<p>არგენტინამ ბურთის ფლობის სანაკრებო რეკორდი დაამყარა <br> <strong><span style="font-size: x-small;">* არგენტინას ახლა უკვე ზედიზედ 7 მოგება აქვს და ამ შეხვედრებიდან 5-ში "ალბისელესტეს" გოლი არ გაუშვია.</p><p>* ბოლივიის ნაკრებს ბოლო 13 მატჩიდან 12 წაგებული აქვს.</p><p>* პანამის მონაწილეობით, ბოლო 3 მატჩში 14 გოლი გავიდა.</p><p>* ალექსის სანჩესს ახლა უკვე 33 გოლი აქვს გატანილი ჩილეს ნაკრების მაისურით. იგი 1 ბურთით ჩამორჩება ივან სამორანოს და 4-ით მარსელო სალასს.</p><p></span></strong>აშშ-ში დასრულდა კოპა ამერიკის საიუბილეო გათამაშების ჯგუფური ეტაპი. ყველა მეოთხედფინალური წყვილი ცნობილია.</p><p>კოპა ამერიკის მოქმედი გამარჯვებული ჩილე და მოწვეული სტუმარი პანამა ერთმანეთში მეორე ადგილს ათამაშებდნენ. იქამდე ორივე არგენტინამ იმსხვერპლა, მაგრამ პანამელები უფრო დიდი სხვაობით და ამიტომ ჩილეს ფრეც აძლევდა ხელს, მაგრამ გარისკვა არ შეიძლებოდა. ჩილელები არც აპირებდნენ ფრეზე თამაშს და ისედაც იძულებულნი გახდნენ, შეტევაში წასულიყვნენ მას მერე, რაც სწრაფი გოლი გაუშვეს.</p><p>ეს აშკარად არ იყო კლაუდიო ბრავოს დღე, რომლის ორ შეცდომასაც ორი გოლი მოჰყვა მის კარში, მაგრამ განსაკუთრებით სწორედ პირველი გოლი უნდა გამოვარჩიოთ, როდესაც კამარგოს არც ისე ძლიერი დარტყმის მერე მას ბურთი აუსხლტა.</p><p>ჩილეს სათამაშო სტილი კარგად იცით და ჩილელებს რა გააჩერებდათ, ისინი ისედაც სულ ფაციფუცში არიან. ამ ფაციფუცში შეცდომა არ დაუშვიათ და პირიქით, მალევე გაათანაბრეს - ედუ ვარგასმა დამატებაზე ყველას დაასწრო.</p><p>დიახ, თუ ბრავოს დღე არ იყო, სწორედ ვარგასის დღე გახლდათ, მან გამოიღვიძა. 43-ე წუთზე ედუმ ბოსეჟურის ჩაწოდებულს "ურქინა" და ჩილემ ტაიმი, რომელსაც აგებდა, მოიგო. მეორე ნახევრის დებიუტში კი მანვე ალექსის სანჩესს უპასა, რომელმაც ცხოველური დარტყმით გოლი გაიტანა.</p><p>შეცვლაზე შესული აროიოს თავურისას ბრავო ისევ ცოტა არადამაჯერებელი იყო და ამ გოლმა მოჩვენებითი დაძაბულობა შექმნა, მაგრამ სანჩესის თავური ფუენსალიდას პასს მოჰყვა. ამ უკანასკნელს კარგი ტურნირი გამოსდის.</p><p>ჩილე მეოთხედფინალში მექსიკაზე გავიდა.</p><p><p><div style="text-align: center;"><span style="color: #ff0000; font-size: x-small; font-weight: bold; line-height: 15.808px; text-align: center;">იხილეთ ვიდეო</span><br style="color: #ff0000; font-size: x-small; font-weight: bold; line-height: 15.808px; text-align: center;" /><a href="/mtavari/video.html?view=video&video=7718" target="_blank" style="font-size: x-small; line-height: 15.808px; text-align: center;"><img src="pictures/artimages/image16/7391a553fef9c99d11aa39dde54aef2a.jpg" border="0" alt="Sportall.Ge" title="კოპა ამერიკა. D ჯგუფი: არგენტინა 100%-იანია, ჩილემ პანამა არ გაახარა [VIDEO]" /></a></div></p></p><p><p><div style="text-align: center;"><strong><span style="color: #ff0000;">***</span></strong></div></p> "ყოჩაღ" ბოლივიას, მართლაც "ყოჩაღ". დააკვირდით, რამდენი ჰქონდა ბურთის ფლობა არგენტინას? 