებაც, დებიუტიც... "იბერია 1999"-მა და "დინამო ბათუმმა" მოიგეს, ერთი მატჩი ფრედ დასრულდა
ეროვნული ლიგა. I ტური. "სამგურალი" - "კოლხეთი" [LIVE]
[VIDEO] როგორი შანსი დაკარგეს - თბილისის "დინამოს" ახალგაზრდული გუნდი ჩემპიონთა ლიგის პლეი-ოფში ვერ გავიდა
ოთარ კობახიძე - "ჩელე-არენის" მორიგი მსხვერპლი
ზედიზედ 5-ჯერ! - "რუსთავის" მეკარის შესანიშნავი თამაში "ლოკომოტივთან" [VIDEO]
[ევროტურნირების წინ] თბილისის "დინამო" - შარშანდელი არ უნდა განმეორდეს!
[VIDEO] თბილისის "დინამოს" ახალგაზრდული გუნდი ჩემპიონთა ლიგის პლეი-ოფს მიუახლოვდა
უმაღლესი ლიგა. XXV ტური: ორივე "დინამო" დამარცხდა [VIDEO]
"დინამო თბილისი" 8 ფეხბურთელს დაემშვიდობა
თბილისის "დინამო": მატიას კურიე არის, რემი ამიო და ერიკ საბოც მოდიან
ტორპედო-კოლხეთი 1:0 - შედეგი კი, მაგრამ ხარისხი... [VIDEO]
"დინამო თბილისი" 19-წლამდელთა ლიგის გამარჯვებულია
17 წლის ხარებაშვილი "აიაქსს" დაუკავშირეს - რას წერს ნიდერლანდური გამოცემა ქართველზე?
პსჟ თბილისში ჩამოვიდოდა - რა შანსი გაუშვეს ხელიდან
[ლელოს სტუმარი] "ჯერ საქართველოში უნდა დაამტკიცო, რა შეგიძლია!"
"მარკ სტარსის" თასი: ტყიბულის "მეშახტის" ტრიუმფი
ფოთის "კოლხეთის" თავკაცის პოსტზე ზაზა ინაშვილი გელა სანაიამ შეცვალა
კოლხეთი-დინამო (თბ) 1:1 - "დინამო" ისევ კოჭლობს [VIDEO]
ფოთის "კოლხეთის" დირექტორი: კლუბმა დათქმულ დროს ვერ გადაიხადა სახელფასო დავალიანება და დიდი ალბათობით...
ეროვნული ლიგა. V ტური. "კოლხეთი" - "გაგრა" [LIVE]
ბაჩანა არაბული ცეცაძესთან - ვის ემშვიდობება თბილისის "დინამო"
დილა-კოლხეთი 2:0 - სტარტი სვენებ-სვენებით [VIDEO]
მოსალოდნელი ტრანსფერი: გიორგი ლომაია თბილისის "დინამოში" ბრუნდება
ზაზა ინაშვილი: "კოლხეთში" სხვა გზა აღარ დამრჩა, უნდა წავსულიყავი...
რატომ წავიდა პრეზიდენტი? ...არ სურდათ, ეს საკითხები რომ გამეკონტროლებინა
[ლელოს სტუმარი] "საქართველოს ჰიმნზე რომ დავდექი, თვალწინ წარმომიდგა ყველაფერი"
მოისწრაფიშვილმა "სპარტაკთან" კონტრაქტი გააფორმა
ეროვნული ლიგა. III ტური. "კოლხეთი 1913" - "დინამო" (თბ) [LIVE]
გურია-დილა 0:2 - ორი საჩუქრის ამბავი [VIDEO]
"საუთჰემპტონში" ყოფნა, უსამართლობა "დინამოსგან" და მწვრთნელის კომპეტენციაში ჩარევები - კახა გოგიჩაიშვილი ქართულ რეალობაზე
რევაზ ჩიტეიშვილის გასროლა "დინამოსთან" მსოფლიოს TOP-გოლებში მოხვდა! [VIDEO]
სტუმრების დღე: "სამგურალმა" და "გარეჯმა" მოიგეს