<p>საფრანგეთის სარაგბო ჩემპიონატის ელიტურ, პირველ დივიზიონში 21-ე ტურის შეხვედრები გაიმართა <br> საფრანგეთის სარაგბო ჩემპიონატის ელიტურ, პირველ დივიზიონში 21-ე ტურის შეხვედრები გაიმართა.</p><p>ეს ტური ის უიშვიათესი შემთხვევაა, როცა ორივე ლიდერმა, "ტულონმა" და "კლერმონმა" წააგო, თუმცა სატურნირო ცხრილში ისევ ორხელისუფლებიანობა შენარჩუნდა.</p><p>საფრანგეთისა და ევროპის შარშანდელმა ჩემპიონმა, <strong>მამუკა გორგოძის</strong>, <strong>ლევან ჩილაჩავასა</strong> და <strong>კონსტანტინე მიქაუტაძის</strong> "ტულონმა" შინ მიიღო ფრანგული რაგბის გრანდი, <strong>ვასილ კაკოვინის</strong> "ტულუზი" და დამარცხდა - 24:34.</p><p>ტულონელთა წაბორძიკება რეგულარული გათამაშების ფინიშის სწორს სენსაციად უნდა მივიჩნიოთ, მით უფრო, რომ ტულუზელები ბოლო ხანს დიდად ვერ ბრწყინავენ.</p><p>თამაშის პირველი ტაიმი მასპინძლებს ცუდს არაფერს უქადდა. ტულონელები მეტოქეს 38-ე წუთამდე მშრალი ანგარიშით 18:0 უგებდნენ. სტუმრები გონს სწორედ პირველი ნახევრის ბოლოდან მოეგნენ და თამაშის დასრულებამდე ათი წუთით ადრე ანგარიშში დაწინაურდნენ კიდეც - 25:24. "ტულონმა" ხელიდან გაშვებული ინიციატივა ვეღარ დაიბრუნდა და ისე დამარცხდა, პრემიალური ქულაც ვერ აიღო.</p><p>ჩილაჩავა თამაშში 61-ე წუთიდან ჩაერთო, გორგოძე მოედანზე 11 წუთის შემდეგ გამოჩნდა, მიქაუტაძე განაცხადში არ იყო, კაკოვინი ტრავმირებულია.</p><p>"ტულონს" ახლა 61 ქულა აქვს და პირველ ადგილზეა. ამდენივე ქულა დაუგროვდა <strong>დავით ზირაქაშვილისა</strong> და <strong>ვიქტორ კოლელიშვილის</strong> "კლერმონს", რომელმაც სტუმრად წააგო <strong>ზურაბ ჟვანიასა</strong> და <strong>დავით ქუბრიაშვილის</strong> "სტად ფრანსესთან" - 26:40.</p><p>ანგარიშიდანაც კარგად ჩანს, რომ პარიზელებმა მეტოქეს თითქმის ყველა კომპონენტში აჯობეს. შინაურ კედლებში მეტოქეზე ნაკლები შეცდომა დაუშვეს და დამსახურებული, საკმაოდ მნიშვნელოვანი გამარჯვება მოიპოვეს.</p><p>"სტად ფრანსე" ლიდერებს ამ მოგების შემდეგ ორი ქულით ჩამორჩება. ქუბრიაშვილი თადარიგში იყო და მოედანზე 52-ე წუთიდან გამოჩნდა, ზირაქაშვილი თამაშში რვა წუთის შემდეგ ჩაერთო, ექვს წუთში კი მასპინძელთა პირველი ხაზი ჟვანიამ გააძლიერა. ის ამჯერად ბურჯის პოზიციაზე გაისარჯა. კოლელიშვილი ტრავმირებულია.</p><p>თანაქალაქელებს ოთხი ქულით ჩამორჩება და მეოთხე ადგილზეა <strong>დავით ხინჩაგიშვილის</strong> "მეტრო რასინგი", რომელმაც სტუმრად დაამარცხა ბასკური "ბაიონი" - 12:6. საქართველოს ნაკრების შერკინების ბურჯმა ტრავმა მოირჩინა და "ბაიონთან" მატჩში ძირითად შემადგენლობაში ითამაშა. ის 58-ე წუთზე შეცვალეს.