86%! ამის კვალობაზე ბოლივიელთა 3 დარტყმა კარისკენ და 1 კარში მიღწევაა.</p><p>ჭეშმარიტი ქება და დიდება კი ხერარდო მარტინოს გუნდს ეკუთვნის, რომელიც გადახალისებული შემადგენლობით თამაშობდა და მიუხედავად ამისა, დაფრინავდა. მე-13 წუთზე ერიკ ლამელამ ჯარიმა შეასრულა და რიკოშეტით ბურთი ლამპეს კარში აღმოჩნდა. 2 წუთში ესეკიელ ლავესიმ გონსალო იგუაინის დარტყმულს დაამატა. 32-ე წუთზე კი "ინდეპენდიენტეს" მცველმა ვიქტორ ლეანდრო კუესტამ ლავესის პასით შეაგდო. არგენტინელებს თავი აღარ მოუკლავთ, მომენტები კიდევ ოხრად იყო. შეცვლაზე შემოსულ მესისაც არ გაუტანია, მაგრამ ლეომ რამდენიმე ძალიან ლამაზი მომენტი ჩაამატა თავის გიგანტურ ყულაბაში.</p><p>"ტატამ" ყველაფერი კარგად გააკეთა, ლიონელ მესის თამადობით, ნაკრების სხვა გამორჩეული ფეხბურთელები ზომიერად დატვირთა, შანსი თითქმის ყველას მისცა და ჯგუფური ეტაპი მაინც ერთი ამოსუნთქვით გაიარა. არგენტინა დასვენებული და ამავდროულად, მრისხანე გავიდა მეოთხედფინალში, სადაც ვენესუელა ელოდება. ვენესუელელებმა ძალიან კარგი შთაბეჭდილება დატოვეს, მაგრამ შემდეგ ეტაპზე, ალბათ, ყველაზე არასასურველ მეტოქესთან მოუწევთ ჭიდილი.</p><p>"ვენესუელა ძალიან კარგი ნაკრებია და ახლა ზეწოლაც გაზრდილია, რადგან ან იგებ, ან ვარდები. ის ფაქტი, რომ ბრაზილია და ურუგვაი ნაადრევად გაემგზავრნენ შინ, ჩვენთვის არაფერს ცვლის. ჩვენ საკუთარ თავზე და ჩვენი თამაშის გაუმჯობესებაზე უნდა ვიფიქროთ. ახლა უკვე თამაშებისადმი სხვაგვარი მიდგომაა საჭირო. თუ ვენესუელა გადაწყვეტს, რომ ლიონელ მესის პერსონალური მეურვე მიუჩინოს, ჩვენ კონტრნაბიჯი გვექნება და ლეოს ცენტრფორვარდად დავაყენებთ" - განაცხადა მარტინომ.</p><p>როგორც ხედავთ, "ტატამ" ერთგვარ ხრიკს მიმართა და თითქოს წინასწარ გათქვა ვენესუელასთან მატჩისწინანდელი გეგმის ნაწილი. ვნახოთ, წამოეგება თუ არა ანკესზე მისი ვიზავი.</p><p><p><div style="text-align: center;"><span style="color: #ff0000; font-size: x-small; font-weight: bold; line-height: 15.808px; text-align: center;">იხილეთ ვიდეო</span><br style="color: #ff0000; font-size: x-small; font-weight: bold; line-height: 15.808px; text-align: center;" /><a href="/mtavari/video.html?view=video&video=7717" target="_blank" style="font-size: x-small; line-height: 15.808px; text-align: center;"><img src="pictures/artimages/image16/bf162a0fc33288f9954c894ce97633b3.jpg" border="0" alt="Sportall.Ge" title="კოპა ამერიკა. D ჯგუფი: არგენტინა 100%-იანია, ჩილემ პანამა არ გაახარა [VIDEO]" /></a></div></p></p><p><strong><span style="color: #ff0000;">P.S</span></strong>. წუხელ ცნობილი გახდა, რომ ბრაზილიის ნაკრების თავკაცის პოსტზე დუნგას ნაცვლად "კორინთიანსის" მწვრთნელი ტიტე დაინიშნა.