</p><p>პლეი ოფში მოხვედრისთვის ბრძოლას განაგრძობს <strong>მიხეილ ნარიაშვილის</strong> "მონპელიე", რომელმაც შინ დიდი ანგარიშით სძლია აუტსაიდერ "ლიონს" - 45:17. ქართველი შერკინების ბურჯი, რომელიც დიდი ხანია ძირითადი პირველხაზელია, ამჯერადაც სასტარტო შემადგენლობაში იყო და 53-ე წუთზე შეცვალეს.</p><p>დივიზიონში ადგილის შენარჩუნებისთვის იბრძვის <strong>კარლენ ასეიშვილის</strong>, <strong>გოდერძი შველიძისა</strong> და <strong>გიორგი ჟღენტის</strong> "ბრივი", რომელმაც სტუმრად წააგო "ოიონაქსთან" - 3:24. ჟღენტი და შველიძე თამაშში ერთდროულად, 50-ე წუთიდან ჩაერთნენ. ეს უკანასკნელი მატჩის არბიტრმა 72-ე წუთზე სინბინში გაუშვა. ასეიშვილს არ უთამაშია.</p><p><strong>ლექსო ყაულაშვილის</strong> "ლა როშელმა" სტუმრად დაძაბულ ბრძოლაში მოუგო <strong>ზაზა ნავროზაშვილის</strong> "ბორდოს" - 22:21. ყაულაშვილი 66-ე წუთზე შეცვალეს, ნავროზაშვილი განაცხადში არ იყო.</p><p><span style="color: #ff0000;"><strong>I დივიზიონი</p><p></strong></span><strong>XXI ტური</p><p></strong>ბაიონი-მეტრო რასინგი 6:12, სტად ფრანსე-კლერმონი 40:26, ბორდო-ლა როშელი 21:22, მონპელიე-ლიონი 45:17, ოიონაქსი-ბრივი 24:3, ტულონი-ტულუზი 34:24, გრენობლი-კასტრი 12:16.</p><p><span style="text-decoration: underline;">სატურნირო მდგომარეობა</p><p></span>1. ტულონი - 61 ქულა, 2. კლერმონი - 61, 3. სტად ფრანსე - 59, 4. მეტრო რასინგი - 55, 5. ტულუზი - 53, 6. ოიონაქსი - 49, 7. მონპელიე - 48, 8. გრენობლი - 48, 9. ბორდო - 46, 10. ლა როშელი - 44, 11. ბაიონი - 41, 12. ბრივი - 40, 13. კასტრი - 38, 14. ლიონი - 34.</p><p><strong>XXII ტური</p><p></strong>ლა როშელი-სტად ფრანსე, მეტრო რასინგი-მონპელიე, ბრივი-ლიონი, კლერმონი-ოიონაქსი, ტულუზი-ბაიონი, გრენობლი-ტულონი, კასტრი-ბორდო.</p><p><p><div style="text-align: center;"><span style="color: #ff0000;"><strong>* * *</strong></span></div></p> II დივიზიონში რეგულარული გათამაშების დასრულებამდე ხუთი ტური დარჩა. აქ ისევ დამაჯერებლად ლიდერობს <strong>გიორგი ნაცარაშვილის</strong> "პო", რომელსაც ამჟამად 83 ქულა აქვს და უახლოეს მდევარს, <strong>დიმიტრი ბასილაიასა</strong> და <strong>გიორგი მჭედლიშვილის</strong> "პერპინიანს" 11 ქულით უსწრებს.</p><p>25-ე ტურში ერთმანეთს სწორედ ეს გუნდები შეხვდნენ. კატალონიელებმა საკუთარ მოედანზე ლიდერის დამარცხება შეძლეს - 22:15 და მეორე პოზიციაზე გამყარდნენ. ნაცარაშვილმა ძირითად შემადგენლობაში ითამაშა და 69-ე წუთზე შეცვალეს, მჭედლიშვილსა და ბასილაიას არ უთამაშიათ.</p><p>საგულისხმოა, რომ პლეი ოფში მოხვედრისთვის ბრძოლას განაგრძობს ქართველ მორაგბეთა კიდევ სამი გუნდი. ესენია: "აჟენი", "ორიაკი" და "ალბი". <strong>თამაზ მჭედლიძისა</strong> და <strong>გიორგი თეთრაშვილის</strong> "აჟენმა" შინ საკმაოდ საინტერესო ბრძოლაში დაამარცხა "კარკასონი" - 46:31 და ახლა 66 ქულით მე-4 ადგილზეა. ქართველ მორაგბეებს არ უთამაშიათ.</p><p>ამდენივე ქულა აქვს და მეხუთე ადგილზეა <strong>ლევან დათუნაშვილის</strong>, <strong>მერაბ შარიქაძისა</strong> და <strong>ნიკოლოზ ხატიაშვილის</strong> "ორიაკი", რომელმაც შინ დაამარცხა ერთ-ერთი აუტსაიდერი "დაქსი" - 42:6. დათუნაშვილმა სრულად ითამაშა, შარიქაძე და ხატიაშვილი განაცხადში არ იყვნენ.</p><p>"აჟენისა" და "ორიაკის" დუეტს სამი ქულით ჩამორჩება და სატურნირო ცხრილში მე-6 საფეხური უკავია <strong>ბექა შეყლაშვილისა</strong> და <strong>ვახტანგ მაისურაძის</strong> "ალბის". ჩვენებურთა ამ გუნდმა შინ დაამარცხა "ნარბონი" - 17:13. შეყლაშვილი ძირითად შემადგენლობაში იყო და 59-ე წუთზე შეცვალეს, მაისურაძეს არ უთამაშია.</p><p>სატურნირო ცხრილის ბოლო საფეხურზე დაეშვა <strong>შალვა სუთიაშვილის</strong>, <strong>დავით აშვეთიას</strong>, <strong>დავით დადუნაშვილის</strong>, <strong>ელიზბარ ყუფარაძისა</strong> და <strong>ვახტანგ ახობაძის</strong> "მასი", რომელმაც სტუმრად წააგო უშუალო კონკურენტ "ბურგუენთან" - 20:25.</p><p>ყუფარაძე აშვეთიამ 48-ე წუთზე შეცვალა, იმავდროულად, დატოვა მოედანი დადუნაშვილმაც, სუთიაშვილი თამაშში 59-ე წუთიდან ჩაერთო, ახობაძეს არ უთამაშია.</p><p><strong>გიორგი ნემსაძისა</strong> და <strong>ირაკლი მირცხულავას</strong> "ტარბმა" სტუმრად წააგო "კოლომიესთან" - 17:34. მირცხულავა ძირითად შემადგენლობაში იყო და 59-ე წუთზე შეცვალეს, ნემსაძე 18 წუთით ადრე გამოჩნდა მოედანზე.</p><p><span style="color: #ff0000;"><strong>II დივიზიონი</strong></span></p><p><strong>XXV ტური</p><p></strong>აჟენი-კარკასონი 46:31, ალბი-ნარბონი 17:13, ორიაკი-დაქსი 42:6, ბეზიე-მონტობანი 38:13, ბურგუენი-მასი 25:20, კოლომიე-ტარბი 34:17, პერპინიანი-პო 22:15, მონ დე მარსანი-ბიარიცი 23:15.</p><p><span style="text-decoration: underline;">სატურნირო მდგომარეობა</p><p></span>1. პო - 83 ქულა, 2. პერპინიანი - 72, 3. მონ დე მარსანი - 68, 4. აჟენი - 66, 5. ორიაკი - 66, 6. ალბი - 63, 7. ბიარიცი - 62, 8. მონტობანი - 58, 9. კოლომიე - 57, 10. ბეზიე - 55, 11. კარკასონი - 50, 12. ტარბი - 49, 13. ბურგუენი - 41, 14. ნარბონი - 38, 15. დაქსი - 37, 16. მასი - 35.</p><p><strong>XXVI ტური</p><p></strong>პო-მონ დე მარსანი, მონტობანი-აჟენი, კარკასონი-ბეზიე, კოლომიე-ორიაკი, დაქსი-მასი, ნარბონი-პერპინიანი, ტარბი-ალბი, ბიარიცი-ბურგუენი.</p><p><strong>ყოველდღიური სპორტული გაზეთი "ლელო"</strong></p>
ქართველები ევროტურნირების ფინალში
ბექა საღინაძის ლელოთი ჩელენჯ თასის ფინალში!