</p><p><strong><em>ჩილე-პანამა 4:2</p><p></em></strong>გოლები: 0:1 კამარგო (5), 1:1 ვარგასი (15), 2:1 ვარგასი (43), 3:1 სანჩესი (50), 3:2 აროიო (75), 4:2 სანჩესი (89)</p><p>ჩილე (4-3-3): ბრავო - ისლა, მედელი (90. როკო), ხარა, ბოსეჟური (60. პუში) - არანგისი, დიასი, ვიდალი (90. ერნანდესი) - ფუენსალიდა, სანჩესი, ვარგასი</p><p>პანამა (4-4-2): პენედო - მაჩადო, კამინგსი, მილერი, ენრიკესი - კამარგო, გომესი, ენრიკესი, კინტერო (71. ბუიტრაგო) - ტეხადა (46. ტორესი), ნურსე (46. აროიო)</p><p>გაფრთხილება: ისლა - კამარგო, კამინგსი, ენრიკესი</p><p>კუთხური: 10-1 ჯარიმა: 11-12 თამაშგარე: 2-4 კარში დარტყმა: 23(9)-12(3) ბურთის ფლობა: 76%-24%</p><p>მაყურებელი: 27 260</p><p><strong><em>არგენტინა-ბოლივია 3:0</p><p></em></strong>გოლები: 1:0 ლამელა (13), 2:0 ლავესი (15), 3:0 კუესტა (32)</p><p>არგენტინა (4-3-3): რომერო - რონკალია, ოტამენდი (75. მაიდანა), კუესტა, რამირო ფუნეს მორი - ბანეგა (46. ბილია), კრანევიტერი, ლამელა - ლავესი, იგუაინი (46. მესი), აგუერო</p><p>ბოლივია (5-4-1): ლამპრე - საავედრა, მელეანი, სენტერო, კაბრერა, გუტიერესი - ასოგუე, კამპოსი, შმედბერგი (85. ალგარანასი), არსე (46. მაჩადო) - დუკი (24. დ. ბეხარანო)</p><p>გაფრთხილება: ბანეგა, კუესტა - სენტერო, კამპოსი, მელეანი</p><p>კუთხური: 2-0 ჯარიმა: 11-15 თამაშგარე: 4-0 კარში დარტყმა: 14(6)-3(1) ბურთის ფლობა: 86%-14%</p><p>მაყურებელი: 45 753</p><p>თ მ ფ წ ბ ქ</p><p>1. არგენტინა 3 3 0 0 10-1 9</p><p>2. ჩილე 3 2 0 1 7-5 6</p><p>3. პანამა 3 1 0 2 4-10 3</p><p>4. ბოლივია 3 0 0 3 2-7 0</p><p><span style="text-decoration: underline;">1/4-ფინალი</p><p>16 ივნისი</p><p></span>აშშ-ეკვადორი 05:30</p><p><span style="text-decoration: underline;">17 ივნისი</p><p></span>პერუ-კოლუმბია 04:00</p><p><span style="text-decoration: underline;">18 ივნისი</p><p></span>არგენტინა-ვენესუელა 03:00</p><p>მექსიკა-ჩილე 06:00</p><p><strong>ყოველდღიური სპორტული გაზეთი "ლელო"</strong></p>
"მანჩესტერ იუნაიტედი" ამორიმის შემცვლელად, ინგლისის ნაკრების ყოფილი მწვრთნელს მოიაზრებს
"თუ სხვა რამის გამო გაბრაზდა, არასწორი ადამიანი აირჩია" - დე ბრუინსა და კონტეს შორის დაპირისპირება მწიფდება? [PHOTO]
"ყველას უნდა ვაჩვენოთ, ვინ ვართ" - "კაირატის" მეკარე "რეალთან" მატჩამდე
არისაბალაგა შეიძლება ფაბრეგასის გუნდში გადაბარგდეს
დუდუ დადიანის მემორიალზე ნახევარფინალისტები დაწყვილდნენ
ბოლო წუთების ფასი... "დილამ" და "სამგურალმა" მოიგეს, "იბერია 1999"-"გარეჯი" ფრედ დასრულდა