RugbyPass-ის ინტერვიუ დავით ნინიაშვილთან - "საქართველო 2027 წლის მსოფლიო თასზე მეოთხედფინალში გავა"
პირველ მეოთხედში უკვე 22 ქულა ჰქონდა - დონჩიჩმა სლოვენია მეოთხედფინალში გაიყვანა
პირველი ტაიმის შემდეგ საქართველოს ნაკრები ბულგარეთს 2:0 ამარცხებს
მეორე ნახევარში უკეთესი ბითაძე გვჭირდება - საქართველოს ნაკრებმა საფრანგეთს პირველი ტაიმი მოუგო
კაპიტანი კვარაცხელია - ბულგარეთთან მატჩში საქართველოს ნაკრების შემადგენლობა ცნობილია
ოფიციალურად: "კოლოსმა" ზურაბ რუხაძე წარადგინა
ტიაგო მოტამ შესაძლოა, ბუნდესლიგის ბინადარი გუნდი ჩაიბაროს
როდრიმ მისი აზრით "ოქროს ბურთის" ორი ფავორიტი დაასახელა
"სექსის დროს არ მინახავს, არ იცოდა, რომ კამერებზე წვდომა მქონდა..." - როგორ გაიგო ღალატის შესახებ არგენტინელი ვარსკვლავის მეგობარმა გოგონამ
ფრენკ ლამპარდი შესაძლოა, სამუშაოდ პრემიერ ლიგაში დაბრუნდეს
ქოჩორაშვილი: აქამდე სწორედ იმიტომ მოვედით, რომ არასდროს ვნებდებით
ევრობასკეტის მთავარი სენსაცია - სერბეთის ნაკრები ფინეთთან დამარცხდა და ტურნირს გამოეთიშა
"შავი ლომი" "ძებრესთან" დამარცხდა
ლუქსემბურგის ახალგაზრდული ნაკრების ავტობუსი გზაში გადატრიალდა
გატუზო თავის სტიქიაშია - ზოგს წაუთაქა, ზოგს სილა გააწნა
დუე და დემბელე ლაზარეთში, ლუის ენრიკე საოპერაციო მაგიდაზე - რა ხდება პსჟ-ში?
ბულგარელთა მწვრთნელი: შეგვიძლია ის დანაკლისი აღმოვფხვრათ, რაც ჩვენი და საქართველოა ნაკრების ფეხბურთელების ხარისხს შორისაა
დავითაშვილი: ასეთები ხდება, მთავარია, ახლა არ გავიმეოროთ
სანიოლი: ისე ხდება, როგორც სკოლაში - გვირჩევნია ახალ ტაქტიკაზე ახლავე გადავეწყოთ
ანრის გაუთანაბრდა - მბაპე საფრანგეთის ნაკრებში ყველა დროის რეკორდისკენ მიდის
მატჩის დღე - ქართველებსა და ბულგარელებს ცუდად დაწყებულის გამოსწორება სურთ!
რაგბი. ლეგიონი: შარიქაძის ლელო, ასეიშვილი - სიმბოლურში [VIDEO]
რაგბის ლეგიონი: 19 ქართველი ევროთასებზე
ლეგიონერები - საფრანგეთში პლეი-ოფები დაწყვილდა
რაგბის ლეგიონი: ქართველი მორაგბეების წლის ბოლო ტური
ქართველმა ლეგიონერებმა საფრანგეთში სამი ლელო დადეს [VIDEO]
ზურაბ ჟვანია: ეს განვითარებისათვის საუკეთესო შესაძლებლობა იქნება
მიქაუტაძე ფრანგულ ლიგაში ოთხკვირიანი დისკვალიფიკაციით დასაჯეს [VIDEO]
ქართველი ლეგენდა "მშობლიურ" კლუბს დაუბრუნდა
გაგი ბაზაძემ "აჟენთან" ორწლიანი ხელშეკრულება გააფორმა
ზურაბ ჟვანია და გიორგი მელიქიძე "ჩელენჯ კაპის" მფლობელები გახდნენ
მამუკა გორგოძე: ვიძლევი გარანტიას, რომ არავინ დაიჩაგრება
ქართველი მორაგბეების ლელოები ჩემპიონთა თასზე
ლეგიონერები - ნაკლული ტური, გადადებული შეხვედრები და ქუბრიაშვილი "პერპინიენში"
როცა ზელანდიასთან საუკეთესო გორგოძე გახდა - იტალიელების ფიქრი რევანშზე და საქართველოს ნაკრები სერიოზული მატჩებით
საქართველოს მორაგბეთა ნაკრები დაფრინავს - პირველი ტაიმის შემდეგ "ბორჯღალოსნები" გერმანიას 42:0 ამარცხებენ
პრო დე2 - პირველ ტურში ცხრამ ითამაშა
კონსტანტინე მიქაუტაძემ შესაძლოა მინიმუმ 2-3 თვე ვერ ითამაშოს
აფრასიძე და ნარიაშვილი საფრანგეთის ჩემპიონები არიან!
საახალწლო საჩუქარი ლეგიონერებისგან - ხუთი ლელო საფრანგეთიდან
რაგბი. ლეგიონი: ჯაბა ბრეგვაძისა და გიორგი ნემსაძის დებიუტი
რაგბი. ლეგიონი: ორი ქართული ლელო და დებიუტი [VIDEO]
გორგოძის ფაქტორი ფრანგულ ვიზიტში
რაგბი. ლეგიონი: დავით მესხმა დებიუტი ლელოთი აღნიშნა
ლეგიონერები: ევროთასები 11-მა დაიწყო, ჟვანია დაბრუნდა
რაგბი. ლეგიონი: მამუკა გორგოძე "ეკიპის" რჩეულებში
რაგბი. ლეგიონი: ზირაქაშვილი დაშავდა, კოლელიშვილი ბრუნდება
ზირაქაშვილი, კოლელიშვილი და გიორგაძე საფრანგეთის ჩემპიონები გახდნენ [VIDEO]
რაგბის ლეგიონი: ვის ვუქომაგოთ ამ სეზონში
ლეგიონერები - ტური ნაახალწლევს
"მონპელიემ" "უმცროსი ბორჯღალოსნების" ერთ-ერთი ლიდერი გელა აფრასიძე დაიმატა
სარაგბო კლუბის ვარსკვლავი ტრაგიკულად დაიღუპა
მამუკა გორგოძე დირექტორთა საბჭოში
ლევან ჩილაჩავა: ეს ქალაქი რაგბით ცხოვრობს
რაგბის ლეგიონი: ოთარ გიორგაძემ დებიუტი ლელოთი აღნიშნა [VIDEO]
მილტონ ჰეიგი ჟვანიაზე: ზურა იმ 5 პროცენტშია, რომელმაც ეს ვერ მოახერხა
გელა აფრასიძე: გამიჭირდა ოჯახის დატოვება
რა უნდა ვისწავლოთ მსოფლიო თასიდან - World Rugby "ბორჯღალოსნებზე" სტატიას აქვეყნებს
რაგბის ლეგიონი: ტური რაგბი ევროპის პარალელურად
"ბორჯღალოსნების" 43-კაციანი შემადგენლობა, რომელიც 2019 წლის მსოფლიო თასისთვის მოემზადება, ცნობილია
"ამ ბიჭს პირადად არ ვიცნობ, მაგრამ..." - რას აცხადებს მამუკა გორგოძე ხვიჩა კვარაცხელიაზე?
ლეგიონერები - ჩილაჩავა ლელოთი დაბრუნდა, პაპიძემ მესამე გაიტანა
ევროთასები: ჩილაჩავას დაბრუნება და აბჟანდაძის 11 ქულა
საქართველოს ნაკრების ორმა მორაგბემ კლუბი შეიცვალა
მამუკა გორგოძე - ქართველი ლეგენდა RugbyPass-ის დიდების დარბაზში
ლეგიონერები - ჩილაჩავას ლელო და აბჟანდაძის 17 ქულა
დავით ზირაქაშვილი: თითო ასეთ შეცდომას ყველა მატჩში ვუშვებ
რაგბი. ლეგიონი: მირცხულავასა და ვეფხვაძის "ოიონაქსი" ელიტაშია, კიდევ?