გოჩოლეიშვილის კარგი მატჩი - "ჰამბურგი" "უნიონს" ფრედ ეთამაშა
[VIDEO] დრამა "სენტ ჯეიმს პარკზე" - "არსენალმა "ნიუკასლს" ბოლო 10 წუთში თამაში შემოუტრიალა
Le Parisien-ი კვარაცხელიას ტრავმის შესახებ ინფორმაციას ავრცელებს
U17 | საქართველო 3:0 ლიეტუვა
წიტაიშვილი და აბუაშვილი შეცვლაზე და "მეცის" ფრე "ჰავრთან"
GEO TEAM: ლევან კორღალიძე "იბერია 1999"-ს მეოთხედ ჩაუდგება სათავეში
იური ტაბატაძე შეცვალეს - "კადისი" "სეუტასთან" ფრეს დასჯერდა
ლოჩოშვილმა ტრავმა მიიღო - "ნიურნბერგი" სახლში "ჰერტასთან" განადგურდა
გოგლიჩიძე ისევ არ ათამაშეს - "უდინეზე" დამარცხდა
"დარწმუნებული ვარ, სიტუაციის შეცვლა შემიძლია" - ამორიმი "ბრენტფორდთან" მარცხის შემდეგ
"რეალს" გიულერის თაობაზე ორი კლუბი დაუკავშირდა - "სამეფო კლუბმა" გადაწყვეტილება მიიღო
"ვესტ ჰემმა" პოტერი გაათავისუფლა - "ჩაქუჩები" ეშპირიტუ სანტუმ ჩაიბარა
"რეალს" ენდრიკის იჯარით გაშვება უნდა, ბრაზილიელი წასვლის წინააღმდეგია
"დიდებული მწვრთნელია, მაგრამ ფერგიუსონამდე და ანჩელოტიმდე ბევრი უკლია" - ხაბიბმა გვარდიოლაზე ისაუბრა
[VIDEO] სათადარიგოთა სკამიდან შევიდა და ყველაზე შედეგიანი იყო - შერმადინის მაგარი მატჩი "რეალთან"
ფრე ქუთაისში... და "თელავის" მოგება "გაგრასთან"
"ამ ორი ფეხბურთელის წყალობით, "ბარსელონა" მომდევნო 10-15 წელი ჩემპიონთა ლიგის მოგების მთავარი ფავორიტი იქნება" - დეულოფეუ
მესი ნაკრების ბომბარდირი გახდა - არგენტინა ფრეს დასჯერდა [VIDEO]
ის ერთფეროვანი აღარ არის - ის საუკეთესოა! [VIDEO]
დი მარიამ სანაკრებო კარიერა დაასრულა
მესის ჰეთ თრიქი და 2 საგოლე პასი - "ლა პულგას" ბენეფისი ბოლივიასთან [VIDEO]
ჩილესა და კოლუმბიის ომი, გადმოტანილი მოედანზე [VIDEO]
მესიმ კარიერაში ყველაზე სწრაფი გოლი გაიტანა - არგენტინამ გაიმარჯვა
ბრაზილიის ნაკრები კოპა ამერიკაზე თამაშზე უარს აცხადებს
1973 წ. სსრკ-ს ნაკრები მუნდიალს მიღმა ფიფას ინგლისელმა ხელმძღვანელმა დატოვა, საბჭოელებმა არ ითამაშეს სტადიონზე, სადაც კონც. ბანაკი იყო [VIDEO]
სკანდალი - ლეო მესი დაჯილდოებაზე არ გავიდა და აცხადებს, რომ არგენტინა ფინალში არ გაუშვეს
არტურო ვიდალი: მსაჯმა თამაში გააფუჭა
ლეგენდარული მენოტი გარდაიცვალა - მან თბილისის "დინამოს" ევროპის უძლიერესი გუნდი უწოდა
არგენტინა დამაჯერებლად ლიდერობს, მესი მშვენიერ ფორმაშია [VIDEO]
კოპას სიმბოლური ნაკრები - როცა მესის ყველაფერი ბრწყინვალედ გამოსდის
დრამატული მატჩი მესამე ადგილისთვის! კოლუმბიამ კომპენსირებულ დროში იმარჯვა[VIDEO]
რა დროს ფეხბურთია, როდესაც ორგიაა - ვიდალი თანანაკრებელებთან ერთად გაერთო
ბრაზილიამ 2019 წლის შემდეგ პირველად ვერ გაიმარჯვა [VIDEO]
ვან გაალი: არგენტინის მსოფლიო ჩემპიონობა დაგეგმილი იყო
საგიჟეთი, 83 წუთის დაგვიანებით დაწყებული მატჩი, ტრავმის გამო ატირებული მესი და ლაუტაროს გამარჯვების გოლი [VIDEO]